عاجل:فرق 10 سم بالخصر خلال 3 ايام!!!!!!!!!!!

السلام عليكم ورحمة الله وبركاته
كيفكم صبايا ؟ ان شاء الله تكونوا بالف خير يا رب

انا رح ادخل بالموضوع ع طول واهم شي لازم تعرفوه انه مو منقول وهو مجرب مني شخصيا
لاني بحب احط تجاربي مو تجارب غيري
المهم انا طولي 160 ووزني 78
انا محيط خصري كان 100 قبل 3 ايام واقسم انه الان 90
وبين كثير بجسمي الفرق
انا رح احكيلكم اللي عملته في 3 ايام وطبعا انا عم بعمل ريجيم الخمس وجبات وع فكرة ما بحرم حالي من اي
شي ...حتى الشوكولاة لانه انا عندي ادمان عليها

يوميا الفطور 7 تمرات مع شاي اخضر ع الساعة 8 الصبح
ساعة رياضة من الساعة 9- 10 الصبح بدون توقف ...فقط الجري في المكان مع القفز...
الساعة 11 :حبتين خيار
الساعة 2 :تفاحة
الساعة 5 :طبق من الطبيخ اللي طابخينه شو ما كان بس لازم تستخدمي طبق صغير
الساعة 8 :حبة ذرة مسلوقة او علبة تونة او صحن سلطة

وكنت اكل الشوكولاة " مارس " بس اقسمها ع يومين
المهم ما بحرم حالي من اي شي
رياضة الجري في المكان اقوى نوع رياضة يعمل على تخسيس الارداف والفخذين

انا رح احكيلكم السر بنظام الخمس وجبات
الشخص لما بفطر ويعد 3 ساعات بياكل شي سعراته خفيفة جدا ..الجسم بعمل على حرق الشيء اللي اكله وبزيد وبضاعف الحرق داخل الجسم يعني بحرقها وبحرق غيرها من المخزون القديم في جسمك
وبعدها بثلاث ساعات كمان برجع بزيد الحرق... كل ما اكلتي شي سعراته خفيفة بس ع فترات
وبحب اعطيكم كمان معلومة ان الجسم يتعود على نوع الاكل لمدة اسبوع ممايساعدك على النحافة اكثر وانتي ما تزالي تاكلي اكل كثير
يعني بعد اسبوع الجسم لا يستفيد مما تاكلين فيتخلص من اي شيء بتاكليه مكرر بالايام اللي قبلها
الشيء الوحيد اللي بخزنه بعد اسبوع او يستمر لتخزينه هو الغدا لانه مختلف في كل يوم لذلك بنصحك باستخدام طبق صغير

اما الطريقة السيئة هي طريقة التجويع ولا انصح فيها حدا لانه الجسم بصير يعمل على ابطاء عملية الحرق
وهاي مصيبة بحد ذاتها

اتمنى ان اكون افدتكم
لكم مني كل الود
لا اطلب منكم سوى الدعاء لوالدتي بان تشفى عينيها