هلا اختي ام ميثا من اسم بنتج شكلج اماراتيه :27:

انا عاد زوجي يطلع من صلاة الفجر لان دوامه في بوظبي يعني المسافه طويله تقريبا ساعه لين يوصل الدوام وبعدين انا اطلع اروح الدوام بعد الساعه ثمان واذا كان في مدارس اجهز البنات الساعه ست ونص يجيهم الباص الساعه سبع وارجع انام شوي لين الساعه ثمان واقوم اروح الدوام :)
الساعه ثلاث يوصل زوجي من الشغل او اذا رجع بدري يرجع الساعه ثنتين ونص غالبا ارجع معاه بنفس الوقت
بناتي يردن من المدرسه الساعه وحده الا ربع يتغدن واحيانا القاهن نايمات عند ام زوجي والصغيره ام سنه ونص بعد غالبا تكون نايمه لما ارجع من الدوام انا وزوجي نتغدى ونروح انام شوي لين صلاة العصر نقوم انا اقعد مع البنات وهو يقعد تقريبا ساعه او ساعه ونص معانا وبعدين يروح العزبه
يرد من العزبه عند صلاة المغرب او بعد الصلاة يعني يصلي بالمسجد اللي جنب العزبه اذا كنت ابي اروح السوق او ابغي اغراض من الجمعيه المكتبة ...إلخ نطلع نجيب الاغراض ومرات ناخذ البنات معانا السوق كتغييير جو بالنسبه لهن
نرجع نتعشى ونصلي ويقعد هو على النت وانا احيانا اطلع اروح بيت اهلي لانه قريب من بيت اهل زوجي واحيانا اقعد مع ام زوجي او ادرس البنات اذا ماكنت مدرستنهن العصر وبعدين معروف توته توته خلصت الحدوته ننام ونفس الشي اليوم الثاني
زوجي مب من النوع اللي يحب الطلعات وايد يعني يحب قعدت البيت وروحة العزبه بس مايحب يلفلف في السناتر او السوق او يطلع برا يسافر او الاماكن السياحية الا اذا كان بوقت مب اجازة ومافي زحمه :09:

شو اقولج اختي احس حياتنا روتين يعني مهما بذلنا من محاولات لازم تحسين بملل يعني تعيدين نفس الشي كل يوم اكيد بتملين بس لازم في محاولات للتجديد في حياتنا الزوجيه وغالبا المبادره تجي من الزوجه مب الزوج وطبعا لازم في تقبل من قبل الزوج لهذا التغيير والا ماراح يكون له اي معنى
بس بقولج شي اختي انا عشت حياه اسريه مفككه مب بس مفككه مبعثره بعد ولو احكيلك حكايتي بتستغربين كيف قبلت وتزوجت وما تعقدت على الرغم انه وحده من خواتي معقققققققققققققققققققققققققققده من سالفه الزواج وقاعده لين اللحين بدون زواج رغم انها دشت في الثلاثين :( والسبب من ابوي الله يسامحه
فنصيحتي لج عيشي حياتك وخليها قاعده عندك ترى الزوج مايحب الالحاح وانه يحس بالمحاصره والجبر يعني اذا ماكان مقتنع بالشي لا تعتقدين انك تقدرين تقنعينه غصب وحتى لو رضى يسوي الشي بيكون بعصبيه وبكبرياء وبيحس نفسه مخنوق ومجبور فانتي تعرفين شو تسوين ؟؟؟
اكيد زوجك يحبك ويحب عياله ويبي يكون جزء من حياتك بس يمكن هو متعود على طلعات الربع او ان ربعه الله يسامحهم في بعضهم من النوع اللي يعاير يعني اول ما حد منهم بيعرس يقعدون له لا تسمع كلامها اي اللحين بتسيطر عليك الحرمه واي واحد يقلل من قعداته معاهم معناه انه يخاف من زوجته !!! :16:
حاولي انك تلعبين عليه بالعكس يعني لا تلحين بسالفه انه يطلع وما يقعد معاكم بالعكس اول ما يجي استقبليه احسن استقبال وجهزي له ولو كوب عصير ويمكن هو مايحب دوشه العيال فنيمي عيالك بدري واول مايجي استقبليه بلبس حلو وابتسامه حلوه وقوليله اللحين نور البيت تصدق كان ظلمه من دونك بدون اي محاوله منك انك مثلا تلمحين على طلعاته خليك عادي وريلاكس واكيد هو بيقولك انا تعبان وابغي انام ومن هالكلام سويله شويت مساج :30: ودلعيه على الاااااااااااااااااااااااااخر وبعدين خليه ينام ونفس الشي ثاني يوم وثالث يوم تلقينه بروحه كل يوم يرجع شوي بدري عن اليوم اللي قبله انتي كل يوم سوي له حركه ولبس جديد وخليه يتوقع منك مفاجاه ولما يطلع من البيت ارسلي له مسج حلو كله كلام حب وغزل وشوق بس لا تكثرين مجرد مسج واحد يكفي وحاولي تدخلين عيالك في اللعبه قولي له بنتك او ولدك اليوم كله على السانه بابا بابا كانه يدورك
صدقيني اختي انا مجربه هالاسلوب ونفع مع زوجي لانه من النوع العنيد واللي ماينفذ الا اللي في راسه وكان عنده صديق يبغيه يلصق فيه اربع وعشرين ساعه بس في الاخير انا انتصرت وفزت بزوجي
وبعد في يوم جهزي له هديه بسيطه يعني على كثر ماتقدرين تدبرين نفسج اذا عندك حد يروح يشتري لك او انتي تقدرين تطلعين مجرد هديه رقيقه وكرت حلو في جمله حلوه وعطيه الهديه اول مايقعد من النوم العصر مع حلو بسيط او كوب عصير ترى الرياييل يستانسون من هالحركات وقولي له انك دايما على بالي ودايما افكر شو اهديك بس ماعرفت شو اجيب لك وهاي مجرد هديه بسيطه هو اكيد بيستحي منج خصوصا اذا ماكان مهديج هديه بس انتي ابدا لا تلمحين له ولو مجرد تلميح بسيط انج تبغين مقابل خليه بروحه يفكر كيف يهديج ويعوضج هو هنيه بيسوي شي من الاثنين يا انه يقعد معاكم وما يطلع او يطلعكم او حتى يقعد حتى لو نص ساعه يتاخر عن ربعه يقعدها معاكم او انه بيطلع بس بيرد مبكر وصدقيني طول ماهو برا بيكون تفكيره في الهديه وفيج :27:
في وايد حركات والمنتدى مليان واقصر طريق لقلب زوجك معدته وفرااااااااااااااااااااااااشه ريحيه وانتي بترتاحين :D خليها مثل التحدي بالنسبه لج بس عاد مو تبالغين ترى كل شي بحدود
الله يسخر لج زوجك ويهديه ويالف ويجمع بين قلوبكم بالحب والموده ويبارك لكم في عيالكم ويبعد عنكم المشاكل

ام هوبي
ألف شكر لج حبيبتي أرضيتي فضولي :)



غرشوب رعبوب
نعم أخت أنا من الإمارات
من كلامج أختي أحس انكم مول ما تحسون بالملل .. ما شالله بناتج في المدارس كبار شوي وعندج نونو وانت موظفه وأم زوجج معاكم تساعدج في تربية العيال تردين من دوامج تلقينهم متغدين وراقدين ... بس أختي ليش دوامج متأخر؟؟ والله لو ألقى دوام على ال 9 ما بتردد <<<<< أحب أنخمد الصبح
أما نصايحج واالله ما تم شي ما جربته بس شو بتسوين الطبع يغلب التطبع ساعات أكون مسوتله مفاجآت وعاد ألمح له بمطالبي .. يسوي اللي أباه لكن دايماً تعود ريما لعادتها القديمة لأن هو مقتنع تماماً إن البيت بس للنوم والنهار كله برع ... تدرين ينش في نفس الوقت كل يوم سواء عنده دوام أو إجازة
على العموم مشكورة والله ما قصرتي كفيتي ووفيتي وردج أثلج صدري الله يسعدج ويهنيج ويسخر لج زوجك ويبارك في عيالج يارب :)

انا كنت اعيش حياة اسرية مفككة ايضاً والسبب والدي الله يسامحه كان همه النسوان واصحابه وآخر ما يفكر فيه هو البيت والزوجة والعيال وكل طلباتنا كنا نقولها لأمي وهي تتطلبها منه ويطنش إلى ان ينفذ صبرها .. والله امي استحملت وانا ادعيلها بطول العمر ان شاء الله ويقوينا على رد لو جزء بسيط من افضالها..

ولما تزوجت منذ 3 سنوات كان بيننا خلافات كبيرة لأنه زوجي من النوع العنيد واللي براسه بده يمشي وانا اريد حياة بعيدة عن الحياة اللي كنت اعيش فيها يعني لو طلع مع اصحابه تيجي كل ذكريات ابي في راسي واصير خايفة انه الماضي يعيد نفسه واصير عصبية واتخانق معاه عشان الطلعات والأصحاب .. تأخر حملي لمدة 7 اشهر بعد الزواج والسبب منه ولما عرف انه هو السبب صار يزيد طلعات بحجة انه متضايق وصار يتأخر للساعة 4 او 5 وجه الصبح وانا تطلع روحي مع انه اهله معي بنفس العمارة بس الواحدة ما حدا يغنيها عن زوجها انه يكون معها..

رحت لبيت اهلي شهر ولا سألت فيه قبل لا احمل وصار يتصل ويترجى وانا ما اريد ارجع إلى ان حسيت انه فعلا نادم.. فرجعت معه.. بس للأسف زادت طلعاته يعني بدل بالأسبوع مرة صار يوم بعد يوم إذا مش كل يوم.. وحملت والحال ما تغير.. دايما خناقات وزعل حتى اولادي طلعوا عصبيين (انجبت توأم بنت وولد الله يخليلي اياهم ويحفظهم)..

من بعدها صار يلتزم شوي بالبيت يعني خفف سهرات وزاد المصروف عليه خصوصا انه طلع من شغله وجلس عاطل عن العمل 6 اشهر ندم فيهم على كل فلس صرفه خارج المنزل وتذكر نصائحي له بأنه سيأتي يوم يتمنى انه يكون معه الفلوس اللي يصرفها على اصحابه وسهرات الملاهي (ابعدها الله عنها ولا سمح بأن تعود)..

وفي عنده صاحب (الله يبعده عنه) يريده ايضاً معه 24 ساعة وما يهمه انه يدمر حياته بسبب هالموضوع (الشاب اعزب وغير متزوج)..

في فترة جلوسه بالبيت بدون عمل تقرب اكثر للأطفال وتعلق فيهم.. وانا كمان غيرت من عقليتي يعني صرت لو بده يطلع اقوله اطلع بس تذكر انه اللي صارلك هو من غضب الله عليك عشان كنت تعمل كذا وكذا .. وصرت اقل عصبية وانشغلت بتربية اولادي.. وشوي شوي صاروا لما يحكوا معه اصحابه بدهم يطلعوا يقوللهم مش اليوم او تعبان او لآخر الأسبوع يعني يعتذر منهم بأي عذر.. والآن (ما شاء الله ما شاء الله .. اذكروا الله) صار يطلع بالشهر مرة للساعة 12 او 1 .. بس يتعشى معنا ويجلس شوي مع الأطفال قبل لا يطلع..

بس باقي الأيام فيها نوع من الملل بحكم ظروف الحياة يعني الصبح هو وانا بالعمل بعد الظهر اعود قبله احضر الأكل واشوف طلبات عيالي بعدين هو يحضر على الساعة 6 نتغدى او الأصح نتعشى سويا ويجلس يلعب شوي مع الأطفال ثم يشاهد التلفزيون ويصير وقت نوم الأطفال يساعدني بتنويمهم ثم نشاهد التلفزيون يخبرني ما يحدث معه بالعمل وينزل عند اهله يجلس ولما ينعس يطلع بده ينام .. وهكذا ...

وحبيبتي كل الرجال مش بس زوجك ما يحبون يخبرون زوجاتهم عن اخبارهم مع اصدقائهم او مع من طلعوا واين ذهبوا.. وانا الآن ما عدت اسأله لأنه التزم وصار يعود بوقت معقول نسبياً اكون انا خلال هذه الفترة ارتحت شوي من طلباته واعتنيت بنفسي شوي..

لا تيأسي اختي الحياة اللي نعيشها تفرض علينا نفس طريقة الحياة تقريباً .. روتين وملل .. والواحد بيركض عشان يأمن مستوى معيشي جيد ..

همسات الغسق
والله يا أختي ما تتصورينوأنا أقرا كلامج كيف تأثرت لأني تذكرت اني مريت ببعض اللي مريتي به من صدامات وخلافات وزعل و كم فرحت لج لأن أمورج تطورت للأحسن ماشاء الله ولا إله إلا الله أطلب من المولى عز وجل انه يطول في عمر أمج وتشوف عيالج وعيال عيالج ويبارك لج في التوأم و ويسخر لج زوجج و يسعدج ويهنيج في بيت الزوجيه

ماله برنامج معين على حسب رواقته :D