bint-najd9
bint-najd9
موضوعك حلو ومش حلو يقلب المواجع ,,,,ترى الكل متوجع متوجع حتى النخاع ,,,

يمكن احنا صرنا حساسين بحكم قلة اختلاطنا بالناس وا لأقارب ,,,,وماعاد نتحمل اي حركه او موقف

أنا اتكلم بعد عن نفسي صرنا نراقب ونتابع صرنا نقول ليش مايهتمون فينا واحنا جايين من غربه ليش مايتكلمون كثير معنا واحنا ندور احد نهذرمعه الين نقول بس ,,,,,

الله يرحم حالنا وضعفنا يارب ويصبرنا
ونلقى الاحبه
ونلقى الاحبه
السلام عليكم ورحمه الله وبركاته:
كل شي يا الطيبه يتغير ... وسبحان الذي لا يتغير!
اذكر لما رجعت من امريكا بعد غربه ثلاث سنوات لقيت الناس تغيرت...وانا تغيرت.
بالنسبه لبقيه الناس غير اهلي من الصديقات والاقارب كنت ملهوفه وتوقعت اني الاقيهم ولهانين علي ...لكني لقيت برود صدمني او على الاقل ما كان الترحاب على قدر الغيبه!!
بعدين صرت افهم ليش ... انا كنت في امريكا ... وبعض الناس صار ينظر لي اني من كوكب اخر ... صار في الموضوع غيره وحسد... يتجنبوك لانك في نظرهم فووووق و حصلت على فرصه يحلموا فيها لو يومين في السنه.
بالاول كانوا يتكلموا عن الغربه بسلبيه مبالغه وانهم في نعيم انهم في ارض الوطن... بس شوفي لو قال لها زوجها يالله نروح اي دوله... تلاقيها ما تصك حلقها من الفشخره ....لكن اللي مغتربه حصلت- في نظرهم على اللي لا يمكن يحصلوا عليه.
لا يغرك لو الناس ابدت لك تعاطف في البلد... وقالت عنك مسكينه مغتربه...تري الناس برضه فيهم حسد واللي ما يطول العنب يقول عنه حامض.
بالنسبه لحالتك تعتبرخاصه لانها زوجه اب !! عاد انت ساكنه في بلاد برا...تحسبي هذا هين...
ترى مهما نقول من معاناه للناس لا يمكن تفهم الا شي واحد اننا في امريكا او بريطانيا اللي في بالهم... وهات يا نق ....
كوني فخوره بنفسك ولا عليك من احد .... والناس والله تتغير ... ما صارت الناس اللي خبرك كل انشغل في حاله...عن تجربه!
مغتربه بكيييفي
والله كلام في الصميم
بصراحه ردود البنات كلها حلوه وتشرح الوضع الحالي هههههههههههه
الوضع الي نمرفيه مثل ما قالت اختي ونلقى الاحبه الوضع فيه غيره وحسد وحزن على حالك
ومانتي عارفه ايش كمان
بالنسبه لروحتك الاولي تكوني متحمسه وعلى بالك الناس مثل ماهي بس لمن تروحي وتنصدمي بالتغيير شي ثاني
وبصراحه انا اول مره رحت كنت مشتاقه للرجعه بس يوم رجعت وشفت الاوضاع مره اتازمت جاني احباط
بس في المره الثانيه يوم قالي زوجي فيه شغل مره ثانيه بنسافر للندن قلت في قلبي زين الحمد لله

والله مو على شين ما ابغى بلدي ولا على شين اني ابغى اتفشخر بس بصدق ما ارتحت يوم رجعت
وانا رجعت اول الوقت عند اهلي واهله بس كم اسبوع وبعدين رجعنا بيتنا وجلست في بيتي تقريبا سنه قبل السفره الثانيه بس ما تتخيلين كيف مرت هذي السنه من ملل وطفش وعدم انسجام مع الناس واحس نفسي متغيره وحاسه ان الكل موفاهمني واني غريبه حتى وانا في بيتي وماتني قادره اكون علاقات وكل الي اعرفهم مشغولين في دنيتهم

ودايم تقلي امي تبغين الناس على كيفك اقلها لا بس ماابغى اشوف التغيير للاسوا مافي زيارات ولا اتصال اعوذ بالله مو لدي الدرجه المشاغل
يوم قلي بنروح مشروع وشغل مره ثانيه فرحت ولميت عفشي في اقل من 6 ايام ماحد يصدق اني لميت عفش بيت كامل في دي المده بس من الفرحه اني بروح بنسافر بهذي السرعه والفيز اتيسرت سبحان الله ومشينا بسرعه

سبحان الله انا برا صرت اقدر اكون علاقات وامشي حالي بس في بيتي وبلدي مع الاسف ما ادري ليش ويوم رجعت لامريكا هذي المره على قولك كانها بيتي شي غريب

الله يعنننا على اللي نمر فيه ويصبرنا اذا رجعنا

مغتربه بكيييفي
ونلقى الاحبه
ونلقى الاحبه
الاخت العزيزه مغتربه بكيفي:
فعلا الناس فيها غيره وحسد على اللي تعيش برا على بالهم انها في النعيم ولا يمكن يفهموا غير كذا...ولو فهمتيهم تشمتوا ومسكوها عليك !!
بس انا لما قلت يحزنوا على حالك ما اقصد انهم فعلا حزنانين لكن يحاولوا انهم يقنعوا انفسهم بهذا الكلام حسدا من عند انفسهم وعشان الهجوم افضل وسيله للدفاع!!مساكين!!
أم دحومي الحلو
لا يمكنك مشاهدة هذا التعليق لانتهاكه شروط الاستخدام.
الله يعينا وياكم

بنات ما أدري ليه .. ما أقدر أتخيل ان فيه أحد يغار مني على غربتي !؟

على اني سمعت هالكلمة أكثر من مرة .. هنا في الملتقى ..

بس من جد أحس كل اللي حولي متعاطفين معي ومع أهلي ..

ما أعتقد ان مشاعرهم تمثيل أو يخفون اللي في قلبوهم ..

يعني وضحوا وشلون تصير تصرفاتهم .. وكلامهم ..؟