غلطت على اخوي بكلمة (ديـو.....)

السلام عليكم ورحمة الله
كيفكم يا بنات حواء الي احبكم من كل قلبي وتعلمت منكم اشياء واستفدت منكم كثير في قسم تاخر الحمل بس هذا اول موضوع لي في هالاقسم وابغى العاقلات يعطوني رأيهم وحلولهم تعبت من الهم


انا يابنات متزوجة من فترة والحمدلله مستقرة مع زوجي فيه مشاكل بسيطة بس تروح بسرعه وماديتنا اللهم لك الحمد كويسه مستورين في بيت ملك ماشاءالله تبارك الله وبيننا محبه من الطرفين
مشكلتي ما ارضى على زوجي مثقال شعره احد يغلط عليه ومشكلته هو عنيد وعصبي بس حنون يرجع بسرعه وكريم معي وعادل ويعطيني مصروف شهري ويخليني اسافر مع اهلي اذا سافروا وانام عندهم عادي ما يقول شي
بس اهلي يكرهونه مدري ليش هو إنسان رسمي مع الكل فما دخل في اهلي مره معاهم رسمي شوي بس مو سبب يخليهم يكرهونه محترم جدا جدا جدا
صار ت السالفة لما امي وابوي سافروا الاسبوع جدي ابو امي كان مريض وأبوي يحتاج أوراق من المحكمة كلها بنفس المنطقه الي سافروا لها فراحوا عشان يسلمون ع جدي ويخلصون أوراق المحكمة وبقت في البيت اختي المراهقه مع اخواني اثنين اكبر منها بس تعرفون شباب مايقعدون بالبيت لازم احد يجلس معها واضطريت اترك زوجي اسبوع كامل واروح اجلس معها
زوجي تضايق مره بس ما منعني من اني اروح بس تضايق يقول ليش خلوها وحدها ليه ما رتبوا وقتهم واخد يروح ويرجع وبعده يروح الثاني بس فهمته وشرحت له انها ظروف وكذا وملكان قدروا يروحون واحد واحد ف مشيها وخلني اجلس مع اختي هالأسبوع
مع ان وربي ماودي مررره انا افقد بيتي بسرعه وحياتي حتى لو هي اسبوع بس ما احب ابعد عن بيتي كثير الا بصحبة زوجي
بس الظروف تحكم
آلمهم يا طويلات العمر جلست مع اختي واخواني الاثنين اسبوع وارتب لهم البيت واجهز لهم غدا كل مارجعوا من دواماتهم واحد من اخواني متزوج وزوجته والد ونفاس عند اَهلها وكنا مره طالعين انا وياه وأختي رحنا تمشينا وتعشينا وانا متعوده انا وزوجي لما اطلع اي مكان مع اهلي لازم اقول له وين اروح ومتعايشين مع هالشي من سنين وهو يقول لي كمان وين يروح وبالعكس مايمنعني يخليني اروح بس اهم شي عنده علم فلما اخوي شافني أراسل زوجي هو جالس جنبي ف السياره ف انتبه وش كتبت
عصصبب وقال ليش تعلمينه يعني مو واثق في اخوك وين بوديك يعني!
قلت لا واثق بس هو بيطمن علي وكدا واحنا متعودين ع هالشي اصلا وعادي بيننا بالعكس انا افرح لما يهتم
سكت اخوي ماقال شي
لما جا من بكرا رجعوا اهلي من السفر وكنت مجهزة عشاء وحلا وسلطة ومرتبه البيت ومبخره وغسلت الحوش وكل كل شي عشان استقبل اهلي وكلها لوحدي مافيه شغالة وأختي ماتعرف اي شي ف البيت معاملينها كأنها لِسَّه طفله
المهم
جاو وتعشوا وجلسنا تقهوينا وسولفنا طلع ابوي ينام وكانوا اخواني بيطلعوا امي منعتهم قالت اجلسوا ابغى تتكلمو مع اختكم الي هي انا
قالوا ايوه انتي ليش زوجك يتحكم فيك وين تروحين ووين تجين حتى مع اهلك قلت من حقه اشبكم عليه كذا قالو لا احنا اخوانك ولازم ما يسألك لما تروحي مع اخوانك قلت انا راضيه يسألني انتو ايش دخلكم بين اثنين متراضين ؟
قام اخوي الي متزوج يغلط علي قال اصلا زوجك مايصرف عليك وإنتي ما تتكلمي واحنا عارفين كل شي
وانا يابنات ورب البيت ما يقصر معاي مثقال شعره يعطني مصروف 500 ريال كل شهر صح قليله بس انا مو متطلبه تكفيني وزيادة يجي نهايه الشهر باقي منها 80 ريال وأحيانا يبقى 100 يعني تكفيني ولا عمري اشتكيت لهم من زوجي او انه مايصرف
وانا من زمان صرت البس عبايه محتشمهتك ونقابي محتشم وصرت أتستر اكثر من قبل زوجي اعانني ع هالشي وبالعكس تقبلت وساعدني اقرب من ربي اكثر
جا اخوي قال انتي اصلا خشمك مدقوق في الارض ولا تتكلمي ويقولها بصراخ صرخت فيه انا قلت انا ماشكيتك خلك في مشاكلك وبيتك افضل لك من تتدخل في بيت اختك !!
انا زعلت وعصبت مره وقمت طلعت من الغرفه راح يقول اصلا حتى عبايتك كانك شيشانيه يقصد اني متستره يتريق فيني يا بنات
وهو زوجته تلبس عبايات ضيقه وملونه ويبغاني أصير مثلها
قلت يعني تبغاني أصير مثل زوجتك فلأنه !! قال ايوه صيري مثلها عشان هيه حره مو مثلك
قلت لا انت اسمح لي ديـو.... ماعندك غيرة ولا حشيمه تتريق في حشمة اختك بدال ما ترفع رأسك


وقام ضربني بقوة على ظهري وكتفي يابنات كل ظهري رضوض وكدمات قمت كلمت زوجي وانا ابكي قلت تعال خذني بسرعه
جا اخذني ويسألني وش فيك ماعلمته وأصر اعلمه ورفضت ايش اقول بالله!
لما وصلت البيت فكيت العبايه شاف ظهري وعصب صرخ فيني مين ضربكك كذا!!
وربي ما تحملت وأنهرت علمته بكل شي راح اتصل ع امي قال ليه يمد يده ع زوجتي بالشكل هذا قالت امي عادي اخوها وهي غلطت عليه بكلمتها قال بس هو يتريق عليها في حشمتها ودينها ومحافظتهاوالكلمه الي قالتها هي تصف حال عديم الغيرة على اخته


يا بنات وش رأيكم في تدخل اهلي في حياتي بهالشكل هل يحق لهم هالشي احسه من التخبيب انتو تشوفونه كذا ولا انا زعلي اعماني
انا عايشه بسلام مع زوجي وحياتنا شبه مثاليه مشاءالله تبارك الله اللهم الذرية ربي ما رزقنا بس بشكل عام مستقرين اهلي ليش يتدخلون كذا
الحين امي زعلانه مني تقول ما أكلمك ولا ارضى عليك لما تتسامحين من اخوك وتجين البيت تعتذرين منه مع انه اهانني قدام الجميع وانا ماقصرت معاهم كلهم واقفه معاهم في كل موقف ولا أتدخل في حياة اخد مسالمه درجة أولى ليش يسوون معي كذا
الصح مع مين والخطأ من مين
زوجي مصدوم يقول يشهد الله ماعمري كنيت ل اهلك الا الاحترام ليش يعاملوني كذا ليش يكرهوني
المشكله اول ما تزوجت كانت امي تقول لي لا تورين زوجت اخوك الي قدم لك زوجك من الشبكة والهدايا لانها كانت جدا فخمه عشان ماتطلب اخوك وتكلف عليه فوق طاقته
زوجي كريم معي ما يرد لُي طلب بس فارق العمر بيبنا كبير شوي هو 35 وانا 24 هم يفكرون انه يتحكم فيني بس انا مبسوطه معاه ما حسّيت مثقال شعره بالي يشوفونه هم ليش يبغون يخربون حياتي
وعلى فكره ماعندهم مشكله لو اتطلق عادي عندهم
تعبت يا بنات صوروا علي وأسفه ع الاطاله