انا جربت للشعر كريم صانسيك الموف حلو جدا مكتوب عليه يمنع تجعيد الشعر وانتفاشه فعلا بيخفف نفشه الشعر
السلام عليكم اختي وسام يارب تكوني بخير وفي اتم صحة واحسن حال انتي ذكرتي هذا الكريم في الملف السابق
وانا من وقتها بادور عليه مش موجود هل من الممكن معلش هاتعبك معايا تنزلي صورته ناس كتير شكرت فيه او لو
في اخت من الاخوات موجود عندها معلش تنزل الصورة لنا مش علارفة هو اختفي ولا انا مش عارفاه اسفة للازعاج.

مساء الخير يا قمرات وحشتوووووووووووووووووووني
و عايزه ارغي كتير معاكو

ميرسي لكل اللي سال على يويو ربنا ميحرمنيشمنكم و يارب يديم المحبه دايما بيننا

بس في ناس مطنشني اخر طناااااااااااااااااااااش

ام البنات و ام سوسو ايه الحكايه ؟؟؟الطناش جامد جدااااااا

على فكره شيماء كلمتها من شويه و بتسلم عليكم و يا حرام مش عارفه تشارك خالص عشان تعبانه اوي
اصل جرح القيصري اتلوث و اضطرت تفتح الغرز تاني

و كمان بنوتتها عندها صفراء فبجد متبهدله جداااااااااا

ادعوا لها يا بنات

النهارده قمت متاخر جدا لاني طول الليل كنت سهرانه مع يويو بس هو الحمد لله النهارده احسن كتييييير من امبارح


قمت بقى عملت فراخ مسلوقه و ملوخيه و رز بالشربه و اعتمدت طريقه ميرو حبيبتي في الفراخ و بجد سهلتلي جدااااا

يعني جبت من كام يوم فراخ الشهر و نظفتها كلها و حطيتهم في اكياس

و اللي كنت عايزاهم يتسلقوا فرمتلهم بصل و طماطم و توابل و تبلت بيهم الفراخ و دخلتهم الفريزر

و لما طلعتها فكت و بعدين شوحتها في الحله و حطيت عليها ماء مغلي من البويلر و كملت خطوات السليق عادي

بس والله كانت ماشاء الله روعه و طعمها كان زي الفل ولا زفاره ولا اي حاجه دا غير انها خدت نص ساعه بس

بس كدا و عملت معاهم سلاطه خضراء

و نظفت المطبخ و نزلت شويه و سبت يويو لباباه قلت اتهوى شويه و اشتريت شويه حاجات و جيت

بس دا كان يومي


الا فين منى يا بنات غايبه ليه كدا؟؟؟؟دموع التائبه انت فيييييييييييييييييييييين ؟؟؟وحشتيني

مادو
حبيبتي نورتينا و ربنا يكرمك و يوفقك و بجد وقفتك جنبب باباكي مهمه اوي
نفسي نرغي زي زمان
يلا تعالي بقى مستنيه الاسئله حقيقي الملف كله مفتقدك

ام شهاب
ربنا يشفي اخواتك و يطمنكم عليهم و باذن الله تكون حاجه بسيطه و الدكاتره يلاقوا الحل
وهوني على مامتك يا حبيبتي و ان شاء الله ربنا يكتبلهم السلامه

انوج يا جميل اخبارك ايه واخبار يويو ايه

الف سلامه علي شيمو وبنتها زعلت اوي لما قريت ان الجرح التهب شفاها الله وعافاها

وخليها ترضع سجا كتيييييييييييير عشان الصفرا كنت عايزه اقولكم حاجه مهمه الحامل في التلت شهور الاولي لازم تشرب عسل اسود كتير وده بيمنع الصفرا خالص انا والله جربت كده مع يوسو وروما ما شاء الله ماجاتلهمش

عروس حكاية الست دي صعبه اوي يارب احفظ ولادنا واحميهم من كل سوء ياااااااااااااااارب

انن ربنا يقومك بالسلامه انتي وام مريم ومرمر وتوته وكل الي زيكم يارب ويرزقكم الطفل السليم المعافي امين يارب العالمين

رشا انا فعلا كسلااااااااااااانه علي الاخر عرفتي منين ؟؟؟؟؟؟؟:22:

ام سوسو حبيبتي اخبارك ايه ياقمر ايه المعلومات الجامده دي لو قروها اجوازنا هيدعولك ههههههههههه قوليلي اخبار مينا ايه وموضوع التهاب الحفاض انتي عارفه روما التهبت جدا والكريم مش نافع شوفت دلوفتي موضوع في وصفات كتير هكتبلك الرابط بتاعه
بس تفتكري ده بسبب التسنين ولا الحر