حبيبة اوسو...الف شكر يا قمر وفرت على مجهود كبير
انجى ...حمدالله على سلامة يويو...ولما تكلمى سيماء المرة الجاية سلميلى عليها كتيييييير والف سلامة عليها وعلى بنوتتها ان شاء الله يقومو بالسلامة هم الاتنين
ام يوسف....الله يخليك يا قمر شكرا على الدعوتين الحلوين دول
ايمان....معلش استحملى انا كمان عانيت مع ابنى جدا فى الموضوع دا وما ضبطش معاه الا على تلات سنين ونصف ...والعجيبة فى الموضوع انه كان ت البيبى العادية مضيطة عنده من سنتين لمن التانية لا....اهم حاجة مش تحسسيه ان الموضوع مهم عندك "لو عمل بيبى كافئيه ولو ما عملش طنشيه خالص وتجهليه وما تلعبيش معاه وخلى المعاملة رسمى"...واهم حاجة مش تكافئيه ابدا ابدا قبل ما يعمل بيبي ولا تبينى انك فرحانة لما يقوللك يالا بينا على التواليت...استنى لحد ما يعملها بجد وبعدين ابفى هيصى واعملى اللى انت عايزاه ...لانهم فى السن دا ما تفهميش ليه بيحاولو يجذبو الانتباه وبيقوا مستفزين لاقصى درجة ....لما يجى يعمل بيبيى ما تقفيش جنبه بس راقبيه من بعيد "حايفضل ينادى عليك ..قوليله لما تخلص "وعلى اسوا الحلول "استخدمى لبوس جلسرين "انا ابنى من كتر ما كان بيعند معايا كان بيجيله امساك واللبوس بيخليه مش يقدر يمسك نفسه ...فكنت باخده على الحمام ولما يعمل بيبيى اسقفله واقوله شفت انت شاطر ازاى"...بس خلى دا حل اخيير خالص لان لبوس الجلسرين التعود عليه مش كويس
ميرو........عن تجربة يا بنتى ...اوعى تلومى علي جوزك وتحسسيه انه مقصر وخصوصا لو حد من ولاده عيان او انت اللى عيانة."هو بيبقى حاسس بالذنب فعلا بس قدامك حيحاول ياخد موقف دفاعى ويطلعك انت اللى عندك عقدة اضطهاد "..استنى لما لما الولاد يخفو وفى لحظة صفى كده ادلعى عليه وقوليله "انا كنت مستياك تكلمنى فى التليفون "وخلى بالك انا قولت دلع مش خناق...وصدقينى حيعتذر فى ساعتها ومش حايعملها تانى

بالنسية للسلك ابيل انا جربتها مرة واتبهدللت اخر بهدلة ...فى ناس بتمشى معاهم "بس انا سمعت انومش كويس"انا بستعمل جيليت الحريمى وفى انواع تانية كتيير وليكى حرية الاختيار

الصح حاجة يا ميرو والواقع حاجة

عادة يا ميرو الرجالة بينسوا نفسهم فى الشغل ومش بيكلموا الست يتطمنوا على العيال لا وبالعكس يضايقوا لو الست كلمته عشان بتطلعة من تركيزة وتعطلة

ويا سلام بقى لو طلبت منه طلبات او حاجة يجيبها معاه تبقى مشكلة :)

بس مثلا ممكن تتفقوا انك ترنيلة وهو لو فاضى او اول لما يفضى يكلمك او لما يخلص شغل قبل ما يمشي يكلمك يشوف لو عايزة حاجة

يعنى مشى حالك يا ميرو وكبرى دماغك
الرجالة مش هايتغيروا يا بنتى ولو عملتى ايه فتعاملى مع الواقع وريحى نفسك

ايمان انا مش عارفة البنت مختلفةعن الولد في موضوع البوتي دة ولا ايه...بس انا بنتي اتعودت علي سن سنتين واهم شئ انكوا تبقوا في البيت الاول فترة كبيرة عشان ميتلخبطش انا شلت عنها البامبرز في البيت خالص وبقيت اجيب لها البوتي واقول نعمل بيبي هنا في الاول كانت بتعمل علي روحها بس كانت بتقرف من نفسها اوي بس بعد كدة فهمت الحمد لله وبقت هي تروح تجيبها لوحدها
وانا سمعت انه اصح سن نبدا من سنتين التعليم دة


ميرو.....انا بعمل بالسويت بصراحة مش بقدر بالماكنة ولا بالموس انا عارفة انها مع الوقت بتعمل ترهلات بس هنعمل ايه...نبقي نطفي النور..هاهاهاااا

ميرو وروشاناو منىوام حبيبة وكل البنات صباحكم عسل

ميرو ربنا يتم شفى شيكو على خير يا رب
تصورى انا قايمة على الصبح والحكاية دى مضيقانى بردةافضل طول اليوم مستنية تليفون مش عشان يطمن عليه والله انا ببقى عايزة اطمن عليه لانه دائم السفر وبفضل طول اليوم على اعصابىوهو ولا هو هنا ., وساعة لما يرجع البيت طبعا بعد الساعة واحدة ليلا يتحول كل الشوق بتاع طول النهار والقلق علي والزعل من انه مش بيسال علينا الى عاصفةوةحجته انه مش دايما لوحدة في معاه ناس مش بيعرف يتكلم معايا بسببهم ...............انا مش عايزاه يتصل يحب فيا بس اطمن عليه ويحسسنى ان مهتم بينا................يللا ما علينا

كهرمانة الستائر حقيقى روعة هو انتى فى مصر ولا خارجها