تهوون
تهوون
بعطيك طريقة امي الله يرحمها كل من ذاقها عجبته واهلي كلهم مايسوون الا هالطريقه
تطبخين اللحم المفروم بالطريقه المعروفه مع البصل والبهار والمعجون اذا قرب يستوي بشري جزر وحطي عليها تروحي تاخذي قدر الضغط وسلقي فيه الماش انتبهي لا يعجن يستوي وطفيه المهم قطعي بقل وبقدونس وقطعي بطاطس مربعات واقليه بعدها خذي الخلطه كلها وخلطيهم مع بعض وحطي بهار مشكل وكمون والملح بتدعيين لي لان بجد لذيذه واليوم بسويها لجل افرزنها
um joud
um joud
انا ماحط زيت ابدا
احط المفروم مع البصل المطحون وكم فص ثوم مطحون واتركه لحد ماتنشف مويته واضيف له الملح والبهارات والكزبرة الخضرا وبيض مسلوق مفروم واقلبهم واحاول افرفط المفروم اذا تجمع على بعض واخليه مفرفط
وسري في مفرومتي لازم احط رشة صغيرة هيل مطحون عشان يضيع طعم زفارة اللحمة وريحتها
تهوون
تهوون
بعطيك طريقة امي الله يرحمها كل من ذاقها عجبته واهلي كلهم مايسوون الا هالطريقه تطبخين اللحم...
لاتنسين الفلفل الاسود بالعافيه
عآشقة..
عآشقة..
جربي طريقتي بتدعييييين لي💕💕💕






**. انا اول شيء احط اللحم ب القدر و احط فوقه موية (اهم شيء الموية تكون اعلى من اللحم ب ثلاث أصابع تقريباً)>>بتقولين ليش موية، لاني اكره زخة اللحم لآزم اخليها تطبخ ب الموية عشان تطلع كاملة عشان اشيلها (تصير على شكل رغوة بيضاء اعلى الموية هي سبب المذاق الزنخ و السيء ب السمبوسة او اَي طبق ترا )
و اصبر عليها ربع ساعة بعد م تغلي لبينما أتأكد تماااماً ان الرغوة كاملة انتهت ، ثم أَطفي عليها و آصفي اللحم من الموية يعني الموية اللي طبخت فيها اللحم خلاص أرميها ..


**. ثاني خطوة اقطع بصل و اشوحه مع ثوم مفروم لبينما يتشقر زين ثم احطه فوق اللحم اللي ب القدر و اصبر عشر دقايق لبينما يكتسب اللحم طعم البصل


**. بعدها احط البهارات و مكعب ماجي و الملح و أحركها زيييين ثم احط جزر مبشور (الجزر يسوي ب السمبوسة نكهة تطيييير العقل جربي)و اخليها ع نار هادية لبينما يستوي اللحم تماااماً ثم أعلي النار عشان تنشف


**. اذا خلاص شبه نشفت احط الخضار ( شبث ، بقدونس ، كزبرة ، بصل اخضر ، و اذا توفر كراث حطيت)
و اقلّبهم دقيقة ع نار عالية و اطفي
(الخضار ما يصلح يجلس ع النار اكثر من دقيقتين لانه يتغير لونه للاغمق و يصير طعمه مرارة )
عآشقة..
عآشقة..
طيب تغسلونها والا لا انا اغسلها واستغربت كثير ناس يقولون الجاهز المفروم ماينغسل والا يروح طعمه
اللحم ما ينغسل ي قلبي سواءاً جاهز او غير جاهز