بنات عايزه احكى لكو
كنت بعزى جارتى فى وفاة اخوها غفر الله له ولجميع موتى المسلمين
ونزلت من عندها فرحانه اقول الحمد لله انا فى نعمه ال يشوف مشاكل الناس
يحس انه فى نعمه عظيمه وفى نفس الوقت خايفه جدا
جارتى بتحكى عن بنت سلفها
عمرها سنتين والبنت صحتها كويسه جدابدات ترجع
الام خدتها للمستشفى قالو لها البنت سليمه ما عندهاش حاجه
وركبو محاليل والترجيع وقف
تانى يوم الترجيع زاد راحت الام المستشفى مجرد وصولهم للمستشفى البنت دخلت فى غيبوبه
وبعد الاشعات والفحصوات البنت عندها سرطان فى المخ وفى مرحله متقدمه وما ينفعش يتشال
والبنت فى غيبوبه من اسبوعين وجميع الاطباء اجمعوا خلاص ما فيش امل
هى ميته اكلينيكيا لكن ما ينفعش نرفع عنها الاجهزه وعضلة القلب بتضعف كل يوم وكفاءتها بتقل
والاطباء نصحو الاب والام ما تحاولوش ما فيش فايده لكن خليكو جنبها اشبعو منها
موقف صعب ربنا يصبر والديها ويشفى جميع مرضى المسلمين
موقف الام
ما شاء الله ربنا يثبتها صابره ومحتسبه وكل ما تشوف حد بيعيط تقول لهم ما حدش يعيط دى فى الجنه
وموقف الام خوفنى جدا
اختبار صعب ياترى لو انا اتعرضت لاختبار قاسى وصعب حا اضعف وانهار ولا اصبر واحتسب
والقصه دى مترابطه مع قصة صحبتى ان الجنين توفى فى الشهر الثالث
لكنها منهاره ونفسيتها تعبانه جدا مع انها ما شاء الله معاها بنت وولدين
كل ما اصبرها واهون عليها تقولى الموقف صعب الكلام سهل
فقارنت بين الحالتين وتذكرت كلام دكتور عمر عبد الكافى
ان الصبر ربنا سبحانه وتعالى لم يخبرنا بثوابه
وبشر الصابرين لكن ثوابه ايه
هى مكافاه للعبد يوم القيامه
لان فعلا الصبر صعب مش اى انسان بيعرف يصبر ويحتسب
فحبيت احكى القصه عشان كلنا نقول الحمد لله مشاكلنا اهون من غيرنا
وبجد ندعى ربنا انه يرزقنا الصبر فى وقت المحن ويؤجرنا على الصبر

ديه المره التالته اللي اكتب فيها ويتمسح ربنا يسهل ومش يتمسح

عروس ميرسي يا حبيبتي علي وصفة الشمر ان شاء الله اجيبه انا دلوقتي بشرب ينسون مع الدوا وان شاء الله خير هو الدكتور قاللي انها مسالة وقت

انجي انا متهيالي اللوز مش ليها علاقه بالوزن لان انا وكل اخواتي عنلينها عادي لكن انت تاكدي طبعا قبل ما تشيليها من كذا دكتور لان طبعا ربنا خالقها وليها فايده بس اذا اجمعوا خلاص هنعمل ايه انا جوزي شالها السنه اللي فاتت بعد ما تعبنا جدا وفي الاخر شالها واتعذب بعد العمليه لان الكبار بتكون متعبه عن الاطفال طبعا

ام شهاب ربنا يطمنك عليهم ان شاء الله وزي ما البنات قاللولك تصدقوا بنية الشفاء

ENN ا نا عارفه طبعا النظام اللي بتحكيه ده لاني برضه تقريبا بصحي اكتر من مره واصلا بكون سهرانه مع جوزي لانه مدمن سهر يبقي راجع من الشغل تعبان ومش قادر يفتح عينه ويتنرفز جدا لما اقولله نام شكلك تعبان انا طبعا بفضل اقنع فيه استهبال طبعا لان انا اللي ببقي عايزه انام

لميا ان شاء الله تروحي وتيجي بالسلامه

حبيبه رايي طبعا زي ما الكل قاللك انك تروحي وتقصري الزياره بس عشان مش يبقي شكلك وحش وجوزك يتضايق وتنوي انك بتعملي كده ارضاء لجوزك وخلاص

تادو تسافري بالسلامه بس بدري كده ليه مش تستني الصيف عشان نبقي كلنا في مصر يمكن نعرف نتقابل

ام البنات ان شاء الله ربنا يفرحك بيهم وفعلا زي ما حبيبه قالتلك ان بعد فتره الافراح الاسلاميه هتنشر اكتر لان فعلا من فتره كان نادر تلاقي بنت لابسه الحجاب في الفرح دلوقتي عادي وفيه لفات حلوه وفساتين محجبات يعني الصوره كلها بتتغير للاحسن ان شاء الله

ايمان ابني وابنك هنضربهم في ميدان عام بس انا فعلا دلوقتي بحاول اعمل زي ما عروس قالتلك اني بتجاهل الموضوع واكون هاديه وعماله اقنع نفسي انه ان شاء الله في يوم من الايام هيتعود

مادو ربنا معكي ويقويكي

ام مريم وام يوسف الكسلانه وام سوسو وحبيبة الرسول وهايا وميرو وبووتا وروشانا وكنزي ورانيا اسبانش و زوجه مصريه وميمسي ودموع و كل البنات بحبكوا كلكوا

اه يا عروس فعلا موقف صعب جدا ومش اي حد يقدر يكون ما شاء الله قوي زي الام ديه دي الواحد لما حد بيسخن شويه او يكح يكتئب سبحان الله وانا اللي معرفهاش ولا ليه علاقه بيها قلبي وجعني وعيط غصب عني يبقي طبعا الام ديه ما شاء الله عليها ربنا يصبرها ويقويها ويرحمنا كلنا و ان شاء الله ما يكونش مكتوب علي اي حد فينا الابتلاء الصعب ده

طبعا كلكوا عارفين الموضوع بتاع ام عتريسه بتاع التوفير انا كنت منزلاه علي الجهاز بس من يومين قعدت رتبته و جمعته في ملفين وبحاول ارفع الملف عشان انزله لو حد محتاجه بس مش راضي ينزل مش عارفه ليه عموما هاحاول تاني وان شاء الله ينزل ولو مش عرفت وحد محتاجه يقولي وانا ابعتهوله ميل

عروس ..القصة اللى انت قولتيها وجعت قلبى ربنا يثيت والدتها وبريط على قلبها ويجعله فى ميزان حسناتها
اما بالنسبة لموضوع النوم...فالمشكلة انى بقيت اليوم ببقى عايشة فى حالة كسل مش نافع معها حتى النسكافيه
روانيو..شكل جوزى وجوزك متفقين ...انا برضه جوزى بيبقى مش شايف قدامه ويوم ما ينا بدرى ينام الساعة 2 الفجر