بعدين قمت بعمل كتاب رسم للطلاب وفكرته كالتالي
سميته
my nice drawing
اعطيت كل طالب ورقة صغيرة يعني نصف ورقة الـ A4 بعدين خليتهم يرسمو اي شيء طبعا ساعدتهم على السبورة فرسمتلهم حديقة و حياة البحر و سلة فواكه ورسمو مثلها

بعدين اخدت كل ست رسومات مع بعض بعدين خرمت الاوراق من فوق مع الخلفية كانت ورقة ملونة ومع الغلاف خرمتهم وربطهم بشريط جميل وصار كتاب من ست اوراق في رسومات الطلاب وطبعا رح اعمل على عدد الطلاب بحيث ابعثهم للاهالي

ورح تكون اول رسمه هي رسمة الطالب اللي رح ياخد الكتاب يعني لو مثلا احمد بياخد نسخة رح تكون رسمته الاولى

في نسخة ملاك رح اخلي الاولى هي رسمة ملاك وهكذا

الهدف من هذا إنه ولي الامر يقارن بين رسم ابنه ورسم اصدقائه وعدا ذلك يعرف الانشطة اللي في الفصل وكيف شغل الطلاب فيها

طلبت من الطلاب اليوم ان يحضروا علب البيبسي البلاستيكية الكبيرة الفارغة وذلك حتى اصنع لهم نخلة منها طبعا بعد قصها على شكل اوراق النخيل وتثبيتها على رول التواليت الطويل اللي للمطبخ لكن غدا إن شاء الله رح اطبق هادي الفكرة

ايضا للاولاد صنعت طبق طائر من غطاء علب الحليب البلاستيكية لكن بخيتها ببخاخ الالوان وصارت جميلة فرح فيها الطفل

الطبق الطائر اللي هو الدائرة اللي بمسكها الطفل وبطيرها اتمنى تكونو فهمتو علي

وعندي فكرة استخدام السيراميك لصنع الورد عندي كل ادوات السيراميك لكن مستنية الفرصة السانحة لذلك لانه الاطفال بحبو اللعب بالعجين فرح استخدم عجينة السيراميك بإذن الله تعالى قريبا ورح احكيلكم تفاصيل حفلة السيراميك

الله يستر

ايضا من رول التواليت بخينا بالون البني الغامق مثل لون الشجر بعدين لصقنا عليه ورق اخضر صناعي صار شكله كتير حلو وبعدين جبت ورقة من مجلة فيها زهرة عباد الرحمن الصفرا اللي من الوسط فيها حب يعني بزر بناكله وقصيتها مثلثات بحيث راس المثلث يكون الحب والقاعدة الوردة الصفرا ولصقناها ايضا بشكل عشوائي على الرول طلعت حلوة الوانها بني واصفر واخضر

وانا واضعة في الفصل طاولة اضع عليها اعمال الطلاب