طلب طريقة حلى

الحلويات بحر واسع ومرن قابل لأي اضافه وفكره جديده خاصة اللي يكون بالبسكوت مثل الاوريو

من الاوريو تقدرين انتي تخترعين أي حلا من المكونات المتوفره عندك بالبيت .

بعطيك وصفات وجربي اللي مكوناته متوفره عندك



----------

في صينية مستطيله او في اكواب زجاج غمسي اوريو بحليب او نسكافيه ورصيه

ثم اعملي نشاء او كاسترد بالطريقه المعروفه

3 كاسات حليب سائل ، او مويه مذاب فيها حليب بودره او استخدمي الحليب المبخر حليب الشاي واخلطيه مع المويه .

4 ملاعق نشاء او تقدرين تحطين نص الكميه كاسترد ونصها نشاء .

3 ملاعق كبيره سكر او حسب الذوق .

اخلطيهم ثم حطيه على النار وحركيه الى ان يثخن ثم ارفعيه عن النار وصبيه بصينيه على جنب تكون واسعه عشان يبرد بسرعه .. لازم يبرد او يفتر بحرارة المطبخ عشان يصير قوامه كريمي بعدين ولا تخافين اذا صار متماسك كله راح ينضرب ويصير مثل الكريمه ..

وفي هذي الاثناء اخلطي علبة قشطه + دريب ويب فانيلا + بودرة كريم كراميل

ثم اضيفيهم للنشاء الفاتر واضربيهم بالخلاط الكهربائي او بالخلاط اليدوي وصبي نص هذا الخليط فوق البسكوت ثم رصي طبقه ثانيه من البسكوت المغمس بالحليب او النسكافيه ثم صبي فوقه باقي خليط النشاء

حطيه بالثلاجه يبرد ثم قدميه بارد .

طبعاً هذي الطريقه تقدرين تضيفين للنشاء قبل الطبخ كاكاو بودره ويصير الطبق كله شوكلاته في شوكلاته .

كذلك تقدرين تضيفين بقايا الكيك المقطع او المفتت كقاعده او طبقه سفلى قبل البسكوت

تقدرين تتفنين براحتك حسب ذوقك ..


--------------


حلا ثاني بالاوريو :

6 باكيتات اوريو او 24 قطعة بسكوت اوريو اطحنيها بالخلاط الكهربائي تقدرين تزودين وتنقصين حسب رغبتك

اضيفي لها قشطه 3 ملاعق كبيره او علبه كامله مايضر اذا زادت او قلت الكميه واضربيهم بالخلاط كويس .

افردي الخليط بصينية البايركس او في كاسات او زبديات صغيره حسب رغبتك .. طبعاً القوام يكون مثل العجينه متماسك وطري .

اعملي الطبقه الثانيه عباره عن علبتين قشطه و 2 مغلفات دريم ويب و 4 قطع جبن كيري وفنجان صغير حليب بارد واضربيهم بالخلاط الى ان يثقل .
صبي نص الكميه فوق الطبقه الاولى ، والنص الثاني من الكريمه اضيفي له شوكلاته ذايبه جالكسي او نوتيلا او اي نوع واخفقيه ثم صبيه كطبقه ثالثه ودخليه الثلاجه يبرد قبل التقديم وزيني الوجه بخطوط شوكلاته ذايبه او كراميل او شوكلاته نسكويك او بسكوت مطحون .



-------------


موس الاوريو سهل جداً
كوب بسكوت اوريو مطحون ناعم + علبتين قشطه اخفقيهم مع بعض كويس ثم وزعيه بأكواب وزينيه بالبسكوت المطحون او شوكلاته فليك ويقدم بارد .



------------

كسري ترسو في الصينيه وصبي زبده مذوبه وحركيه الين يتداخل الزبده مع الآريو ورصيه شوي في الصينيه عشان يتواسى في الخلاط علبة قشطة اربع ملاعق شكولاته نص ملعقه صغيره نسكافه نص علبة حليب نستله واخلطيها زين وصبيها وعلى الفرن من تحت بس تتماسك طلعيها وخليها تبرد وغطيها بالنايلون وعلى الثلاجه الين وقت التقديم

الحلو الثاني تشيز كيك الاريو
اريو مطحون ومخلوط مع زبده وملعقة قشطه ورصيه في صينيه
في الخلاط علبة زبادي كاس حليب بودره وفنجال سكر وثمان حبات جبن كيري واخلطيها وحطيها على الاريو
ودخليها الفرن تتماسك بس تتماسك من تحت طلعيها وصفي حبات أوريو

على النار ظرف كريمة مبعثه صغيره نسكافه كاس مويه وخليها على النار بس تغلي ظفي عليها وصبيها بشويش على الطبقه وخليها تبرد بعدين غلفيها في الثلاجه لوقت التقديم
تقدرين تغيرين الكريمه بشكولاتةجالكسي مع او نوتلا مع قشطه وتصبينه فوقها

ماشاء الله عواطف وشامبو دائما تتفاعلوا مع البنات الله يجزاكم الخير

٥ بكتات اوريو وعلبة قشطه وكوب حليب وظرف دريم ويب بالخلاط ثم صبيها بقوالب السوفليه ودخليها الفرن من ٥ الى ٧ دقايق ثم طلعيه وزينيه بسكر بودره وفراوله

جزاك الله خير