طريقة عمل القهوه العربيه

افا بنات جبل قهوان 0وام فيصل والبقيه وينكم

والله قعدت أدور لك اكثر من نصف ساعة .. وموضعك معلق عندى .. لانى بالفعل كنت مسوية موضوع ملف كامل عن القهوة
يا ربى ( شوى وبصيح ) الموضوع كان اكثر من 4 -7 صفحات يعنى الاغلبية شارك فيه ..
بس وينه ؟؟؟؟؟؟؟؟؟؟؟؟؟؟؟؟؟؟

اختفى يا حسرتى .

طريقة أهل المملكة لها نكهتها الخاصة ..
الا ان طريقة هى ..
احمس البن مع حبات من الهيل على نار هادئة .. حتى يكتسب اللون البنى الغامق مش الاسود .

واحتفظ فيه ببرطمان جاف ( لا تكثرين يعنى سوى كمية لمدة اسبوعين فقط )

اغلى الماء فى ابريق القهوة الخاص بها .. وضعى البن فى الابريق .. اذا احببت وضع قرنفل فبأمكانك ( للتغيير )
لان هناك قهوة بالزنجبيل ، أو الهيل وماء الورد ، أو قهوة القرنفل.

لذا لا تخلطى كلا على حده .. اذا احببتى القرنفل .. اغليه مع البن .. حتى تفوح ريحة القهوة .. وهى على نار شبه هادئه ... اتركيها حتى ترتاح ثم صبيها فى دلة القهوة .. بدون اى اضافات .. أحب القهوة الخفيفة بس عندنا ناس اذا ماكانت متروسة بن .. شوى ويرشونها بوجهى .

اسفه طلت عليك ..

أم فيصل فى اجازة لمدة قصيرة .. ولا تنسيها من دعائك .. وعند رجوعها سيكون لها طلة باذن الله .

البنات كذلك راح يكون لهم دور ان شاء الله .

مشكوره حبوبه بس ماقلتي وش نوع القهوه والهيل الافضل والزعفران

شوفي حبيبتي بالنسبة لي اشتري القهوة احسن نوع يعني درجة اولى بن هرري واشتري شوي مستكة وشوي شيبة واوديه للحماص واقوله يحمسها لي حمسة وسط واقوله على الآخر يحط معها المستكة والشيبة ويقلبها معها شوي على الآخر وعموما الحماص الشاطر ما يحتاج تقولين له هو يعرف بعدين يخليها تبرد ثم يطحنها واول مااجيبها البيت اخذ منها على قد اسبوع اسبوعين والباقي على الفريز عشان مايتغير طعمه وريحته

احس طعم القهوة الكيف يعتمد على الشغلة من اولها يعني زي ماذكرت لك فوق