قوائم جديدة للسحور
(1)
فول مدمس بالبيض\ ذبادى \قمر الدين \خشاف فاكهة
(2)
عجة – زيتون اسود – ذبادى – فاكهة
(3)
فول مدمس بالذيت والليمون – بيض مسلوق -ذبادى – خشاف
(4)
فول مدمس بصلصة الطماطم – بيض اومليت – ذبادى – خشاف
(5)
جبنة بيضاء بالطماطم – فول بالبيض – ذبادى – قمر الدين
(6)
تشيز اومليت – فول بالدقة – ذبادى – فاكهة
(7)
صينية فول بالبيض – جبنة بيضاء – زيتون اسود – ذبادى – فاكهة
(8)
بيض بالبسطرمة – جبنة بيضاء – سلطة – ذبادى – قطايف
(9)
بيض مهروس بالسمنة – فول بالذبدة والثوم – ذبادى – قطايف
(10)
بيض بالسلطة – فول بالطماطم – ذبادى – خشاف
(11)
جبنة بيضاء بالزيت والزعتر – بيض مسلوق مقلى بالزبدة – ذبادى – فاكهة
(12)
شكشوكة – جبنة بيضاء – زيتون اسود – ذبادى – قمر الدين
(13)
فطاير بالجبنة واللحمة – ذبادى – فاكهة
(14)
فول مدمس بالطحينة – جبنة بيضاء – طماطم – خيار – ذبادى
(15)
لحمة باردة – بطاطس محمرة – ذبادى كنافة
(16)
عجة بالعصاج – جبنة رومى – ذبادى – خشاف
(17)
سجق بالفلفل والطماطم – جبنة رومى – ذبادى – قطايف

اكلات للفطار بدون لحوم
قطايف بالجبنة- ارزبالشعيرية – سبانخ بالبشاميل – شوربة لسان عصفور - سلطة خضراء

شوربة خضار – خرشوف محشى بالخضار – ارز بالبشاميل – سلطة خضراء

شوربة كريمة – ارز بالبشاميل – خضار مشوى - سلطة بنجر

فاصوليا بيضاء بالصلصة – ارز مفلفل – سلطة خضراء

سمك مقلى – ارز صيادية – سلطة طحينة

ارز احمر بالطماطم – بيض مسلوق – سلطة بذنجان

عجة – بزنجان وفلفل بالخل والثوم سلطة خضراء

محشى بزنجان وفلفل – ملوخية – سلطة خضراء – سلطة بطاطس

محشى ورق عنب – دقية بامية – سلطة ذبادى

شوربة شعيرية – ضلمة – بابا غنوج – سلطة خضراء

شوربة حمراء - كشرى – طرشى بلدى

عدس مطبوخ – بذنجان مقلى – سلطة ذبادى

شوربة طماطم - كشرى عدس اصفر – بذنجان مقلى بالخل والثوم

شوربة عدس – ارز ابيض – ملوخية – قرنبيط محمر – سلطة خضراء

شوربة طماطم – مكرونة بالجبنة الرومى – سلطة ذبادى

كفتة سمك – خضار سوتية – سلطة خضراء – سلطة طحينة

الحلويات الرمضانية

عجينةالقطابف




كوب دقيق
كوب ماء
معلقة كبيرة خميرة جافة اوفورية
معلقة ضغيرة ممسوحة سكر
ملح
الطريقة
ضعى كل المقادير كلها فى الخلاط (بتاع العصير) واضربيهم كويس
هاتى مقلاية تيفال وامسحيها بالفرشاة بالزيت
ضعى العجينة فى كوب او بالكبشة (المغرفة ) نزلى يا دوب
شوية مقاس القطايف حتلاقيها بتفقفق يعنى تعمل كور وبتبقى شكل
القطايف اللى بتشتريها بالظبط بس بشررررررررط ماتبيهاش على النار
تنشف من تحت يعنى اول ماتلاقيها بتعمل الدوائر المفرغة من فوق و
العجينة البيضاء اختفت تروحى شايلة القطايف وتكررى العملية لحد
ما العجينة تخلص وبعدين تحشيها بكل الطرق اللى قلناها فى الملف
سواء مكسرات او قشطة او كريمة او جبنة رومى
وبالهنا والشفا
ملحوظة
انا مش بسيبها تخمر فى الاول علشان لو خمرت فى الاول بتتخن قوى
اثناء السوى واثناء ما انتى بتعمليها لو لاحظتى انها بتخمر وتتخن تذودى
شوية ماء صغيرين قوى يعنى حوالى معلقة ماء وتقلبى العجينة وتكملى
عادى خالص


القطايف بالجبنة



المقادير:
1/2 كيلو قطايف حجم متوسط ( ولا كبيرة ولا عصافيرى )+جبنة رومى مبشورة حوالى 1/4 كيلو +زيت للتحمير
الطريقة
هاتى القطايف واحدة واحدة و احشيها بالجبنة المبشورة بالمعلقة الصغيرة و امليها سخنى الزيت فى المقلاية و حمرى فيها القطايف عادى خالص حتبقى لونها زهبى شيليها على الورق الماص للدهون و تؤكل وهى ساخنة

ملحوظة : لطول شهر رمضان كونى جايبة مثلا كيلو جبنة رومى و اضربية فى الكبة مرة واحدة و حطية فى علبة بلاستيك فى الثلاجة و كل يوم يا دوب فى 5 دقائق تكونى حشيتى القطايف قبل المغرب على طول وكل ما تخلص الجبنة تجيبى غيرها وهكذا


بيتزا بالقطايف
المقادير:
نص كيلو قطايف كبيرة الحجم طااااازة+صلصة طماطم+جبنة موزاريلا+زيت زيتون+فلفل رومى حلقات +بصل حلقات +زيتون اسود+وممكن تونة
الطريقة
اخلطى الصلصة بمعلقتين كبار زيت زيتون وادهنى بيها القطايف ضعى شريحة بصل وعليها شريحة فلفل وعليها زيتون منزوع النوى واضع عليها طبقة من الجبنة الموزاريلا اضعها فى صينية مدهونة بجانب بعض وادخلها الفرن حوالى 10 دقايق لحد ما تستوى والجبنة تسيح وتحمر

قطايف بالكريمة
المقادير:
1 كيلو قطايف+عسل (شربات)+مكسرات مفرومة (اى نوع)+زيت للقلى,+كريم شانتى.+كريمة الخفق(اختيارى)
الطريقة
نجيب القطايف ونبرمة زى القرطاس من تحت وبعد كدة نقليها فى الزيت وتطلعيها من الزيت تحطيها فى الشربات بعد كدة تصفيها من الشربات وتضربى الكريم شانتى مع الكريمة وتحشى بيها قرطاس القطايف اللى عملناة وتحطى على وش الكريم شاتنى مكسرات مفرومة


القطايف الطائرة المقادير:
نص كيلو قطايف عصافيرى+جوز هند+زبيب + قرفة ناعمة+زيت وسمنة للقلى +شراب
الطريقة
نضع الجوز الهند على القرفة على الزبيب ونخلطهم بالمعلقة هاتى واحدة قطايف حطيها على ايدك وضعى عليها معلقة من الحشو هاتى واحدة تانية قطايف وضعيها فوق الحشو يعنى كأنك بتغطيه بيها واقفلى القطايف بصوابعك كويس بالضغط على طرفى القطايف داير ما يدور (يعنى شكلها النهائى مش حيبقى زى نص الدايرة.لأ حيكون شكلها زى الدايرة الكاملة او زى الطبق الطاير حمريها وبعدين ضعيها فى العسل..



:icon28::icon28: تااااااابع :icon28:

الدونات




3/4 كوب زبده
نص كوب سكر
4 بيضات
2كوب حليب
2معلقة صغيرة خميره جافه
ربع كوب ماء دافىء
معلقة صغيرة فانيليا
دقيق (نبدء من 4 كوب)
الطريقة
نضرب الزبده مع السكر كويس ثم نضع البيض والفانيليا
ثم نضع الحليب ندوب الخميره فى الماء دافيء
ونضعها على كوب دقيق ثم نضعها على المقدار
ونخلط كله ثم نضع باقى الدقيق تدريجيا حتى الحصول على عجينه
طريه ومتماسكه
نسيبها تخمر فى مكان دافى ساعتين ثم نفردها ونقطعها دوائر بكوب
او بقطاعة الدونات ثم نقطعها من النص بقطاعة اصغر ونتركها تخمر تانى
لمدة ساعة نضع الزيت على النار ونحمر الدونات ثم نتركه يبرد
ونزوقة حسب الرغبة اما نرش علية سكر بودرة او
شيكولاتة خام سايحة او حلوى الماء
وبالهنا والشفا


بلح الشام



2 كوب دقيق
1 كوب ماء
1 كوب ذبدة و زيت (يعنى نص ذبدة و نص ذيت )
من 5 ل 6 بيضات
معلقة صغيرة فانيليا.زرة ملح.
معلقة اكل خل ابيض
( وعلى فكرة انا كنت فكرة ان الخل لزفارة البيض لكن اتضح انه بيخلى البلح الشام ماسك نفسه )
الطريقة:
حطى الماء فى حلة على النار لما يادوب حيدفى حطى الذبدة والزيت على الماء
و لما يغلى حطى الدقيق كله مرة واحدة وقلبى بسرعة و النار واطية
لحد ما حتلاقى العجينة لفت معاكى و بقيت زى الكرة
روحى شايلة الحلة من على النار لحد ما تبرد خالص .
ابتدى حطى البيض على العجينة بس بشرط تحطى بيضة و تضربيها فى العجينة
لحد ما تختفى و بعدين تروحى حطة اللى بعدها بنفس الطريقة و هكذا
بس توقفى وضع البيض لما تلاقى العجينة عاملة خط نازل
من المضرب متماسك مثل منقار الحمامة تروحى حطة معلقة الخل و تقلبى كويس قوى .
هاتى بقى الكيس بالقمع المخصوص بتاع بلح الشام و اقلبية الاول على ضهرة
و بليه بالفرشاة بالذيت و ارجعى اعدلية تانى .
حطى العجينة فى الكيس و انزلة فى الزيت صوابع طولها زى ماانتى عوزة
و تقصيها بمقص المطبخ على الزيت الغزير الساخن
اقلى أصابع بلح الشام و تكون النار واطية أثناء التحمير
ثم اخرجه واضعه على ورق شفاف ماص حتى يتخلص من الزيت
ولما يبرد خالص احطة فى الشراب البارد علشان ما يطراش منك
ولما تطلعية ممكن تحطى على طرف الصباع فستق مفروم او مكسرات
و بالهنا و الشفا.
ملحوظة ممكن وضع المقدار كله زيت
وممكن وضع قالب ذبدة قلم ال 113 جرام


كنافة بالجبنة



نص كيلو كنافة
ربع كيلو جبنة ركوتا
سمنة
معلقة كبيرة سكر
معلقة كبيرة قشطة
عسل (شيرة) 2 كوب سكر / كوب ماء / نص ليمونة .
الطريقة:
نقصص الكنافة صغير بالمقص او بالكبة او نقطعها قطع صغيرة باليد
نفركها بالسمن السائح لحد ماتحسى بأيدك ان الكنافة كلها مبلولة بالسمن
نهرس الجبنة بالشوكة ونضع عليها السكر والقشطة ونفركهم ببعض
ندهن الصينية بالسمن ونضع نص كمية الكنافة ثم نضع الجبنة على الكنافة
بس لاتصل الى الاطراف علشان متتحرقش وتسود
نضع نص الكنافة التانى ونضغط الاول على اطراف الصينية داير مايدور
ثم نضغط بالراحة على باقى الصينية ونضع معلقة سمن سائح على الوش
ندخلها فرن متوسط الى ان تحمر (بس مش قوى ) ونخرجها من الفرن ونسقيها
بالشيرة وبالهنا والشفا

صينية الكنافة بالمكسرات
المقادير:
كيلو الا ربع كنافة _ كوب سمن او حسب ماتاخد _ مكسرات مضاف لها ملعقة كبيرة سكراو جبنة راكوتا او مهلبية او كستر _ ( الشربات ) 2 كوب سكر _ 1كوب ماء _ نص ليمونة
الطريقة :
اما تقطعى الكنافة صغير بأيدك قطع صغيرة .او بالمقص تقصقصيها صغير خالص و دى طريقتى المفضلة . او فى الكبة .سيحى السمن على النار يعنى يادوب تسيح .وحطى على الكنافة شوية شوية وتدعكيها بأديكى الاتنين لحد ما تحسى ان الكنافة كلها بقيت مبلولة سمنة كدة خلاص ماتحطيش تانى .ادهنى صينية بالسمن و حطى نص الكنافة ثم ضعى طبقة المكسرات المرغوبة ثم ضعى باقى الكنافة و اهم حاجة بقى تضغطى بايدك عليها كويس او بغطاء حلة او بطبق ثم وزعى معلقة سمن على الوش على درجة حرارة متوسطة فى الرف الوسط ضعى الصينية فى الفرن حتى تستوى و يحمر الوجة بعدخروجها من الفرن تسقى بالشراب البارد


كنافة بالقشطة
المقادير:
نص كيلو كنافة – تقريبا 3/4 كوب سمن +القشطة : كوبيتين ونص حليب – سكر للتحلية – نص كوباية نشا- علبة قشطة +شربات
الطريقة:
نعمل القشطة :ندوب الاول النشا فى الحليب على البارد لحد ما تدوب النشا ثم نضعهم على النار مع التقليب و نحلى بالسكر لحد ما تغلى نقلب تقليبتين ونطفى النار وبعدين نحط عليها علبة القشطة ونقلبها معاهم نعمل الكنافة : نقطع الكنافة قطع صغيرة ممكن بايدك وممكن بالمقص وممكن بالكبة نسخن السمنة بس يعنى تسيح وتدفى على النار وبعدين نصبها على الكنافة ونقلبها كويس لحد ما تحسى بأيدك ان الكنافة كلها شربت سمنة او اتبلت كويس بالسمنة تروحى حاطة نصها فى صينية وتروحى حاطة عليها القشطة وتفرديها كويس على الكنافة لكن ضرورى ما تخليش القشطة توصل لاطراف الصينية علشان ما تتحرقش و تسود وبعدين تروحى حاطة نص مقدار الكنافة التانى فوق القشطة وتغطيها كويس وتحطى حوالى معلقة سمن سايحة على الوش وتدخليها الفرن المتوسط الحرارة لحد ما تستوى ووشها يحمر حوالى من تلت لنص ساعة وبعد ما تخرج من الفرن وهى ساخنة نسقيها بالشرابات

كنافة جاهزة (بالمكسرات)
المقادير:
كنافة برما حتكون عبارة عن خصلات طويلة _ مكسرات مفرومة او فستق صحيح _ شربات _سمن سائح.
الطريقة:
شيلى بالراحة خصلة رفيعة و حطيها امامك مفرودة . بالفرشاة ادهنى الخصلة بالسمن السائح بطول الخصلة . ثم ضعى صباعك الكبير التخين على اول الخصلة و ابدئى ليفى الخصلة على صباعك بمساعدة الصبعين اللى جنبه لحد ما حتتكون عندك دائرة بشكل عش العصفور و هكذا حتى تعملى العدد اللى انتى عوزاة مع مراعاة ان الخصلة اذا كانت طويلة قوى تقطعيها بالسكينة ثم ارص وحدات العش فى صينية مدهونة بالسمن و بايدى اضع داخل كل عش كام واحدة فستق او شوية مكسرات امسح بالفرشاة بالسمن على كل وحدات العش و ادخلها الفرن لحد ماتحمر اخرجها و اسقيهم بالشراب البارد



البــسبوسة



المقادير:
نص علبة جوز هند __1.5 علبة سكر _ 2 علبة قشطة _ 3 علبة سميد بسبوسة _ 1 علبة سمن _ 1م ص بيكنج بودر
الطريقة:
حطى المقادير كلها على بعض و بالملعقة الخشب افضلى ادعكى فيها لحد ما تلاقيها نعمت ،ادهنى صينية البسبوسة (اللى ملهاش حفة عالية اللى زى بتاعة البيتزا) بالسمن بالفرشاة ثم ضعى المقدار فى الصينية و بلى ملعقة و امسحى و جة البسبوية عشان تساويها و تدخليها فى الفرن وممكن تضعى شوية لوز فى ماء ساخن لحد ما القشرة البنى بتاعتة تتقشر على طول . افتحى كل لوزة بالطول من النص و ر صصى الانصاص على وش البسبوسة او ممكن انصاص بندق برضة و دخليها الفرن اول ما لونها يبقى ذهبى طلعيها و اسقيها بالعسل الساخن و غطيها على طول ..كل المقدار بنفس العلبة بتاعة القشطة مش بالكوب قشطة المراعى او بوك او نستلة
ملحوظة : بعد خروج البسبوسة مباشرة من الفرن تسقى بالعسل الساخن وتتغطى على طول .وسيبى الغطاء
عليها طول ما بتاكلوا منه السر فى طراوة البسبوسه هوانالشر بات ساخن على الصينيه وهىكمان ساحنه ولما تبرد قطعيها وماتشليش الغطاء من عليها الا لما تهدا خالص او تبرد لانها لما بتعرق و هى سخنة بتطرى اكتر

صينية البقلاوة



المقادير:
باكو جلاش _ مكسرات مجروشة او مفرومة حسب ما بتحبيها ناعمة قوى او محسوسه فى الاكل _ سمن _ شربات _ زرة قرفة ناعمه
الطريقة :
طلعى الجلاش من الباكو و حطية امامك على الرخامة ثم ضعى فوقه الصينية اللى حتعملى فيها . بالسكينة اقطعى داير ما يدور الصينية و اركنى الذيادات على جنب حنستخدمها برضه اقسمى المقدار لجزئين ادهنى الصينية بالفرشاة سمن ضعى 2 ورقه فى الصينية و ادهنى كويس بالسمن وهكذا لحد ماتخلصى الجذء الاول ضعى المكسرات فى طبق و حطى علية 2ملعقة كبيرة عسل من اللى حنسقى به الصينية و اخلطيهم حتلا قيهم عمل زى العجينه و مسك فى نفسة شوية ثم ضعى الحشوة على الجلاش اللى فى الصينية و افردية كويس حنعمل نص الصينية التانية بنفس الطريقة الاولى بالفرشاة ندهن الوش كويس بالسمنة ثم بسكينة حامية نقطع الجلاش على هيئة مثلثات وللسهولة تعملى الاول خط بالطول ثم خط بالعرض حيبقى عندك شكل + ثم نعمل خطوط حتلاقى المثلثات بانت حطيها فى التلاجة من ربع لنص ساعة و بعدين حطيها فى الفرن لحد متحمر مش قوى تطلعيها و تسقى بالشراب البارد ..ملحوظة/ سبب وضعنا عسل على الحشوة علشان و انتى بتاكليها الحشو مايقعش منها . وممكن تحطى الحشو على طول بدون الخطوة 4 زى مانتى عوزة جربى دى و جربى دى و اللى يعجبك اعملية / بالنسبة للورق الزيادات ممكن توزعية عشوائى بين الطباقات تبقى الصينية مورقة اكتر و ممكن تلفية تانى و تتشلية فى الفريزر تعملى بيه ام على


مثلثات البقلاوة بحشوة جميلة



المقادير:
باكو جلاش ( انا بفضل الزهار ) الحشوة:2/11 كوب حليب _ 1/2 كوب سميد ( دقيق بسبوسة )_ علبة واحدة قشطة .
الطريقة:
ضعى الحليب على النار لحد ما يغلى اول ما يغلى اضع علية السميد واقلب اقلب بسرعة لحد مايبقى زى المهلبيةو اتركة يبرد اضع علية علبة القشطة و اقلب لحد ما يندمجوا معا . وممكن بدل القشطة احط كريمة لبانى ( قشدة الخفق ). ثم ابدأ فى حشو البقلاوة افرد الجلاش امامى و اقطعه بالطول من النص يعنى كأنى بقسم الورقه نصين بالطول ثم اقطع بالعرض لحد مايبقى عندنا 6 مربعات ابدء بافرشاة بالسمن ادهن بين كل ورقتين لحد مااتأكد انى دهنت بين الورق كلة اخد مربع متكون من 6 او سبع ورقات و احط على المربع معلقة كبيرة من الحشو ثم اثنى المربع من الطرف للطرف على هيئة مثلث وهكذا لحد مانخلص المربعات كلها اضعهم فى صينية مدهونة و ادهن و جه المثلثات دهن خفيف و ادخلها الفرن لحد ما يحمروا وتسقى بالشراب البارد

صينية البقلاوة بالمهلبية
باكو جلاش
سمنة سايحة
المهلبية:
كوب حليب – معلقة كبيرة نشا- فانيليا
معلقة زبدة
شراب (شيرة ) 2كوب سكر – كوب ونص ماء
نص ليمونة
الطريقة
نعمل المهلبية
ناخد من الحليب نص كوب ونذوب فية النشا كويس .نضع باقى الحليب فى حلة على النارلحد ما يغلى ثم نضع النشا المذاب فى الحليب ونقلب لحد ماالخليط حيتخن (يتماسك) ثم اضع الفانيليا والذبدة ونقلبهم كويس ونتركها جانبا .نحضر الصينية وندهنها بالسمن ثم نضع اول ورقتين من الجلاش ثم ندهن بالفرشاة بالسمن وهكذا حتى
الانتهاء من نص كمية الجلاش ثم نضع طبقة من المهلبية بس تكون بعيدة عن الاطراف .نعمل نص الصينية التانى بنفس الطريقة ومتنسيش تبقى تضعى الزيادات اللى بتتبقى من ورق الجلاش بين الطبقات. نقطع الجلاش اما مثلثات واما سمبوكسات ثم نرش سمن سائح على الوجة وندخلها الفرن لحد ما تستوى ويحمر الوجة ثم تخرج من الفرن وتسقى بالشراب البارد وهى ساخنة وبالهنا والشفا


تاااااااااااااابع