السلام عليكم

بالنسبة لي لما كانوا بناتي صغار كنت اعتبر نفسي مثاليه كنت اجلس مع بناتي واشتري لهم دفاتر الرسم الغير ملونة واجلس الون معاهم واعلمهم تناسق الالوان واساعدهم ان الالوان ماتطلع برا حدود الرسم لكن في اول الامر اترك اختيار الالوان لهم ولا اساعدهم حتى ارى في عينيهم ذلك ,,

وكمان احضر الصلصال ونعمل اشكال معينه وفي المكتبات يبيعون اشكال ممكن نقطع بها الصلصال على شكل شجرة وماالى ذلك وكنت وكنت .. ماقصر معاهم بشي والحمد لله الكل يقول لي بناتك لما نكلمهم نحس انهم كبار وناضجين غير الاطفال

لكن الضحية الولد الصغير اللي لما جا صار بطاريتي فاضيه لكنه هاوي كمبيوتر فانا ناويه اشتري له هذي الايام سي دي بذور المعرفة لانهم يمدحونة

وكمان انصحكم تشترون لعبة بابا سلام اللي جايه على شكل لاب توب وفيها ازرار لوحة المفاتيح كل زر يقرا سورة من السور الصغار وبعض الادعيه فهي مفيدة ان شاء الله

واعطر سلام :26:

الغلية همسات القلوب ..........ابارك لك خطوتك كثيرا
كمان ممكن تشارك في البيتزا ترتب الزيتون والفطر والفلفل ........وكل يوم تقول ماما ليش مانسوي بيتزا.....اسألي مجرب؟:cook:

الصراحة دائما افكر فيك واتنمى انك تتوفقي في قضاء وقت ممتع مع صغارك......
على فكرة سألتيها من مثلها الاعلى او من بطلها في الحياة .......جربي وردي علي!!

الوردة الجورية.......هده مشكلتنا كلنا بس انا الحمد لله رجعت شحنتها.....بس كانت مخلصة البطارية في ناحية الاكل والاهتمام بالتغذية ......لانه في البلد هنا اكل الاطفال مو زي بلادنا الله يديم النعمة عليها.....والصراحة واضح على اولادي انه اكلهم قل بعد ما اتغربنا
اذا جربتي لعبة بابا سلام قولي لي ايش مميزاتها وكيف تشتغل وفين الاقيها في جدة؟ لاني قريب ان شاء الله مسافرة
معليش كترت اسئلة ......
في هنا لعبة زي الكتاب ومعاها قلم لما يحط الطفل القلم على الكلمة تقرأها اللعبة.....عاجبتني مرة ونفسي القي زيها عربي.....واتمنى تكون لعبة بابا سلام زيها.....
شكرا لك

السلام عليكم .ز
مشكوورة اختي حمرة الورد ..

بس بنتي صغيرة عمرها 4 .. ماراح تفهم قصدي في السؤال
وغير كذا ما تحب البيتزا .. ولا الزيتون ..

وشارية لها بابا سلام من زمااااان
بس ما ستفادت منها

هي تبغى حركة .. ولا تجلس على الفيدو
لكن تقعد تضغط وتحفظ مستحييييييييل

اختى همسات القلوب ......انا بنتي اصغر منها
بس اقولها مين احسن بطل في الدنيا؟
ومرات اقولها لما تكبري تبغي تصيري زي مين؟
وبهذه الطريقة اعرف مين مثلها الاعلى
وبعدين اسلها ليش؟
طبعا ما اخفي عليك انها تشيب راسي لحد ما تجاوب اجابة عليها العدل...
لانها ماشاء الله عليها اتكلمت بدري ولا اظن انها تفهم معنى الكلام اليي تقوله
شوفي مسالة الحفظ زي ماقلتلك زمان ......لاتحطيها نصب عينك......خليها بالفطرة .......مثلا لما تركبو السيارة قولو دعاء الركوب انت وزوجك بصوت جماعي عالي ....(ممكن اول مرة يستغرب منك لكن عادي) مرة على مرة تحفظ دعاء الركوب
والباقي بفس الطريقة
يمكن الشغلة تاخد شهور بس ان شاء الله في الاخير تنجح

بصراحه الموضوع جدا رائع وأنا دائما من قبل الزواج وأنا أهتم بمثل هذي الأمور وعندي الآن مولود صغير أكلمه حتى لو ماكان يعرف ايش اقول بس الاحظ انه ينصت لي ويعرف يميز اذا كان هذا الكلام حاجه جديه ولا حاجه مضحكه
وخلوني اقول لكم بعض الأشياء اللي اعرفها
فيه دراسه سووها على الأطفال لقوا ان الطفل اللي امه دائما تتكلم معاه يكون اذكى من الآخرين واكثر ثقه في نفسه
وان احسن شي انك تتركين للطفل كامل الحريه في الكلام والتعبير عن نفسه ورغباته وتشجعينه على هذا مثلا لمى يجي من زياره او رحله اسأليه كيف كانت ومع من لعب وايش سوى
لما تقصين عليه حكايه وخصوصا اللي معاها صور خليه يرجع يقولها لك
لما يكون معاك اثناء مشاهدة الاخبار ومرت قضية فلسطين احكيله ان هذولا يهود وهم اعدائنا ومعدتين على ديار المسلمين ترى لها تأثير كبير عليهم
ومهم جدا تعطينه الثقه وتخلينه يسوي بعض الأمور البسيطه خليه يساعدك في لتسوق خذي رايه ولما تكوني في السوبر ماركت خليه يساعدك في جمع الأشياء من الرفوف وخلي معاك ورقه مكتوب فيها المقاضي وكل ما جاب حاجه اشطبيها
في حركه حلوووه كانت وحد تسويها لما تسافر او تروح رحله طويله وترجع تخلى عيالها يكتبون في اسطر بسيطه عن الرحله وصدقوني طلع ولدها من كتاب القصص ومخزونه اللغوي غني جدا
لي رجعه ان شاء الله