don :

القائمة ال 23 شعيرية بالكبدة - - الكبدة بالردة او الكبدة المحمرة - بزنجان وفلفل مقلى بالخل والثوم شعيرية بالكبدة ½ كيلو شعيرية – 200 ج كبدة – 4معالق زيت – 200 ج لوز- ملح – فلفل الطريقة نضع زيت كتير فى حله على النار ثمنضع الشعيرية لحد ماتحمر ثم نصفيها من الزيت الزايد ثم نضعها فى حلة وعليها ماء لحدما تستوى وتبقى مفلفلة. نتبل الكبدة بملح وفلفل ثم اشوحها فى الزيت لحد ماتحمر خالصثم اقطعها بالسكينة شرائح متوسطة . اسلق اللوز واحمره . اضع فى مقلاية شوية زيتواحمر فيها بصلة مفرومة ثم اضع اللوز وشرائح الكبدة وشوية كسبرة خضراء مقطعين صغيرواقلب اقلب لحد ما يتجانسوا مع بعض كويس. اغرف الشعيرية فى طبق التقديم واضع عليهاخليط الكبدة اللى بالكسبرة وبالهنا والشفا الكبدة بالردة المقادير : كيلو كبدة شرائحرأس توم مفرومة ناعم جدا - ملح -فلفل - نصف ملعقة صغيرة كمون - 2 ملعقة كبيرة كزبرة ناعمة -2 كوب ردة ناعمة + نص كوب دقيق – ( تخلطيهم مع بعض ( زيت للقلىالطريقةتبلى الكبدة و ضعى عليها و الملح و الفلفل و التوم و الكزبرة و الكمون و قلبيهم كويس وحطيها فى الثلاجة تقريبا ساعتين علشان تشرب من كل التتبيلة كويس طلعيها من الثلاجة و سخنى الزيت نضع شريحة شريحة فى خليط الردة بالدقيق و اضغطى عليها با يدك كويس من الناحيتينو ضعيها فى الزيت لحد ما تحمر من الناحيتين بس خلى بالك الكبدة اساسا بتستوى بسرعة يعنى ما تسبيهاش على النار دى يادوب بتاخد ثوانى طلعيها من المقلاية و بالهنا و الشفا ملحوظة لو عاوزة الكبدة مشوية تعملى كل اللى عملناة عادى لحد مت تخرجيها من الثلاجة و بعدين تشويهاملحوظة : بالنسبة للردة اللى هيا بنشوى بيها السمك ممكن تشتريها من اى فرن عيش بلدى او بقيت متوفرة فى عبوات فى السوبر ماركت الكبدة المحمرة المقادير: نص كيلو كبدة _ملح _فلفل _عصير ليمون _ سمن للتحمير الطريقة: تغسلى الكبدة كويس . تقطع الكبدة شرائح و تبليها بالملح و الفلفل وعصير الليمون و سيبيها شوية فى التتبيلة . نضع السمن فى مقلاية ولما تقدح احمر الكبدة الاول مرة على الوش الاول و مرة على الوش التانى على نار هادية وبعدين حطى عليها شوية فى شوية ماء لحد ما تستوى وتحمر وبالهنا والشفا بزنجان وفلفل مقلى بالخل والثوم نص كيلو بزنجان اسود مكبب – نص كيلو فلفل رومى – راس ثوم مهروسة – ربع كوب خل -2 قرن فلفل حامى – 4 طماطم مقطعة متنوسط - ملح – فلفل – كمون زيت للقلى الطريقة قشرى البزنجان ثم قطعية شرايح متوسطه ثم نضعه فى مصفاه ونرش عليه ملح ويترك(علشان ما يشربش زيت كتير ). وبعدين نقلية فى الزيت لحد ما يبقى بنى فاتح .ونشيله فى المصفاة علشان ينزل كل الزيت الزيادة.نقلي الفلفل الاخضرفى نفس الزيت مكان البزنجان لحدما يتقلى ونشيله من الزيت ويوضع في مصفاه. في مقلاية تانية نضع قليل جدامن الزيت اللى حمرنا فية البزنجان والفلفل ونحمر فيها الثوم لحد ما يصفر. وبعدين ضعي الفلفل الحامى المخرط صغير و الخل ثم ضعى الطماطم عليهم والملح والفلفل و الكمون .وقلبى وسيبيهم لحد ما الطماطم تدبل .ضعى البزنجانوالفلفل في طبق غويط على طبقات يعنى نحط بزنجانوبعدين فلفل وهكزا .ثم صبي عليهم خليط الثوم والطماطم ونغزيهم بالشوكة علشان الخليط ينزل جواهم والطبق يتشرب من الصلصة.و يتاكل ساخن او بارد وبالهنا والشفاء

القائمة ال 23 شعيرية بالكبدة - - الكبدة بالردة او الكبدة المحمرة - بزنجان وفلفل مقلى بالخل...

don :

القائمة ال 24 شوربة سمك - كمونية سمك - ارز صيادية - كابوريا - سلطة جمبرى شوربة السمك راس سمكة وزيلها راس سمكة قاروس أو وقار منظفة من الخياشيم و الفم بملح ودقيق ومغسولة ويكون فيها شوية لحم -نص معلقة كبيرة سمنة 3 فصوص مستكة 2 فصين حبهان -معلقة صغيرة دقيق -ملح وفلفل معلقة صغيرة عصير ليمون - شوية بقدونس مفروم شوية كرفس مفروم الطريقة اقدحى السمنة وحطى فيها المستكة والحبهان لحد ما ريحتهم تتطلع ثم ضعى السمك يتشوح فى السمنة كويس وبعدين شيلية ضعى ماء حوالى كوب ونص على السمنة لحد ما يغلى زوبى الدقيق فى شوية ماء صغيرين وبعدين ضعية فى الماء اللى بيغلى على النارمع التقليب كويس وبسرعة واتركيهم على النار يغلوا حوالى 10 دقائق ثم تبليهم بالملح والفلفل رجعى السمك تانى فى الحلة اللى على النار وخليهم على نار هادية لحد ما خلاص يقرب يستوى ثم ضعى البقدونس و الكرفس المفرومين وبعد ما السمك يستوى شيلية من على النار واعصرى علية الليمون وبالهنا والشفا كمونية السمك سمكة بورى - ملح- فلفل - كمون - ثوم - ليمون - زيت - ماء نضع فى الخلاط راس ثوم كاملة وكمون كتيييييير وماء وزيت ونضربهم كويس قوى مع بعض . نفتح السمكة من الجنب وننظفها ونضعها فى الصينية ونضع الحشو عليها ونعصر عليها ليمونتين ونضع قشر الليمون مع السمكة فى الصينية مع رشة ملح وندخلها الفرن وبالهناوالشفا ارز السمك (البنى) 2كوب ارز ملح –يصلة كبيرة-2 معلقة زيت الطريقة : نغسل الارز و نقشر البصلة و نقطعها شرائح نحمر البصلة فى الزيت حتى يصبح لونها بني مش اصفر لأ بنى غامق بس مش محروقة نطلع البصلة من الزيت و نضربها فى الكبة لحد ماتنعم خالص فى نفس الحلة ونفس الزيت اللى حمرنا فية البصلة نضع الارز و الملح و الماء و البصلة البنى المضروبة فى الكبة ويقلب جيدا ثم ننتظر حتى يغلىالماء و يتشرب و بعدين نوطى النار عادى زى طريقة الارز العادية ثم يترك لحد ما يستوى و بالهنا و الشفا. الكابوريا كابوريا بالكمية اللى انتى عوزاها ملح – فلفل – كمون بصلة كبيرة او 2 بصلة متوسطة الطريقة 1- نضع الكابوريا فى حلة كبيرة و نضع عليها الملح و الفلفل و الكمون 2- نقشر البصل و نقطعه شرائح تخينة و نحطة فى الحلة على الكابوريا 3- نخلط كلة ببعض كويس 4- نولع النار متوسطة و تنطئى الحلة لفوق كل شوية 5- حتلاقى الكابوريا لونها اتغير و بقيت برتقالى مزهزة 6- وحتلاقى الكابوريا نزلت مايتها و حتستوى فيها 7- و برضة تفضلى تنطئى الحلة لفوق كل شوية لحد ما تستوى و حتبقى اخر تمام 8- كل السوى حيبقى نص ساعة . ساعة الاربع بالكتير و بالهنا و الشفا سلطةالجمبرى كيلو جمبرى صغير مسلوق 3 معالق مايونيز – ورقتين خس الطريقة بعد ما نسلق الجمبرى ويبرد نقشرة نشيل خط الرمل اللى بيكون فى الضهر نضع المايونيز على الجمبرى ونخلطهم بالمعلقة نفرش فى طبق ورق الخس ونضع علية سلطة الجمبرى ونضع على جانب الطبق واحدة جمبرى بقشرها لتزيين الطبق وبالهنا والشفا

القائمة ال 24 شوربة سمك - كمونية سمك - ارز صيادية - كابوريا - سلطة جمبرى شوربة السمك راس سمكة...

don :

القائمة ال 25 بفتيك المحشى - بامية بالبصل القاورمة - خضار مشكل محشى البفتيك المحشى كيلو بفتيك ( اى نوع ) ملح _ فلفل _مستردة _3 فصوص ثوم _عصير ليمون _ عصير بصل (يعنى بنضرب البصلة فى الكبة خالص لحد ماتنزل مايتها ) الحشو : عصاج بدون صلصة _ او خضار مسلوق مشكل _ ملح _ فلفل الطريقة : زى ما اتعودنا بندق البفتيك بالمدق المخصوص بتاع اللحمة و نتبلة بالملح و الفلفل و عصير البصل و عصير الليمونة و المستردة كويس نفرد كل شريحة و نحشيها بالخضار او اللحمة المعصجة ( يعنى نجيب معلقة كبيرة من الحشو و نحطها عند اول حتة البفتيك و بعدين نلف نلف )حيبقى شكلها فى الاخر زى صباع الكفتة التخين لو حتحشى بالخضار شوحيه الاول دقيقتين فى معلقة زبدة على النار و ممكن تحطى معاة شويه بقدونس صغيرين مفرومين نقفل البقتيكة بعد ما لفناها (برمناها ) بخلة او لفيها بالخيط نضع معلقتين سمن فى مقلاية و فصوص الثوم وبعدين ضعى البفتيك وحمرية فى السمن كويس و بعدين حطى شوية شوية ماء او شوربة لحد ما البفتيك يستوى نشيلة و نفك الخيط او نسحب الخلة بالراحة ويقدم بالهنا و الشفا البامية بالبصل القاورمة كيلو بامية نص كيلو بصل قاورمة نص معلقة صغيرة ثوم مهروس معلقة كبيرة زيت ملح وفلفل نص كيلو طماطم مقشرة ومقطعة مكعبات الطريقة قمعى البامية عادى يعنى شيلى الكاس الاخضر اللى فوق والبوز الصغير اللى تحت ضعى الزيت على النار وشوحى فية البصل القاورمة لحد ما يصفر ثم ضعى الثوم المهروس والبامية وقلبيهم لمدة دقيقة وبعدين ضعى الطماطم وقلبى كله لمدة دقيقتين ثم ضعى الملح والفلفل ضعى عليهم كوب ماء مغلى لحد ما الخليط كله يغلى وبعدين وطى النار لحد ما تستوى البامية وبالهنا والشفا خضار مشكل محشى نص كيلو بطاطس صغيرة نص كيلو كوسة صغيرة نص كيلو بصل قاورمة (الصغير خالص) كوب عصير طماطم ربع كيلو عصاج ملح وفلفل الطريقة نقشر البطاطس ونقورها ونغسلها نكحت الكوسة ونقورها ونغسلها نقشر البصل ونضعة فى ماء مغلى يا دوب دقيقتين ونشيله من الماء ونقورة نحشى البطاطس والكوسة والبصل بالعصاج ونرصصة جنب بعض فى طبق فرن بس رتبيه يعنى ترصصى الاول البصل داير مايدور وبعدين ثم الكوسة داير ما يدور ثم البطاطس فى النص داير ما يدور ثم نضع عصير الطماطم ونغطى الطبق و نضعه فى فرن متوسط الحرارة وممكن كل ما يعوز سائل تزوديله شوية شوربة او ماء لحد ما يستوى تشيلى الغطاء علشان وشة يحمر وبالهنا والشفا

القائمة ال 25 بفتيك المحشى - بامية بالبصل القاورمة - خضار مشكل محشى البفتيك المحشى كيلو...

+5