العفو حبيبة قلبي والله حاسة فيج و عارفة اللي انت تعانين منه...والله يعينج...بس البعيد حبيب! و كل ماخففتي من شوفتها كان افضل لج...والصراحة انا متخوفة تدخلينها بيتج...ممكن تسويلج شيء او تسوي حق ريلج؟ ترى الحريم بلاويهم واااايد و بعضهم مايخافون الله....و السحر و العين و الحسد مذكورين بالقرآن..المهم يالغالية ديري بالج على زوجج و اعيالج و الأهم ديري بالج على نفسج يالغلا....

الواثقة من نفسها
موضوع الصورة قلتي خطير....

وتصدقين يوم زوجي كان واقف عندها وأنا بفستاني
بالغرفه كنت أفكر بموضوع انها كانت تصورني وكان شاغل
بالي هالموضوع..... وأقول في بالي يا ربي هذي (الله يهديها)
ما تنبهت لنفسها من ناحية لبسها اقصد فستانها مفتوح ونص
شعرها طالع قدام ولد اخو زوجها؟!! يعني ما حافظت على نفسها
كيف بتحافظ على صوري!!! وتوقعت انها بتوري الصور ريال
سبحان الله ياني إحساس...... مش لأنها حقودة بس لأني حسيتها
ما تشوف هالشي غلط لأنها لو حاسبته غلط كانت طبقته على نفسها!!
وأنا اقول يا رب يهديها وينبهها إذا هي غافله او مستهونه بأمر انها
تنكشف قدام ريال ....


لكن تعرفين اللحين وشو أكبر خوفي!!!!

بقولج سالفه غريبة صارت لأختي .. في صورة لوحده أجنبيه
يستخدمونها حق كروت ويكتبون عليها قصايد من هالصور عرفتي
والله يوم شفتها لو اني ما اعرف انه مستحيل تكون اختي كان قلت
هذي هي مصورة!!!!!!!! شبه غير طبيعي سبحان اللي خلق!!!!!!

المهم يوم شفت الصورة حطيتها على سطح المكتب بشوف ردود افعال
أهلي وكيف الشبه!! يوم شافتها الوالده عصبت علينا وانتووووووو كيف
تحطون صوركم في الكمبيوتر وليش أختج مصورة جذيه عاري؟؟؟؟؟؟

شوفي لأي درجة انها امها ما فرقت بينها وبين بنتها!!!!

المهم بعد فترة طويلة سنة يتني مكالمة من وحده من جماعتنا تقولي
ألحقي بنت عمي تقول شافت صورة اختج في جهاز أخوها!!!
وهي متصله على أساس انها مقتنعه انها اختي وتبغي تنبهنا
على بالها انه الصورة سارقها هكر أو انه ولد عمها هكر أو شي!!!!

أختبصت يومين وقعدت اسأل اختي انتي صورتي مره وحطيتيها في
الكمبيوتر واختي تقول لا؟؟؟؟؟؟ بعد ما وصفولي كيف قاعده بالصورة
ووشو لابسه .. تعالي عاد لين تذكرت هذيك الصورة ...
عاد تعالي قوليلهم هذي أجنبيه!!! لين اقتنعوا خذوا وقت
والله يعلم اقتنعوا ولا لا بعد!!


انا أقول يا ربي لاتحاسبني ان كان ورت صوري لريال بعد غير زوجها

لكن تعالي لو ورتها واحد من اخوانها وقالها هذي؟؟؟ اعرفها وحده
كنت اشوفها كل خميس في الكوفي الفلاني شيشة وراعية شباب!!!!
يعني لو شبه علي بوحده صايعه؟ أو قال هذي كنت أكلمها وطالعه عندي؟؟؟؟؟

كل شي الواحد يتوقعه في هالزمان

أنا اعرف نفسي وواثقه من نفسي لكن بعد مابغي سمعتي تنمس
حتى لو بظلم مع اني ادري ربي ما بيعرضني لأي من هالأمور إلا
كان كاتبلي أجر !!!؟؟

استبعد هالأفكار لكن ألف فكرة تطلع..

هي مصورتني ديجيتال!!! وعلى أساس بتحطهم على الكمبيوتر
يعني دش هكر وخذ صوري ووزعها!! قامت وحده شافتها واستخدمتها
على أنها صورتها ..... وصلت الصورة لواحد من أهلي؟ وعلى أساس اني
أنا اللي كلمته أو كذا؟؟؟؟؟؟ ووووووووووايد أمور ومخاطر وايد..

أحس احيان اني مينونه أفكر بكل هالسوداوية لكني تعلمت في حياتي
انه كل شي ممكن والواحد إذا ما حافظ على نفسه لايستغرب أي شي
يصير..

أنا واعيه بهالمخاطر اللي قلتي عليها...

وأحيان اقول ودي ازورها عشان اقعد معاها اسولف عن العرس
اجس النبض وأبين لها انه مافي شي بخاطري يمكن اعرف هل
هي لغت الصور أو لا..... على كلام زوجها انهم زعلوا ولغوها
وقالوا كيفكم دام ما تبونا نحتفظ فيهم ذكرى!!!!!! بس الله العالم

نورالكويتيه

والله انا قمت ألمح لزوجي.. يعني امس قاعدين وقلتله
عن موقف صار بيني وبينها يبته بأسلوب اني مب متفقه
معاها (وقلتله كنت برد عليها بعدين قلت يالله شبغي فيها)
أبغي احسسه اني انا تراني ساكته للحين عن استفزازاتها
وأبغيه بنفسه يقول بعدين الأفضل اني ما اطالبها تروح هناك
عشان لاتصير مشاكل...

مشكورة على ردج والله ما تتصورون بنات شكثر مفيد اني
اسمع آراءكم ........ احيان الإنسان يقعد يوسوس بروحه
يخاف يكون غلط

وأنا مابغي في يوم ايي جذيه منيه والدرب واقول لزوجي آسفه
مابغي اروح لها .. لأنه للأمانه مب مقصر معاي بشي ولا ودي
في يوم ايي مني تقصير تجاهه او حتى يدور في باله اني مب وجبه
منه.. لأنه يمكن يعتبرها تقصير في حقه هو وأني مب قادره اتحمل
عشان خاطره

كملي

معقولة؟؟؟؟؟؟؟ لاحول ولاقوة الا بالله سالفة الكرت تخوف الله يستر عليكم وعلينا
وعلى جميع بنات المسلمين