عطيني سر من اسرار طبخك 💔

محد يبي يعطيني




اصلا عادي 🚶‍♀️🚶‍♀️

الله يسعدك يا ملك تعحبني رسائلك ..بس لي تعب عليك .على اللعن..

عشان يطلع الدجاج حلو وبدون ويحه انقعه بخل وملح خشن الوقت اللي ابيه ...


الثوم يخرب الاكل ..ويصير للاكل كنهه مو طبيعيه 😖...


المرق او الايدام ... اذا استوى وفيه ماي قصري النار عليه عشان يثخن ويصير رايب ويعطي طعم لذيذ....

اذا سويتي صينيه خضار بعد ماتكبي الطماطم عليها كبي فوق الطماطم شوي خل ابيض
يخليها ناطعه

افضل موضوع قريته بعالم حواء من دخلنا ٢٠١٩ 👍🏼👍🏼☺️
انا غالبا اتدرب على اي اكله جديده وغالبا التدريب اسويه و زوجي وعيالي نايمين او الصباح وهم بالدوام .. واتدرب على كميه جدا جدا قليييله بس يدوب اجربها لحالي .. واطبق الاكله اكثر من مره وكل ما اسويها اكتشف خطأ واتجنبه المره الجايه لييين تضبط معي .. واذا جت مناسبه ااسويها وتكون مضبوطه ميه بالميه .. مثلا الكليجه كنا نشتريها جاهزه مستحيل انا او اهلي او اهل زوجي نسويها ..تدربت عليها كثييير لين اتقنتها وطلعتها لعيالي و زوجي مع القهوه وسألو قالو مين ارسل هالكليجه قلت لا هذي انا مسويتها عجبتهم صراحه وماعاد نشتريها جاهزه إلا نادرا لان تدرب لو اني سويتها اول مره و طلعتها ما كان بتطلع حلوه و بنحرج وماعاد اسويها ثاني
والسر الثاني اني اشوف اكثر من مقطع للأكله في اليوتيوب من اكثر من طباخه و طباخ مثلا الورق عنب على سبيل المثال اشوف ثلاث او اربع مقاطع لان كل طباخ و كل طباخه لها لمستها الخاصه مثلا وحده تعتمد الدبس وحده تعتمد التمر الهندي و حده تضيف قطعة لحمه و حده تنثر ثوم مع الورق عنب.. وانا اللي علي اشوف اكثر من طريقه واطبقها كلللها في وصفه وحده مره وحده بطريقه معتدله و موزونه .. افضل من انك تعتمدين طريقه و حده ونكهه وحده
وبس والله هذا اللي في بالي 👍🏼👍🏼☺️