اولا اشككركم لانكم حمستوني كثير وشجعتوني بردودكم في موضوعي السابق
تعالوا شوفوا العشا اللي سويته لاصحاب زوجي ...!!
الحين ان شاء الله راح احط لكم الاطباق مع الطرق والله يقدرني اني ارضيكم ..
اولا وقبل كل شيء
الحين نبدأ
1- حلى القهوة المعمول
طريقته اخذتها من الاخت شذى الله يوفقها ومن جد طبقتها وكلمةرائعه شوي فيها
اما التشكيل للمعمول سويتها بالمنقاش باليد وهاذي الطريقه اقتبستها من قناة فتافيت
برنامج صحبه طيبه وشكلته بطريقتهم بس العجينه من طريقة الاخت شذى 2000 والحين بكتبها لكم ..
المقادير :
2ونص كأس دقيق (الكوب المعياري 250 ملم )
1 وربع كأس حليب بودرة
1 وربع كأس سمن نباتي كريسكو
بهارات معمول او( هيل مطحون وشمر ويانسون )
نص ملعقه صغيرة خميرة او اقل من النص
نص كاس ماء
قليل من السكر + ملح
الحشوة
تمر معجون + زيت وهيل ونعجنه مع بعض
ونكوره لكور صغيرة قد البندقه >>> ياعيني على الوصف <<<
الطريقه :
انخلي الدقيق وضعي البهارات والملح والسكر ويقلب
ثم نضع السمن والحليب البودرة والماء ونخلطه بالخلاط
الى ان يصبح مثل الكريمه
ثم نضع باقي المقادير ونعجنه
حتى يصبح عجينه متماسكه نوعا ما
ونكورها
ثم نحشي بالتمر على شكل اصابع بعدين تلفين الطرفين مع بعض وتصير مثل الدونات
وتشكلينها بالمنقاش الصغير الخاص بالمعمول من الاطراف مثل هالشكل
واذا تبغين الطريقه العاديه شكليها بقوالب المعمول ...
ثم بالصينيه
ونكون مجهزين الفرن ساخن وعلى طول تحمر من تحت ثم من فوق
ولما تبرد نرش الوجه بالسكر وتقدم بالعافية .
بالنسبه للقيمات جاهز والله اخذته من وحده تسوي اللقيمات روعه والصوره تشهد .
-----------------------------------------------------------------------------
2- سلطة الفراولة ...
سهلة جدا ولذيذة ....عباره عن
حزمتين جرجير
راس بصل ابيض
نعناع مفروم ناعم + كزبره مفرومه + بقدونس مفروم
حبتين طماطم بس يكونون شوي يابسه مو لينه وتنهري ..
التتبيله :
عصير 2 ليمونه + ملح + ملعقه صغيرة صماغ +
فلفل اسود رشه بس +زيت زيتون
للوجه :
فراوله طازجه مقطعه ارباع او شرايح اذا الحبه كبيره
الطريقه :
ننظف الجرجير زين ونقطع الاوراق بدون العرق اللي فوق ...
وبعدين نقطعه قطع كبيره شوي يعني مو يفرم ناعم لا تقريبا الورقه
تقطعينها لثلاث اجزاء بس ...ونقطع البصل شرايح والطماطم بعد شرايح ...
ونقلبهم جميعا مع البقدونس والكزبره والنعناع ...وما نحط التتبيله الا وقت
التقديم لان الجرجير يذبل مع الليمون او مثل ما انا سويت خليت صوص التتبيله
بصحن لحاله وكل واحد يغرف لنفسه ويصب شوي على سلطته من التتبيله ...
ونزين الوجه بشرايح الفراوله ...
لا تقولون غريب جربوها اول بعدين احكموا الفراوله تعتبر حامضه وطعمها يمشي
كثير مع الجرجير راح تعجبكم ان شاء الله وبالعافيه .
3- الحمص
انا اسويه بحب الحمص بعد ما اسلقه بس هالمره سويت حمص العلب وطلع
ماشاء الله روعه والله
خذيت 4 علب من حمص القطفه الاولى وخلطتهم مع تقريبا 2 م.ك طحينيه
وعصير ليمون وزدتها شوي ملح وخلطتهم جميع واذا حسيتي انها جامده زيديها شوي ماء بارد ...
وافرديها في صينية التقديم وتفنني في تزيينها ..
شرايح الخيار سهل الشغل فيها بس لما تقطعينها سويها مايله واختاري
خياره راهيه يعني كبيره في الحجم عشان تساعدك في التشكيل ..
عشان تسوين القلب خذي شريحتين من الخيار وقصي كل شريحه
من النص بشكل مايل يعني الاولى خليه مايله لليمين والشريحه الثانيه
ميليها لليسار و لصقي الجزئين مع بعض تشوفين يطلع شكل قلب ..
ان شاء الله يكون الشرح واضح وفهمتوه وراح اسويها لكم بالصور اذا الله قدرني ..
بس وصففي الشرايح الباقيه على شكل غصن وسوي الورده بقشر
الطماطم ولا تنسين ترشين زيت زيتون على الوجه ..وبالعافيه
4- التبوله اتصور الكل يعرفها ...:D
4- اسكالوب الربيان
المقادير والطريقه :
ربيان يكون حجمه وسط تنظفينه وتشيلين قشره بس تخلين الذيل ...
واذا قصيتي ظهره عمقي القصه شوي يعني كانك تفتحينه لشريحتين من غير ما تفصلينه .
تحطينه في الخلطه التاليه :
ليمون + ثوم + ملح + فلفل اسود ...الكميه حسب كمية الربيان اللي عندك
وتتركينه في التتبيله تقريبا ساعه ..
بعدين تكونين مجهزه ثلاث صحون واحد فيه طحين وواحد بيض مخفوق مع فلفل وملح وواحد بقسماط ...
وتاخذين الربيان حبه حبه وتغمسينه بالترتيب في الطحين ثم البيض ثم البقسماط
وحاول وانتي تغمسينه في البقسماط انك تفتحين الظهر وتظغطين عليه
بطرف اصابعك الحلوة عشان يصير شكله شوي منبسط :p
وبعدين تقلينه بالزيت متوسط الحراره ويقدم ساخن وبالعافيه ...
تقدرين تسوين كميات وتحفظينها في الفريزر ..
يتــــــــــــــــــــــــــع
