السلام عليكم ورحمة الله وبركاته
ازيكم يا بنات يارب تكونو بخير
ام يوسف يا بنتى ده حالنا كلنا على نهاية الاسبوع الجو لازم يقلب سواء صيف ولا شتا
لكن أهم حاجه هونى على نفسك وخليكى ايجابيه وحاولى تستمتعى بالاجازه فى حدود المتاح
ودئما نتذكر من اهم اقل مننا
عايزه اشكر وأحييى شعب دمياط الكريم
سمعت فى برنامج العاشره انهم عاملين أساس لشعب غزه بسعر زهيد جدا
وكل العمال البسطاء تبرعو لعمل الاساس بدون اجر ونعم الرجال
سكان السعوديه البنات فى منتدى العنايه بالشعر بيقولو قصائد شعر
فى عشبه اسمها قطونه او لسان الحمل او حشيشية البراغيت
هى تشبه السمسم لكن بلون الشيكولاته انها بتنعم الشعر جدا
وبتلمعه وتمنع النفشه تماما تحطيها فى اى زيت وتستخدم كحمام زيت
وممكن دهن الشعر من الزيت بعد الحمام دهنه خفيفه جدا
سألت عنها كل العطارين اعتبرونى بقول طلاسم يعنى ايه
لكن عطار قالى هى متوفره فى السعوديه وسعرها بسيط
يالا جربو وطمنونى يارب تكون فى منها فى مصر
تادو ان شاء الله احاول انزل لك صورة الكريم
وانا اشتريت تونيك فازلين للشعر حلو جدا
لكن هو محتاج نقطه بسيطه جدا وكمان نقطه اى كريم شعر معاه بيمنع نفشة الشعر
وبيكون سهل التسريح لو ما لقتيش الكريم جربى وان شاء الله يعجبك
أم سوسو لو الطفح الجلدى عند مينا من الحفاض يبقى ادهنى بزيت الزيتون ممتاز
ميرو كان فى دكتور جلديه اتكلم قال الطرق القديمه لنزع الشعر افضل شىء
الوجه الفتله ممتازه وباقى الجسم السويت وحذر من البراون
لكن بستخدم البراون ومرتاحه عليها الحمد لله وربنا يستر
ورده مفتحه الف سلامه على محمد وممكن يكون الترجيع عنده رطوبه فى المعده
ومش شرط ان الطفل وزنه يكون كبير المهم صحيا كويس ده اهم حاجه
قرايبنا بنتهم ما شاء الله مش بيقدروا يشيلوها ولسه عندها شهور
والام نفسيتها تعبانه جدا خايفه عليها من زيادة الوزن والدكتور يقول لها غلط وزنها كبير على سنها
قللى الرضاعه ومانع عنها حاجات كتير فى الاكل فالسمنه للطفل مش ميزه
عطر سلمى على شيماء كتير وربنا يكمل سلامتها على خير
والصفره محتاجه ترضع كتير وتعطيها كراويه كتير ده اهم علاج للصفره وربنا يطمنها عليها
سمعت حلقه جميله لدكتور عمر عبد الكافى
بيحكى ان فى لجنه فرنسيه جاءت مصر سنة 87 لعمل بحث عن الازواج
فكان نتيجة الابحاث ان الزوجه اليابانيه تفهم زوجها بنسبة 85 فى الميه والزوج اليابانى يفهم زوجته بنسبة 81 فى الميه
والزوجه العربيه تفهم زوجها بنسبة 99 فى الميه والزوج العربى يفهم زوجته بنسبة 3 فى الميه
يعنى شكلها ما فيش أمل
واثبت علماء علم النفس ان الزوجه لكى تكون سعيده محتاجه لخمس مجاملات فى اليوم
تسلم ايدك على الشاى
الاكل جميل
لبسك حلو النهارده
مكالمه تلفيونيه رقيه
جهدك واضح مع الاولاد
المجاملات دى انا مفترضاها
ما اعتقدش لو كل يوم كرر الخمس دول بس
ما فيش ست حا تزعل ولا تنكد
لكن عشان نهدى النفوس بلاش نأمل انهم يقولو كده
اصل دول 3 فى الميه يعنى هما على قلبهم مراوح خالص
سبحانك اللهم وبحمدك اشهد ان لااله الا انت استغفرك واتوب اليك

ام شهاب الف سلامة على اخواتك ربنا يشفيهم يا رب

لااله الا انت سبحانك انى كنت من الظالمين

السلام عليكم ورحمة الله وبركاته

ازيكم يا بنات عاملين ايه

انا كنت تعبانة قوى اليومين الى فاتوا محدش سأل عليا
كنت واخدة دور صعب اوى انا وجوزى نفس الاعراض بيقولو ا المايه ملوثة مش عارفة بس ظهرت كذا حالة فى العيلة بنفس الاعراض