طريقتي في التعامل مع الخدامات .... تخليها مثل السيف

مرحبا باخواتي بصراحة انا من خلال تجربتي مع الخدامات من الجنسية الاندونسية والفلبينيه

والسواقين طلعت بهذه النتيجة انهم يمشون مثل السيف والساعة واول شي وقبل لا تجي اختارها

اذا اندونسية تكون مشتغلة لانهم ما يعرفون انجليزي ولا عربي كيف بتعلمينها وايد صعب وما اشرط

متزوجة ولا عزبه لانهم كلهم سوى يموتون في الريايل ...... المهم اخبر المكتب انه قبل لا توصل

يكلمها ويخبرها بشروطي وهي :
1- مافي مبايل ابدا تكلم اهلها مرة بالشهر ومن راتبها .

2- عندي اطفال الله يحفظهم تهتم فيهم يعني لما يوسخون ما تزعل وتتنرفز عليهم .

3- تسمع الكلام ومافيه كلام مع رجال اهم شي .
ولما تشرف :
1- تفتيش دقيق وشامل كل شي حتى شعرها بس لا تنسون اول شي ارحب فيها واي رقم احصله اخذه
على طول والبودرة والعطر والشامبو الي تجيبه معاها كله اخذه وافهمها انه بعد ما ترتاح باخذ لها كل شي جديد.( ترا العطر والاغراض هذه يكون فيها ماء مسحور وبلاوي )

2- تلتزم بلبس اليونيفورم المرتب وفيه للضيوف لما يجون البيت ما انصح بالبس الجلابيات والتنانير
والبناطلين كل قطعه بلون والحجاب للبيت ابيض وللمطبخ عدد 3 اسود تلف شعرها الحرير كامل
وملابس الطلعة بدلتين مرتبات ونعال مرتب وللنوم بجامات قطن وملابس داخليه وفوطة جديدة وشرشف ومخدة ولحاف وكل 6 شهور اجدد لها ملابسها انا بصراحة اشتري لها اشياء مب رخيصة .

3- والاهم من هذا كله عدة النظافة شامبو وصبون ديتول للجسم وديدرون ومعجون اسنان وفرشاة اسنان وفرشاة شعر وكريم فازلين ومقص اظافر ومجموعة حلاقة وغرشة عطر خفيفة الريحة .

4-اعلمها الاستحمام بطريقتي بعد الغدا تاخذ دوش سريع بس جسمها وتبدل ملابسها وبعد ما تخلص
شغل البيت باليل تاخذ شور كامل فهميها كيف تغسل شعرها وتتليف زين وتحلق المناطق المعروفة
وتقص اظافرها وتتعطر وتحط كريم على ايدها ورجلها تراهم ما يهتمون في انفسهم شهر وتشوفين ايدها مثل الخشب احرصي انها تحط الكريم وتلبس غفاز لما تنظف الزجاج وتغسل واول ما تصحا
الصبح تمص حبة بولو بطعم النعناع او الفكس عشان نفسها يكون منعش .

5- اسرار البيت في البيت ما تطلع من الباب اهم شي واهددها اذا قلتي حرف عن الي يصير في البيت
اخذج المكتب ومافيه راتب .

6- اعلمها شغلها كامل من غسيل وكوي وتنظيف الغرف واسوي لها جدول اسبوعي تلصقه على الباب في كل مكان عشان تعرف شغلها واقول لها انا اتابع وراج اي شي مب مسوتنه انتي محاسبة من راتبج عليه ما عدا في ايام العزايم والسفر والطلعات اراعيها .

7- واذا طلعنا مرات اخذها معاي واشتري لها شي يطيب خاطرها واقول لها هذا مقابل انج اشتغلتي زين
تفرح وايد فيه ويكون حافز لها .ما اقصر معاهم بشي اذا تعشينا برع يتعشون معانا واذا رحنا فندق اخذهم معانا هم غرفة مع الاولاد وانا وزوجي غرفة .

8- راتبها تاخذه كل شهر كامل بس احتفظ براتب شهرين في حال الهروب او انها تبغي تسافر من راتبها .


وهذا الي اتذكره وبكمل يوم بتذكر الباقي وارحب بتعليقاتكم واقتراحاتكم