غرفه اختي

انا عند اهلي هاجه من الزوج اطيح بالاخت انضف غرفه اختي الصغيره اللي انام انا وعيالي بغرفتها وانظف يومياً واكنس ويجي نمل اثريه يطلع من غرفه اختي الوسطى مطلقه وعندها بنت وولد لكن وصخه ورفلا وهاوشتها اصور لها هي النمل متجمع على اكل بغرفتها واكل معفن بصحون والارض كلها ملابس وجزم وزبايل ماهي طبيعيه الضاهر جن اللي مخليها كذا وفوقها صلاه ماتصلي مادري كيف تقدر تطلع وتروح وتجي بدون ماتصلي دليل انه جن اللي مخلي غرفتها كذا القرني يقول لاتخلي ملابس طايحه بالارض وهاذي الغرفه كلها عفن واكل له شهر واخذت شغالتي وانظف غرفتها كيس جمعت الشرابات وكيسين الملابس الوصخه وكيس بلديه هي حاطه فيه ملابس وصخه واشيل اللي بالارض واملاه ساعه انا وشغالتي ولاقضينا والارض يبيلها مكناسه كهرب وجت مطرطعه اطلعي من غرفتي قلت غرفتك وصخه النمل يسري للغرفه الثاني وللحمام قالت انا انظفها قلت معفنه لها اكثر من شهر منتي طبيعيه ولاانتي مره يبي لك قرايه المهم طلعت ورحت انظف غرفه اخوي الثانيه لان عيالي الكبار ينامون عنده رجعت لغرفه اختي الصغيره اللي نقعد بها وننام فيها لقيتها شايله التلفزيون حقها قلت وش دخل العيال تاخذين التلفزيون عنهم مريضه انتي والله ان مارجعتي التلفزيون لهم لاتكلميني ولااكلمك ليوم الدين ورحت اكمل تنظيف ومارجعته من القعاطه والبخل عيالي ناقدين عليها اللي بالثانوي واللي بالمتوسط بدال لاتونسهم ويذكرون خالتهم بالخير كذا تعاملهم المهم اني خنقتني العبره لاحول لي زوجي المريض مصروف اتونس بس دامني بالمدينه حوال الف وراحت على المشغل والزواجات يبيني اطلبه لكن لو يموت ماطلبه يحس بجنون العظمه لاحس اني بحاجته جاب اغراض للمطبخ على مزاجه وخلاص نيته مانحتاج شي طيب انا ابي اتمشى عياله يبون يتمشون ضايقتن به يطلبونه فلوس يقول اللي مايسلمون علي مالهم شي ماني صرافه لكم بالله ذا رد اب كريم قلت لولدي قله اذا ماطلبناك من نطلب قال اطلبو بس سلمو اسالو عن ابوكم المفروض العكس حول لهم ٥٠٠ قسموها بينهم ويقولون يمه نبي نطلع ماتكفي قلت الشكوى لله احاول اشتغل انا اسر منتجه وانا عند اهلي المهم ضايقتن بي وهاذي ضيقتها علي باخذها للتلفزيون وش يقعدون عليه حشر مافي تلفزيون بالبيت الا تلفزيونها بس اللي يجرح ليه تسوين كذا انا ماني جالسه طواله وبنفس الوقت تدري بالضغط النفسي اللي انا والعيال فيه بس كذا بخل وحسد كلهن واحاول اقوي نفسي واخفي دمعتي ولاادري وش اسوي انا ارجع بعد الاجازه انا ارفع دعوى فسخ احترت وتعبت ولاادري منين القاها