حبيبتي اعذريني والله نفسي اشيل الهم الي بقلبك بس مو عارفه ايش اقولك اسأل الله بعزته وجلاله ان يريح قلبك ويرزقك بالي تتمني وترا الثلاثين عز الشباب لاتحبطي نفسك ❤

اختي معليش بس تفكرين بالناس والناس والناس
تدرين متى بتنحفين من تجربة ؟ اذا قلتي : انا - صحتي - عشاني
ورفعتي من طاقتك الايجابية
بعدين الاوزان الكبيرة يبان عليها النحف اسرع وتنزل اوزان بسرعه وكلما قربتي من المثالي بدا ثبات الوزن
والحين الاجواء جميله لو تحددين لك وقت يومي او يوم ورى يوم تمشين فيه في حديقة الحي ممتاز
ولازم تسوين لك وجباتك جاهزة اغلب اللي يقدرون ينزلون اوزانهم يطبخون كميات ويحفظونها في الثلاجة مثلا يقطعون سلطه ويغسلونها لكل اليوم
ويجيبون فيلية دجاج ويتبلونه ويشوون لهم حق وجبتين وثلاث والبقية يكون متبل وجاهز في الفريزر
والستيك وايضا لا تحرمين نفسك من شي لكن قللي من الاكل مو بطريقة مفجعة ترى كل وزن له حدود ولازم تنتبهين حسب وزنك يكون اكلك وقلليه شوي
وايش سالفة العمر !
تراك منت كبيرة
ولازم يكون هذا اسلوب حياتك لليوم وبكره وبعد سنه خليه اسلوب صحي بكره يجيك السكر والضغط واشياء اشد ولاعاد تقدرين ترجعين الساعة لورى
واذا عندك امكانيات مادية اشتركي في مثل دايت سنتر وغيره
خلي دايم عندك تفاح اخضر وورقيات مغسولة لو جعتي اكلي منها
اذا اشتهيتي بطاطس او شي يسمن سويه في النهار ولا تاكلينه في الليل وقللي الكمية وسويه في فيبلس اقصد البطاطس

لازم تروحي عند اخصائيه وتعطيك نظام وغ البدايه لازم تحاليل وعمرك لسى صغير وخلي معك عزيمه والله يوفقك

سوي رياضة وشيلي أثقال خفيفة والغي العشاء اشربي شاهي أخضر وقللي سكريات اولاتاكليها بالليل انا كذا رغم أني ماني شايفة نقصان لاكن المهم اني نضمت وضعي خاصة اني ماني موظفة وخايفة من جلستي فالبيت تكبرني بدري

حبيبتي انتي توك بعز شبابك وتقدري تسوين رجيم وتوصلين للوزن اللي تبينه
بس لازم يكون عندك عزيمه وما انصحك ابدا بالعمليات لان الرياضه راح تشد جسمك
وتخلي نفسيتك حلوه ولو عزمتي في 3او6شهور راح تشوفين نفسك انسانه ثانيه
نحفتي بإراتك ومن غير عمليات والله يوفقك