صباح الخير يا بنات
معلش مشاركتي النهاردة هتقتصر على طلبي منكم الدعاء
عندي مشاكل كبيرة اوي اوي في الشغل علشان الاجازات اللي خدتها علشان ولادي
المدير بتاعي سحب مني شغلي كله وبيزهقني علشان امشي

ربنا يستر لو مكنتش محتاجة مرتبي كنت مشيت

يا رب متذلش علشان كده

بجد خلاص هعيط قدام الناس وماسكة نفسي بالعافية


ادعولي لو كنت افرق مع حد فيكوا ان ربنا ينصرني

الظلم وحش اوي اوي

ربنا يكرمك يا شيماء يا دعوتك الحلوه وربنا يطمنا عليكى ويحفظك

.............................................

ام يوسف ......... الله يسلمك يا حبيبة قلبى ........ معلش والله مشفتش كلامك لما قلتى افتحى الايميل لانى بعت الرد ونمت على طول عشان كنت تعبانه شويه

وانا قبلها بحوالى ساعه قعدت اكلمك ع الايميل بس الظاهر انك مكنتيش قاعده ع الجهاز ....... ابقى سيبيلى اوف لاين بالميعاد الى انتى بتقعدى فيه لانك وحشانى جدااااااااااا وعايزه ارغى معاكى شويه

السلام عليكم ورحمة الله وبركاته
بصبح فى السريع المريع ورجا تانى بعد ما اخلص الغدا
شيمو ام سجى منوره وربنا يبارك فى سجى ويكمل سلامتك على خير وتطمنى على الجرح
ليلى دى موجوده فى كل بيت وكلنا ليلى لكن بنسب مختلفه
وياريت تقريها لان كلنا بعد الولاده بنكون ليلى لكن خلى بالك ولحقى نفسك
ليلى كل همها البيت والمطبخ وتربية العيال وده صح مش غلط
لكن نسيت زوجها تماما
نسيت تشاركه هو بيحب ايه
تلميحاته للحاجه ال بيحبها فى اللبس
عاشت سن الشيخوخه وهى لسه شابه
انظرى لكل النساء المحيطين بيكى حا تعرفى مين هى ليلى
وحا تيجى انتى تحكى لنا عرفت ليلى بتعمل ايه
لكن كلنا قررنا نكون ليلى بعد التعديل

ميرو ربنا يفك كربك وينصرك ان شاء الله
واكثرى من الدعاء والاستغفار
بنات الموضوع ده حلو جدا فن التعامل مع الناس
http://forum.hawaaworld.com/showthread.php?t=1666609

بوتا
كل سنه و انتي طيبه و متزعليش نفسك و بصي للحاجه الطكويسه اللي حصلت و متبصيش للحاجات التانيه علشان مش تزعلي

ميرو
ربنا معاكي يا حبيبتي و يوسع رزقك و يعدي المحنه دي علي خير ان شاء الله حاسه بيكي و الله لان المدير بتاعي لما اخدت الاجازه بتاعتي مش زودلي مرتبي مع ان اللي جايين بعدي بسنين زودهم زياده كبيره ما شاء الله علشان اسيب الشغل بس بردوه جيت

توته الف سلامه عليكي و ربنا يتمم حملك علي خير و انا من رايي زي البنات ريحي نفسك شويه لانك لسه تعبانه و حامل