انوج....حمدالله على سلامة يويو...اما موضوع سيل اللوز دا فيبقى حسب حالة الطفل لان فى بعض اطفال حالتهم بتتحسن بعد سن 5 سنيين ....لكن مدام الطكتور قاللك ان المضادات بتاثر على نموه يبقى يابنتى اتكلى على الله واعمليهاله لان كده ضررها اكتر من نفعها
موضوع العسل والليمون على ماء دافى اكتر من ممتاز....انا بطلته لما بقو يقولو ان العسل فى مصر فى سموم ولا مش عارفة ايه ...خفت واتلبشت وقلت الحكاية مش ناقصة بس حقيقى من ساعة ما بطلته وكل شوية مناخير سموسى تفتح زى الحنفية وتعمله مشاكل فى ودانه
اما بالنسبة لموضوع السرنجة...هو بينفع فى الاول بس بعدكده بيعندو فانا بقيت اديهوله بالمعلقة على انه فيتامين...فى الاول مش بكتر اليمون على شان مش يقرف ويجرى منى ...بقيت احط معلقة عسل وادوبها فى حبة مية دافية على قدها وعليها بالعدد نقطتين ليمون ...فى الاول اديت معلقة شاى واحدة وقولتله دا فيتامين كاتبه الدكتور على شان تخف من الزكام ...وشوية سوية تزودى كمية اليمون وعدد المعالق اللى بتديهاله ...الموضوع بياخد وقت بس احسن من ما فيش
بعد البهدلة اللى اتبهدلناها الشهر دا عند الدكاترة ...قلت احاول ارجع اديهاله تانى بس المرة دى حاجيب عسل اورجانيك من الصيدلية من باب الامان
ام يوسف....ازيك انت يا عسل ....يصى يا ستى انا كنت زيك بالضطبط شايفة ان الكمدات كفاية ليه اعزب ابنى ويقعد يعيط وانا اعيط جنبه...لحد ما فى يوم اسماعيل جاتله نزلة معوية شديدة وحرارته فيها كانت هتعىدى الاربعين ودخلنا فى دور هلوسة ...لقيت نفسى من غير ما احس بنط بيه جوة البانيو تحت الدش وكل اللى كان هاممنى ان حرارته تنزل لدرجة ان باباه ما قدرش يقف يتفرج علينا لان الولد صعب عليه .....ولما رحت بعديها للدكتور قاللى احسن حاجة عملتيها لانك بتنقذى دماغه على بال ما الدا ييعمل مفعول
لان الدش بتبقى حرارته اقل من 37 والطفل اعلى ...ولما تحطيه فى المية حرارته بتنزل فى ساعتها....انا رغيت كتيير معلش
اما بالنسبة ليومياتى فعندى حالة كسل مش عارفة اتحكم فبها ....دا غير بطء فهم وغباوة شديدة...دا غير شكللى اللى يعلم ابليس الفضيلة...الحمل عامل عمايله
ولما قريت موضوع ليلى حسيت ان حالتى صعبة اينعم الراجل لسة ما اتكلمش ...بس انا حاسة بيه...وكل ما احاول اعمل حركات دلع فى شكلى كده ...احس انها مش ماشية مع الحجم اللى انا وصلتله..."بقيت شبه جمل المحمل"
البيت بقى حالته مدمرة....انا بصحى علشان اصلى الفجر وبعدين اصحى تانى علشان انزل اسماعيل المدرسة وافطر جوزى "مش دايما"....وبعدين كمان مرة اصحى علشان ماما...القصص دى كلها بتبتدى 5 الفجر وتخلص 10 بنام فيهم نوم مقطع ...طبعا بعد كده بدخال انام واصحى على معاد رجوع ابنى ...يدوب اعمل الاكل ودومتم...ممكن اقعد طول اليوم بعد كده مش عارفة اجز اى حاجة
ومش بعرف انام بدرى للاسف لان جوزى بيحب يسهر ...ومش معقول حاسيبه وادخل انام وان مش باشوفه طول اليوم...
حد عنده حل للمعضلة دى
خلطة ام مريم شكلها تحفة ححاول اجربها
يالارغيت كتيير ووجعت دماغكو...سلام

مى.....ازيك يا قمر انت اخبارك ايه ...اهو رغيت كتير اوى المشاركة اللى فاتت عشان خاطرك يا جميل
ادعولى يا بنات نازلة مع ابنى ورايحين استشارة للدكور ويارب مش يكتبله مضادحيوى تانى لحسن الولد اتهرى

ام البنات وام شهاب "اللهم اشفى اخوانهم شفاءا لا يغادره سقما"

اجازه سعيده ياقمر تروحو وتيجو بالسلامه

مي صباح الفل يا حبيبتي ممكن طلب كنت عايزه الرابط الي كتبتيه قبل كده بتاع لعب الاطفال عشان دورت كتير وتهت في الصفح
ام البنات صباح الخير ياجميل يارب تكوني النهارده تمام
انن يارب الدكتور يطمنك علي ابنك يارب ويكون في احسن صحه

لميا بصي ياجميل بدون الدخول في مناقشات متعصبه او فتوي لأني مش اهل لذلك بس انا رأيي لما احتفل بكام يوم في السنه ايام ميلاد ولادي او يوم الام انا مش بعصي ربنا انا بفرح ولادي واهلي من غير ماغضب ربنا في حاجه
وفي ناس بتقول ده بدعه ووو اولا البدعه هي اشياء الناس ادخلوها في الدين وممكن تمس العقيده وناس بتقول احنا بنتشبه بالغرب الكلام ده لو ادخلت حاجات في الدين زيهم او لبست زيهم ومشيت في الشارع او احتفلت بأعيادهم العامه والا بقي ماينفعش نلبس في البيت او ناكل من اكلهم
معلش اصلك فكرتيني بواحده في المنتدي كانت كاتبه موضوع عن عيد الام وكاتبه كلام كتييييييييييير انه حرام بجد استفزتني جدا قلتلها يعني انا لما اروح افرح امي واحسيسها انها ليها يوم بتلعها هي بس وابرها يبقي ده معصيه سبحان الله طيب حتي لو كان بتاع الغرب وايه يعني مااحنا ناخد منهم الحلو والي يناسب دينا ونسيب الوحش

يا جماعة الخير والله دينا حلو اوي ومش معقد بس احنا الي بنشدد علي نفسنا وعل ولادنا في زمن مايعلم بيه الا ربنا
والله اعلم

سومة
ألف سلامة علي أخوكي و اختك
ويارب يشفيهم و ماما تطمن عليهم
زعلتيني جدا
امانة عليكي تطمنينا عليهم و ان شاء الله ربنا يشفيهم و يطمن قلب مامتك عليهم

كل البنات صباح الخير عليكم