يا حبيبة قلبي انا مااقدرش علي زعلك بس كنت مركزه في موضع عيد الميلاد والام وكمان لما قريت سؤالك عن الافراح مش رديت اقول رأيي لأني عارفه المعاصي فيه كتير وانا للاسف عملت كده
بس فعلا زي ما حبيبه قالت في افراح اسلاميه بتبقي حلوه واحنا قبل كده عملنا فرح لقريبتي وكان في كل حاجه ماعدا ان مش فيه اختلاط ودي جي اسلامي وكان حلو ما شاء الله
يالا عقبال بناتك وولادنا كلنا يارب ........ يا سلام ان شاء الله فال حلو

منقوووووووووووول

بسم الله الرحمن الرحيم
السلام عليكم ورحمة الله وبركاته

حكاية هذا الموضوع أنني سمعت إحدى الفتيات من عائلتنا تدندن بهذه الأغنية، فلفتت انتباهي، (عادة أصغي جيدا لما يدندون به وأحاول تمييزه)، وطلبت منها ان تعيد الكلمات على مسامعي، فلما فعلت، طلبت منها أن تكتبها لي، وإليكم كلمات هذه الأغنية، فاقرؤها جيدا، وقولوا لي بماذا اوحت لكم قبل أن ندخل في الموضوع...


ضحكت يعني قلبها مال
وخلاص الفرق ما بينا اتشال
يللا يا قلبي رحلها يللا
قل لها كل اللي بيتقال


مستني إيه بعد الضحكة
دي الضحكة فاتحالك سكة
مش هي دي اللي انت عشقها
وبقالها ياما شاغلة البال


ضحكت يعني حاسه هواك
وموافقة تعيش العمر معاك
روح يا حبيبها، دا انتا حبيبها
طمن شوقها إللي استناك


في حد يستنى على دي
ما كفاية بس الضحكة دي
شفت اهي ضحكت تاني
يعني اللي شفته ما كانش خيال

وقد أوحت لي هذه الكلمات بكثير جدا من الأفكار.. ووجدتها جديرة بالتأمل بالفعل... وسأخبركم في المداخلة التالي ببعض هذه الأفكار
فابقوا معنا



******************

السلام عليكم مجدداً

عندما نشرت هذا الموضوع في منتدى آخر، رد علي أحد الشباب قائلاً:



اقتباس:
سبحان الله،

ضحكة واحده من فتاه تفعل كل هذا !

أعتقد لو لم تكن هذه أغنية وتحدث أحد الشيوخ عن هذا المفهوم لإعترض عليه الكثير واتهموه بالتشدد..
وبالفعل

لقد خضت مناقشات كثيرة حول الاختلاط وضوابط الحديث والتعامل بين الجنسين، ودوما يقال لي وماله وفيها ايه وليه التشدد ومن اين اتيت بهذا الكلام... الخ...
فلما سمعت كلمات الاغنية قلت سبحان الله.. من فمك أدينك.. وشهد شاهد من أهلها

تأملوا الكلمات:

ضحكت = قلبها مال.... ليس شيخا ولا داعية الذي يتكلم... انه الشاب نفسه... بلسان كل الشباب بالطبع... فتأملوا تفسيره للضحكة.. !! (ترى هل كل فتاة تضحك في الاسواق او المنتديات او الجلسات المختلطة سواء العائلية او غيرها تضع في ذهنها أن الطرف الاخر يفسر ضحكاتها بهذا الشكل؟)

وخلاص الفرق ما بينا اتشال... وهذا ما كنت أتعب وأتعب لأفهمه للبنات.. فيجادلنني بالباطل (بعضهن طبعا) وفيها ايه؟ ودول زي اخواتنا.. وبلاش عقد

بل ان واحدة قالت لي أليس تبسمك في وجه أخيك صدقة؟
البنت حابة تتصدق ولا يروق لها من انواع الصدقات الا التبسم للشباب خاصة!!!
وواحدة قالت لي انها تحب التعامل بلطف ورقة مع الجميع ذكورا واناثا... فأوضحت لها ان التعامل مع الاناث يجب ان يختلف مع الذكور... لكن عبثاً...

وها هو مطرب ومؤلف وملحن وكل من احب الاغنية ودندن بها يخبركم يا فتيات الاسلام انك عندما تضحكين للشاب فانه يفهم ان الفروق والحواجز بينكما تلاشت، وانه اذن مفتوح له ليقترب اكثر واكثر، وتترسخ العلاقة بينكم اكثر واكثر... أي علاقة؟ علاقة الصحوبية بالطبع... فالاغنية لا تتحدث عن غيرها وان كانت تسميها باسم جذاب هو (الحب)

مستني إيه بعد الضحكة
دي الضحكة فاتحالك سكة

ولهذا بكل أسف يسيء الشاب الظن بالفتاة التي تكثر من الضحك والتبسم، ويعتقد انها صيد سهل وانها فتاة مستهترة سهلة المنال... فاتحة السكة... كما تقول الاغنية
بكل اسف كثير من فتياتنا لا يعرفن هذا.. فينثرن الضحكات في الاسواق والتكاسي وأروقة الجامعات ودروب الحدائق الغناء
ضحكة قوية مجلجلة.. وابتسامات تتناثر هنا وهناك... ولا يعرفن أثرها الفتاك في قلوب من يتلقاها....
هذا ان كان طاهر القلب..
أما إن كان من أصحاب القلوب غير الطاهرة، فإنها تكون دعوة مفتوحة للمعاكسة ولما بعد المعاكسة...
مش السكة بقت مفتوحة؟؟


ضحكت يعني حاسه هواك
وموافقة تعيش العمر معاك
روح يا حبيبها، دا انتا حبيبها
طمن شوقها إللي استناك

يعني الضحكة أوضحت له أنها موافقة بل ومشتاقة ومنتظرة.... سامعين يا بنات.... سامعين؟

في حد يستنى على دي
ما كفاية بس الضحكة دي

طبعا لا ينتظر... فإنما يفوز باللذات الجسور... وكفاية بس الضحكة دي لتخبرك انها منتظرة وبشوق وسهلة المنال وتعال....

فاحذري ياابنتي.. احذري وراقبي الرسائل التي ترسلينها للجنس الاخر دون ان تشعري.. ولا تتأثري بأجواء صديقاتك او سلوكياتهن ان كانت من النوع المتساهل المنفتح... بل كوني قدوة لهن في الانضباط والاحتشام...

وتأكدي ان من تصطاده الضحكة من الشارع... سرعان ما تصطاده ضحكة اخرى من شفاه آخرى من شارع اخر.... فليس هذا بالشاب المأمول ولا المنتظر....

والتأمل كان موجها للبنات الحقيقة لا للشباب

هدى الله الجميع ورزقنا الهدى والتقى والعفاف والغنى

مادو....ايوه كده نورينا يا قمر ...وحشتييينى جدا ومستنياك
روشانا...معلش ما تزعليش منى فى اللى حاقوله...وانا عارفة ان المشاركة اللى انت حاطاها منقولة
الشاب اللى المشاركة تقصده هو عمرو دياب "يا سبحان الله فصص الاغنية كلمة كلمة واتكسف يقول اسم المطرب"
انا مش مع اغانى عمرو ولا غيره علشان محدش يفسر كلامى غلط ...ولكن هو الاغنية دى بالذات استفذته جدا وحس ان فيها تحريض للبنات على الرزيلة....ما يعرفش ان فى اغانى كتيير اوحش منها ومش محتاجة كل التفسيير دا كله علشان هى متفسرة جاهزة
انا بيتهيالى اى بنت من بيت محترم مش محتاجة تسمع كل الخطب دى لانها متربية تربية دينية صحيحة وطبيعى ان ما فيش واحدة محترمة تعمل اللى هو بيقول عليه دا بقصد او من غير قصدز
كان الافيد ...انه يقول خطبة يشجع فيها البنات على حفظ القران او المواظبة على صلاة الفجر والاذكار ...بدل ما يضيع وقته ومجهوده فى التحذير من اغنية ...هو فاكر انه بكده عمل اللى عليه وحيقضى على الانحراف اللى فى البلد ويرجع الناس لدينها....
وحاقول تانى لروشانا انا بس برد على المشاركة المنقولة ...وانا دايما بحب كل مشاركاتك انت شخصيا وبستفيد منها كتيير
اما بالنسبة لموضوع اعياد الميلاد فام يوسف كفت ووفت وقالت اللى كان نفسى اقوله
سلام علشان جوزى جه

السلام عليكم ورحمة الله وبركاته
ازيكم يا بنات وحشتونى عندى كلام كتير مش عارفه ابدا منين وعندى موقف عايزه احكيه لكم
ابدا بموضوع عيد الام
انا اليوم ده من وانا طفله كنت بكرهه جدا البنات فى المدرسه بتبكى لوفاة والدتها
والمدرسات وماما فى البيت طول اليوم بكاء
فكان يوم صعب والعلماء اتكلموا على النقطه دى انها فيها ضرر نفسى كبير لل فقد امه
ربنا يبارك فى امهاتنا جميعا ام يوسف انا لست اهل للفتوى وهل هو حلال ام حرام
لكن ممكن تخالفى انك تجيبى هديه قبلها او بعدها وتكون نيتك صلة الرحم
ام البنات ربنا يرزقك بناتك الازواج الصالحين وكل بنات المسلمين
موضوع الافراح الزواج ده نعمه من ربنا على العبد وبدايه لحياه جديده
وللاسف الشباب بيبداها بمعصيه افراح مخطلته وسواريهات عاريه
قابل نعمة ربنا بمعصيه دينا ليس ضد الفرح والسعاده
لكن بالحلال وعشان الافراح بقة كلها معاصى
بقينا نسمع عن كثرة الطلاق والبيوت غير سعيده
وللاسف الشديد قرات فى جريدة الاهرام مقاله غريبه
أحدث تقاليع الزواج بين الاوساط الراقيه
معلش مش حا اقدر احكى لانها كارثه
بجد حاجه مش ممكن تتخيلوها
خلاصتها لا يوجد نخوه ولا غيره على شريكة عمره
فالنتيجه بيوت مهلهله
موضوع وضع الطفل تحت الدش وقت الحراره
انا كنت بعمل كده لكن الدكتور هزئنى
وقالى دى كارثه انت تعملى مصايب لابنك
وقت الحراره تخليه بملابسه الداخليه
وتعملى كمادات ماء بارد وعليه سبرتو
او خل وعلى رجليه وجبهته
وبعد نزول الحراره يلبس ملابس قطنيه
موضوع اللوز هى فعلا نعمه من ربنا
لكن ضررها كبير لو بيلتهب باستمرار
انا كنت كل يوم سبت عند الدكتور المضاد يخلص الحميس
والسبت حرارتها اربعين والله بدون مبالغه وكنت بحاول انى ما اعملهاش
الدكتور قالى انتى بتضريها لازم قبلها يتعب بسبب اللوز
عشان تحسى بالخطوره فلازم دكتور ثقه يحدد اذا كانت تصلح
ولا لازم شيلها
موضوع تشقير الحواجب
بحثت فيه كتير العلماء بين مؤيد ومعارض
واليوم فى قناة الرساله الشيخ قال الاولى تركه لانى بيعطى نفس نتيجة النمص
ايمان جزاك الله خيرا على البرنامج انا كتبت كل المعلومات
وموضوع ابنك اسهل حاجه للولد تعوديه وهو واقف سهل وهو بيكون مبسوط
وبلاش يحس ان الموضوع معصبك يعنى خليكى ريلاكس وما تتعجليش النتائج
عطر بجد ضحكتينى يا بنتى التخسيس مش لنا
بس خليها حجه وخلاص
مرمر هونى على نفسك والنفس فى العباده بين اقبال وادبار
واكثرى من الدعاء
مى البرا على الاقل وقت النوم بلاش ننام بيها لان لبسها باستمرار غلط
تادو جزاك الله خيرا علىموعد البرنامج واحبك فى الله
بوتا الزنجبيل ذكر اسمه فى القرآن وكل ما ذكر اسمه فى القرآن
فوائده لا تحصى ولا تعد وان شاء الله اجربه للصداع
ايناس النوم المتقطع مشكلتى لكن تدريب لكى عشان بعد الولاده
وحاولى قسمى شغللك على باقى اليوم بحيث يكون البيت دائما مرتب
لميا اكثرى دايما من الدعاء والخوف الزائد بيكون من وسوسة الشيطان توكلى على الله فى كل شىء وبلاش القلق
مادو احبك فى الله مع اننا بعيد عن بعض كل وحده فينا فى دوله وممكن ما نعرفش نشوف بعض
لان كل وحده فينا فى بلد غير لكنك قريبه جدا لقلبى فالقرب مش بالمسافات وقلقانه عليكى وعلى طول فكراكى وبدعى لك
وما تغيبيش عننا كتير وربنا يعينك على بر والدك
اتلكمت كتير لكن راجعه لكو تانى
قبل ما امشى ام شهاب ربنا يشفى اخوكى واختك ويصبر والدتك واكثرى من الدعاء والصدقه
سبحانك اللهم وبحمدك اشهد ان لااله الا انت استغفرك واتوب اليك