عمري 17 ووزني 107

ي حبيبتي حرام يضيع عمرك لاثقه بنفسك ولا طلعات ولا كشخات توك صغيره خلك من الرجيم هو اللي يخليك تخربينها خصصي لك صحن مقسم او صحن صغير خذي من اكل البيت غدا او عشاء وزيدي سلطه او زبادي او طماطم مقطع او مطحون وبكذا ماتحرمين نفسك وحاولي تمشين او تسوين رياضه يوميا الله ينحفك من غير ضر

الحل

رجيم+ مشي

مافي حل ابا غير هالحل

انتي قرري تبين تكونين رشيقه وجميله

او سمينه وفي المستقبل لا سمح الله ضغط وقلب وسكري

الهدف من الضعف الصحه قبل الرشاقه والجمال والبس خلي بالج على صحج:(

ليش يا قلبي حارمة نفسك الخرجه و الاختلاط بالناس

بما انو عندك العزيمة تنحفي ابدئي بالتخفيف
غيري نظام أكلك استبدلي الزيوت الدسمة بزيت الزيتون
الرز قاطعيه أو كلي منه أربع ملاعق أو استبدليه بالاسمر
الخبز الابيض ألغيه من حياتك استبدليه بالخبز الاسمر النخاله أو البر
الحليب و الأجبان اشتريها قليلة الدسم
اقرئي عن مواضيع الدايت لين توصلي للنظام الي يناسبك و ترتاحي له
خصصي يوميا ساعه للمشي و نصف ساعه تمارين و لاتقسي على نفسك في البداية زيدي بالتدريج



اذا احتجتي تستفسري عن أي شي يخص الريجيم اكتبي أسئلتك و بتلاقي أخوات لك في الله يبغو يساعدوكي

حبيبتي انت صغيرة والوزن لو اتبعت طريقة صحية بينزل اسرع لان عمرك صغير اتبعي نظام نقاط ابحث في المنتدى وبتلقي معلومات عنه
الشئ الثاني لازم تروحي المدرسة لانك غصبا عنك حتتحرك في المدرسة وده يعتبر رياضة وفي المساء تمشي ساعة وترى المذاكرة ايضا سبب في نزول الوزن بس اهم شيء ابتعدي عن البيبسي والشبس والنشويات خففي
وللعلم انا كنت مثلك بالضبط لكن كان الحمدلله عندي صحبات ما كنت ابدلهم بالذهب والالماس يا رب تلقي صحبات زيهم تقبلي مروري والله ينحفنا من غير شر

انا متأكده انك راح تنحفي لكن مش 3 أيام وتقولين مانزل الوزن هذا شي غلط
- اول شي خذي وزنك على معده خاليه اول ماتصحين من النوم وتخلصين الحمام الله يكرم الجميع ، واوعدي نفسك ماتوقفين على الميزان لمدة اسبوع او 10 أيام بعدين جربي اوزني.
وخلي هدفك كل اسبوع ينزل كيلو على الاقل واذا مشيتي على كلامي راح ينزل وزنك بإذن الله

- ثاني شي خذي قرار انك تزيدين حركتك ونشاطك سواء في البيت ( رقص تمارين مشي واليوتيوب مليان فيديوهات) او مشاوير (كل حركه تخليك تحرقين).

- ثالث شي وهو الاهم الاكل :

ماراح اقول احرمي نفسك ولا تاكلين وجوعي نفسك لان هذا الشي اكبر غلط تطيح فيه البنات ، كلي كل شي لكن بعقل ونوعيه وكميه تذكري هالكلمتين (نوعيه + كميه )

كلي من اكل البيت فطور غدا وعشا ( لكن )
(الكمية) سواء رز او خبز او بطاطس او مكرونه ....الخ تكون نص الكميه اللي كنتي تاكلينها قبل
(النوعيه) يكون الاكل سواء رز او خبز او مكرونه او بطاطس ....الخ بدون زيوت او دهون
واللحوم والدجاج والسمك و الروبيان يكون مشوي بدون جلد او شحم بالفرن بدون دهون بس صينيه مدهونه خفيف
والخضار بكافة انواعها اما مشويه بالفرن او ايدام مع صلصة طماطم او مرق بدون دهون او (ملعقه او نصها ) زيت

- الحليب والاجبان والزبادي اختاري قليل الدسم

- الشوكلاتات والحلويات والشبسات كميه صغيره مره او مرتين بالاسبوع .

- العصاير اختاري طازج لان المعلب مليان سكر

- اهم نقطه : ( السلطه خس او ملفوف وطماطم وخيار شي اساسي ورئيسي مع الغداء والعشاء ) السبب مايسمن ويخليك تشبعين ويعبي معدتك وماتاكلين كثير .

- بين الوجبات اذا حسيتي بالجوع خذي سلطه او خيار مع طماطم او فاكهه .

- ولا تجلسين فاضيه كذا لان الفراغ يخليك تاكلين عشان الطفش والنفسيه دمار حاولي تشغلين نفسك بترتيب اي شي او اطلعي مع اهلك .

- اقرأي وتثقفي عن السعرات الحراريه في المأكولات هذا الشي بيساعدك تعبين وقت الفراغ وتعرفين تختارين الاكل اللي مايسمن .

وفي اليوم مايزيد مجموع سعراتك اللي اكلتيها عن 1200 سعره حراريه

الله يوفقك