جزاك الله خير اختي

نصائح بالفعل مفيدة

تحياتي

يعطيك العافيه عندي سؤال

وش درجة الحراره المطلوبه لنضج الكيك ؟

انا احيناً اشوف الكيك انضجت لما ادخل عود اسنان او اي شي مثلا سكين علشان اتأكد القى انها لسا مابعد تنضج..واحينا اذا بغزتها بالسكين الانتفاخ يخفق على طوول؟؟ وش الاسباب؟؟

وبالنسبه للفانيلا..اذا ضفت مثلا بيض كثيرقولي مثلا 5 بيضات وحطيت فانيلا عن ريحة البيض احينا مايكفي لان تدرين ريحة البيض زفره ابي فانيلا قووي تخلي ريحة البيض تروح على طوول

يعني احينا اضيف فانيلا كثيير تخبز الكيك وطعمها يكون فيه زفاره تلووع الكبد
وش تنصحيني بأستخدام الفانيلا اقوى شي؟؟
انا سمعت باعواد الفانيلا يقولون قوي مره بس مايتحصل بالخليج ولا لبنان بأمريكا والدول الثانيه مدري ها الكلام صحيح والا لا؟؟ ويقولون ريحه قويه مره لدرجه لو تلمسينه تصير يدك ريحتها فانيلا

ويعطيك العافيه

بااااااااك عدت من جديد وعندي سؤال

ابي اعرف شلون اشيل الكيكه او التشيز كيك اذا عملتها بصينيه ذات قالب متحرك

لازم احط ورق البرشمان؟ قبل لا اسكب الكيكه او ارص البسكويت؟؟
واذا ماتواجد ذا الورق؟؟ اقدر استخدم القصدير؟

لان كذا مره اسوي شيز كيك او كيكه بصينيه ذات قالب متحرك وما اعرف شلون اشيلها

يعني ماتصير مثلكم كامله... والله اني انقهر...
ياليت تعلموني شلووون
بعدين فيه سؤال بالنسه لتشيز كيك المارس..اذا طحنت البسكويت البني واضفت له الزبده والسكر علشان ارصه بالصينيه...ابي اعرف السكر يكون مطحون؟؟ او سكر عادي؟؟

وسلامتك ياقمر..ادري اتعبتك بأسئلتي بس معليش تحمليني

هلا عزيزاتي أشكركم كلكم على المرور

عزيزتي أناناسة

كل كيكة لها درجة حرارة معينة .. بس معظم الكيك على درجة 350 .. مثل ما قتلج احيانا اطول و احيانا تقصر .. انتي لاحظيها بين فترة و فترة .. بس لا تفتحين باب الفرن خلال الربع ساعة الاولى .. و اذا اتأكدتي انها نضجت بعد ما غرزتي السكين ، لا اطلعينها على طول من الفرن .. خليها في الفرن عشر دقايق زيادة بعد ما اطفينه طبعا

بالنسبة للفانيلا انا استعمل النوع السائل .. أي نوع .. ما كنت ادري ان في نوع قوي و نوع خفيف .. يمكن انتي حساسة لريحة البيض .. انا بصراحة اتحسس من ريحة البيض اذا سويت الكريم كراميل .. عشان جي اكثر منه و اضيف بعد هيل .. ما اقدر اقولج ضيفي هيل للكيك بالاضافة للفانيلا ، يمكن تتغير نكهتها .. إذا بنكهة خاصة .. كثري من الفانيلا .. بس تحذري ان كثرة الفانيلا يمكن تسوي مرارة في الطعم

بالنسبة لورق الشمع او البرشمان مثل ما سميتيه .. طبعا لازم تحطينه قبل ما تسكبين عجينة الكيك او ترصين البسكوت .. اذا ما كان عندج تقدرين تستخدمين القصدير بس لازم تدهنينه

شو قصدج ما تصير الكيكة كاملة ؟ .. يعني تفتفت من تحت لانها لاصقة ؟ .. ترا اذا بطنتي القالب ان شاء الله ما بتفتفت .. انا احيانا ما ابطن قالب التشيز كيك ، بس بعد ما افتح القالب المحيط به ، احط سكين من تحت و احاول افتح اي التصاق

اما بالنسبة لكيكة المارس ، فالسكر الي بتستعملينه مع البسكوت هي سكر عادي و زبدة مذوبة طبعا

و نحن في الخدمة يا ست أناناسة .. إسإلي و بجاوبج على قد ما أقدر