اكتملت الصوره...

حبيبتي ,,,مرت عم زوجج ,,,راعية سوالف وحكي ولا انت لاقيه من وراها الا المشاكل ,,,وصدقيني زوجج عارفها زين ما زين عشان جذي انحاش من اختها

انت مره عاقل والله انج ما تحتاجينا رايج سديد وتحلين مشاكلج ومواقفج كلها عقلانيه الله يعافيج علىها الصبر اللي عندج ,,وزوجج مثلج الله يوفقكم ,,,,,

زعلانه ليش ,,,على سالفة الصوره ؟؟مهما كان هذا عمه ويدري انه مومطلع الصوره بره بس الخوف من السوسه اللي عنده حس باحراج منج من موقف اهله طبعا هذا تصرف مشين وما يبيج تمسكين عيه شئ تعايرينه فيه ,,,انتو بعدكم بفترة المجاملات ,,

وصدقيني مواقفج هذي العقلانيه ما راح ينساها زوجج وبكبر مقامج عنده ,,

اللي عليج انج تفهمين زوجج ان هالانسانه راعية مشاكل انت في غنى عنها ,,ولا انت مرتاحه لها وقولي له اتمنى هالشئ ما يأثر على علاقتك بعمك,,وانا كل اللي بيني وبينها سلام عليكم ...

ويا ليت تكشتين فيها لا تعطينها مجال تقول فيه روحــــــــ لك ــــــي قالت وفعلت ....توقعي منها الغير متوقع

والقهر قطيه ورى ظهرج هذي انسانه ما تستحق انج تضيعين وقتج عليها وحتى تفكرين فيها
ابتعدي قد ما تقدرين !!!!


:39:

الله يكون بعونج

اول شي الصور ترجع يعني ترجع مافيها كلام
ثانيا انتي مو ملزومه فيها رحم ولازم تو صلينها هذي حتى مو قريبة العايله الا دخيله عليهم جات بالقوه اش لك فيها الله العالم اش في خاطرها مالك دعوه فيها زوجك يبغى عمه قدامه ام انتي لك باهله اللي هم امه وابوه واخواته وبس غيرهم لاحد يهمك وهذي اولهم
انتي استردي صورك منها ولا ردت يصير خير

بصراحة انا ضغطي انخفض وانا اقراة كلامك
كيف انتي
الله يكون بعونك
هذه يبيلها احد يوقفها عند حدها

ام رناد_رتاج

مشكورة لأنج رديتي تتابعين موضوعي..

أنا هذا اللي أحاول أسويه .. من بداية القصه قلتله انت وعمك ريايل ومن هالكلام
ومالكم في سوالفنا الحريم!! ولاتخلي شي يأثر عليكم .. إلخ..

بس من يومها ما اييب طاريهم.. المشكلة ما احس انه زوجي شايف الموضوع
مثل ما انا شايفته .. ولاودي اوضح له الصورة وأقعد اقرق في سوالفهم وسوو
كذا وعملوا كذا وقصدهم كذا ...

وربي البارح كنت بنبط وبقوله عمك اللي انت تبينا نفزع له وهو كل اسبوعين
ياي هني ولا فكر يمر عليك!! عمك لو هو مسوي لك قدر واحترام ما فتح
صور مرتك وطالعهم وهي متكشفه!!!.. لكن بعدين خزيت بليس.. وقلت في بالي
اخاف باجر حد من اهلي يسوي شي وايي يعايرني فيهم تراها تذبح سالفة المعايير
.

أنا دامهم بعيد ماعلي بس احس انه إهانه اني اقط ويهي واروح لهم بعد اللي صار
ومب عارفه كيف كل مره اتعذر لزوجي من غير ما أقوله اني مابيهم بحياتي
مع اني قلتله اول أيام الزواج مابي هالإنسانه تدش حياتنا لأنها من أولها
دشتها وسوتها شوشره.. واقتنع بس من تراضوا هو وعمه ... أحسه مادري شقايله
ووايد يحاول يرضيه!!!!!

حبيبة قلبي اشلونج؟ حبيت أقولج يالغلا..خليها تولي و السما ما يهمها نبح الكلاب!

دلوعته:27: