.. وأرجو إن هالطريقة اللي راح أحطها في تخفيف الوزن تفيد الأشخاص اللي يعانون من زيادة الوزن المفاجئة ... مثل ما تعرفووون كثير من الناس يبدأ وزنهم بالزيادة نتيجة إتباع بعض العادات الغذائية السيئة.. مثل تناول الوجبات السريعة ... أو نتيجة ظروف العمل بخاصة الأعماااال التي تتطلب الجلوس الطويل أمام شاشة الكمبيوتر مما يؤدي مع قلة الحركة إلى زيادة الوزن وتراكم الدهون في الجسم .
وبالنسبة لي راح أحكي عن تجربتي الخاصة (( طريقة من تأليفي )) وطبقتها بنفسي ونجحت معاااااي :
في البداية كان وزني الطبيعي 58 ، وفي ظرف سنة واحدة صار 74 ....
شي مرعب بصراحة .. من نحافة إلى متن بشكل مو طبيعي
فقمت أتصفح المواقع والمنتديات للبحث عن طريقة لخفض الوزن __ وبصرااااااحة
وجدت الكثير من الطرق واللي فيها بعض المبالغة : ومنها وضع جدول بالفطور والغداء والعشاء _ وكل يوم أكله صنف غير عن الأكل في اليوم الأول أو الثاني وحق أسبوع كامل...الخ من الطرق المختلفة (يعني مع مرور الأياااام تجيب الملل ).
فحبيت أنقل لكم تجربتي الخاصة اللي اتبعتها واللي انخفض وزني فيها خلال 3 أشهر بالضبط إلى 58 (( وزني الطبيعي المعتاد )) تقريبا ً 16 كيلو خفضت بمعدل 5 كيلو في الشهر الواحد.
وهاذي الخطوات اللي اتبعتها بالترتيب :
1- خذيت مقاسات الجسم (الخصر والأرداف) .... مثلاً أنا قياس الملابس عندي 38 لما كان وزني 58 ،، ولما صااار وزني 74 صارت قياس الملابس تتراوح بين 42_44 ... يعني XXXXXXL والأغلب ما ألاقي ملابس جاهزة على هالوزن .... كانت معاااااااااانااااااااااااه بكل معنى الكلمـة ....
2- طلعت السيتي أو المول التجااااري .. وقعدت أتأمل مانيكان الملابس اللي وراء الزجاج والموديلات الحلوة الخاصة بالناس الضعاف (النحاف) ، فاختــــــرت موديل ((حلو)) مقاس S وممكن تختارووون مقاس M .. أحد هالمقاااسين اختاااروااا واللي يتناسب مع الوزن اللي تب.غوون توصلوون له
(( هذي طريقة تخلي النفسية تتشجع إنكم تخفضون وزنكم ))
3- تدخلوون المطبخ وتشوفون إنتو ايش تاكلون كل يوم ....
(( وعلى فكرة )) هو نفس الأكل اللي راح تاكلون منه ....لكن.... بطريقة أقل .
و الحين تتبعون هالخطوااات التالية :
-1- تخصصون طبق نفس هالأطباق اللي في الفنادق ... الخاصة بالبوفيهات أو أي طبق دائري ( القياس المعتاد للطبق العادي )
-2- تقسمون الطبق إلى 4 أقسام ويكون توزيع الأكل كالتالي :
وبعــــــــــــدين يتم توزيع الأكل كالتالـــــــــــــــــــــــي:
وجبة الفطور :
• كوب ساخن (( نسكافيه أو شاي بالنعناع أو شاي مخلوط ب أو حليب ساخن بالزنجبيل أو الهيل ))
وممكن تضيفون حليب أبو قوس للنسكافيه أو الشاي بحسب رغبتكم .
يعني الشي اللي تحبونه اشربووووه .
• جبنة بيضاء أي نوع في خااااطركم اكلوووه ((مثلاً أنا أحب الجبن الأبيض قليل الملح من الكارفور ماركة الطيب أو جبنة جرين لاند _ إنتو خذوا اللي تحبونه )) ..... الربع الأول من الطبق
• سلطة خفيفة ((خيار + طماط + زيتون+ زيت زيتون)) ..... الربع الثاني من الطبق
• خبز تقريباً النصف أو حبة واحدة من النوع اللبناني أو الخبز العربي ..... الربع الثالث من الطبق
• أو تختصرون وجبة الفطور في فنجال قهوة + تمر // أو // كوب لبن + تمر حسب رغبتكم .
وجبة الغداء:
• سلطات (( فتوش أو تبولة أوزيتون أو خس أو أي سلطة في خاطركم حطوها )).... الربع الأول من الطبق
• أرز (( مكبوس أو برياني لحم/ دجاج / ربيان أي طبخة أرز في خاطركم ))..... الربع الثاني من الطبق
• صالونة (( لحم أو خضار مشكلة أو بامية أو أي صالونة ممكن تبتكرونها )) ... الربع الثالث من الطبق
ملاحظة : أنا مرات أخلط الصالونة مع الأرز أو العيش فيصير الطبق 3 أقسام من 4 بس ما يفرق معاي .
• حلى (( كراميل أو قطعة جالكسي عمود واحد منها يكفي أو أي شوكليت أو كيك عقب هالأكل...الربع الرابع من الطبق.
ملاحظة : بامكانكم شرب لبن أو عصير بعد الغداء _ بالنسبة لي كنت أنوع ...
أشرب لبن أكتيفيا لأنه يحتوي على خمائر ويهضم بسهولة ،،، ومرات لبن المراعي أو الصافي دانون .
أما العصائر فمن الأفضل إنها تكون طازجة أو تشوفون البديل من توربيكانا أو المراعي أو نادك ،، أنا مجربه هالأنواع . اختاروا أصغر حجم أو ما مقداره كوب عادي .
وجبة العشاء :
• (( حمص بالطحينية أو بابا غنوج أو جبن قليل الملح أو جبن قليل الدسم أو فاصوليا حمراء أوفول أو أي صنف تحبونه ع العشا )) .... الربع الأول من الطبق
• سلطات (( فتوش أو تبولة أوزيتون أو خس أو أي سلطة في خاطركم حطوها )) ... الربع الثاني من الطبق
• (( خبز تقريباً النصف أو حبة واحدة من النوع اللبناني أو الخبز العربي )) ... الربع الثالث من الطبق
• (( حلى حسب الرغبة أو يتم استبداله بفاكهة أو عصير أو لبن )) ... الربع الرابع من الطبق
كذلك يمكنكم تناول الفواكة اللي تحبوها على مداراليوم بخاصة البطيخ الأحمر أو الرقي لأنه بصراااحة مفعوله حلو للهضم .
وإذا صادفتكم عزومة غدا أو عشا او حفل / مناسبة ما... مو مشكلة إكلوا بس باعتدال وركزوا على السلطات لأن كلها ألياف ...
وإذا بتشربون أشياء ساخنة فأفضل وقت (( الصبح مع الريوق + فترة العصر)) .. ولا يفضل شرب أشياء ساخنة بعد العشا .
وما انسى الجزء الأهم اللي اتبعته مع وجباتي الغذااائية وهي الرياضة :
1- المشي لمدة ساعة يومياً بعد صلاة الفجر ، وكذلك ساعة بعد صلاة العشاء
ويكون المجموع ساعتين يوميا ً ... عشان الدهون تحترق وتبدأ المعدة في التقلص تدريجيا ً.
(( خواااتي هذي الخطوة مهمة إذا اتبعت بشكل يومي )) لأني أحكي عن تجربتي الخاصة .
2_ تاخذون شاااور بارد يوميا ً لشد البشرة وقبل النوم ،، خاصة إذا كان الجو فيه رطوبة .. يعني الجسم يفرز العرق والسموم وانتوااا تمشون.
3_ اليوم اللي ماتحبون تمشون فيه ممكن تستبدلونه بأي رياضة من الرياضات اللي بذكرها : التزلج على الجليد في السيتي أو تمارسون السباحة أو تلعبون بولينج عشان تحترق دهون الكتف والمعدة والأرداف ... (( أماكن تجمع الدهووووووووون )) ......... بالاضافة إلى الرقص يا بنااات
وهذا بدوره يسرع في نحافة منطقة الخصر وشد الجسم وعدم بروز الكرش إن وجدت .
وإذا اتبعتم الخطوات السابقة بانتظام راااااح تلاحظـــــون هالأشياء ع جسمكم :
1_ حدوث وخز أو رعشة خفيفة في عضلات الساقين والأرداف والكتفين... وهذا احساس طبيعي لا تخااافون منه .... لأن الدهون قاعدة تحترق .... وراح تلاحظون بالتدريج إنكم ما تقدرون تكملون الوجبة اللي أمامكم لأن المعدة تبتدي بالتقلص وتاخذ كل مرة وضع أصغر عن قبل .
2_ وإذا كنتوا من محبي الوجبات السريعة (برجر كنج أو غيره) حاولوا تمتنعون خلال فترة تخفيض الوزن عن الوجبات السريعة ... وإن كان ولا بد إخذوا وجبة بيتزا من بيتزاهت لأنها أخف من البرجر والشيبس المليان دهن ....
واستمرووووااا على هالنهج لين ما توصلوا للقيااس اللي تبغووونه
وبعد ما تحسون إن وزنكم نزل للرقم اللي تبونه ممكن تاكلون من أي مطعم ..... وإنتوا نفسكم بتلاحظون الفرق ....
مثلا ً : أنا كنت أطلب وجبة زينجر من كنتاكي أكبر حجم أو الوجبة الكبيرة لشخص واحد.... وآكلها كلها قبل ما أخفض وزني ... والحين ما أقدر آكل ولا أوصل للنص حتى ... فاستبدلتها بوجبة التويستر .. ومع ذلك ما عدت أقدر أكمل الوجبة ... لأن المعدة تأقلمت . يعني صارت ما تقبل أي زيادة.
خواااااااااتـــــــي :
- حاولوا إجراء فحص للدم والوزن والحرارة للتأكد إن ما فيكم شي .. ((أنا سويت الفحص قبل البدء في تخفيض الوزن ))
_ بعد مرور 3 أشهر سويت نفس الفحص السابق عشان أتأكد تماماً إنه ما حدثت مشاكل عندي .. والحمدلله سليمة ودمي خفيف ..
وأخيراُ قبل ما اختــــــــم كلامـــي ... تأملوا حديث النبي عليه الصلاة والسلام :
" ما ملأ ابن آدم وعاء شرا من بطنه ، بحسب ابن آدم لقيمات يقمن صلبه ، فإن كان لا بد فاعلا ، فثلث لطعامه وثلث لشرابه وثلث لنفسه "
وهذا الحديث هو اللي أعطاني الدافع الحقيقي لإنزال وزني بالطريقة اللي وصفتها لكم بحذافيرها
تقبلواااااا تحياااااات إختــكــــــــــــمـ
دلـــــــــع سنــفــــــورة ............... ولا تنســـــــــــوني من دعواتـكـــــم
وعجبتني طريقة انك تشترين لبس مقاس صغير أحلى حركة..