ريمــــــــاس :

أولاً من متى انتو متزوجين؟ من 3 سنوات وكم عندكم أولاد وكم أعمارهم؟؟ واحد عمره 8 شهور انا ماحملت على طول جلست فترة اهيص بعدين حملت :) شو بروجرام زوجج اليومي؟ متى يوعى وشو يسوي طول اليوم مثلاً بعد الدوام؟ اصحيه الصبح عالسبع ونص نفطر ويروح الشركه عال8 احيان 8 ونص ماعنده مشكله ابوه فاتح له الشركه لأنه ولده الوحيد.. يرجع لي الظهر يتغدى ونجلس نسولف او نشوف تلفزيون الى العصر .. العصر يروح مع عمي اللي هو ابوه المصنع او المؤسسه ((طبعاً هذا دوام اجباري عمي بالشغل حقه مايمزح)) ويرجع المغرب يطلب شاي وقهوه احطها بالخيمه يجون اصحابه يشوفون تلفزيون مباراه ولا يجلسون يسولفون احياناً يتعشون احياناً لا على حسب مشاغلهم ذيك الليله وعالعشره عشره ونص بالكثير يدخل البيت طبعاً الخيمه حقته جوه البيت في الحوش تقريباً هذا يومه اما الخميس والجمعه مافي شي ثابت بس الغالب فيه ان طبعه بيتوتي حتى سهره مع اصحابه يحب يكون جوه البيت في الخيمه.. هل يجلس كفاية في البيت وإذا جلس في شو يقضي وقته؟ بيض الله وجهه ابوه معوده على جلسة البيت بس مايمنع يجي يوم ويخربها بالسهر بس الغالب بيتوتي حتى اصحابه يجيبهم عنده بالخيمه.. هل يلاعب الأطفال ويخصص لهم عالأقل ساعه كاملة؟ كل اللي عندنا واحد نتناوبه بس انا اقدر انشغاله إذا كان يطلع من البيت بعد الغدا متى يطلع؟ دايماً ولا أحياناً؟؟ ووين يسير؟ ومتى يرد؟ هل يتعشا معاج والأولاد؟ يطلع مع عمي(ابوه)لأن ابوه عنده مؤسسه ومصنع وهو ولده الوحيد وعمي كبر فلازم يمسك عنه الشغل ويررجع لي المغرب بالنسبه للعشا الغالب معاي بس احيان يكون اصحابه عنده فيتعشون عنده واحيان مايكون لنا نفس فنقلبها فواكه وعصير :) هل يخبرج بكل صغيرة وكبيرة وين سار ووين يا ومنو شاف وشو يبا يسوي باجر؟ يسولف لي لأنه بيتوتي ويحب الجلسه والسوالف.. وإذا بغيتيه يوديج مكان يوديج بطيب خاطر ولا يتذمر؟ انا مشاويري كثيره وزوجي وقته مب ملكه عنده اشغال فوق راسه وسنه صغير يعني توه 25 سنه مااحب اضغطه واضيع يومه بمشاويري يكفي مشاغل ابوه عندي سواق ولو مشوار خاص عادي اقول له بس قبلها بوقت مايقول شي وشو هي نقاط الإتفاق والإختلاف بينكم؟ ان شاء الله اننا متفقين حتى لو في اختلاف مااحب اضايقه انا اقدر وضعه والضغوطات اللي تواجهه بالعمل خاصه انا مافي احد يساعده وهو بعد فتره يقدر لي تعاوني معه :) وأكبر خلاف بينكم كان بسبب شو؟ بحكم انه الولد الوحيد ابوه كان مدللـه فبداية زواجنا تعبت معه شوي لأنه مستهتر مايعرف قيمة القرش يعني الى اليوم ماانسى انه فحط بسيارته بي ام ولما وداها الوكاله قالوا له لازم تغير الهيكل كامل هذي كانت من اكبر الصدمات اللي شفتها من استهتاره!! بس في الحقيقه ماالومه لأن اهله عودوه على هذا الطبع بس مع الايام بدا يفهمني ويحس بالمسؤوليه اكثر والحمدللله كل شي بالدعاء يصير الله يحفظه من العين ويصلحه لي ويسخر لك زوجك ويحفظه ويهديه ادعي له ياقلبي والله يوفقك ياااااارب,,

أولاً من متى انتو متزوجين؟ من 3 سنوات وكم عندكم أولاد وكم أعمارهم؟؟ واحد عمره 8 شهور انا...