فضفضة سمينه ..!

الله يريح بالك


انا وصلت لمرحلة اني متصالحه مع نفسي الحمدلله


بحاول ألتزم بالدايت


و يوم ما اكون مضغوطه فعلا و ماني قادرة ألتزم


ما احس بالذنب او تأنيب الضمير


دا كان زمان


الآن انا متعايشه اكثر


اسوي اللي عليا فعلا او اللي اقدر علية و متوكله على الله


كل يوم هو يوم جديد طبعا .. احمس نفسي فيه اني ألتزم بالدايت


طبعا الدايت دا قدر حياتي بعد كسل الغدة و متلازمة التكيس اللي عندي


فأنا بدال ما انكد على نفسي اتعايش مع الوضع كأني مريضه سكري


طبعا اقل الاكل يأثر فيا


ماني زي الناس


محتاجه اني ألعب رياضه بس ما عندي وقت للرياضه


لاني ما عندي خدامة و مسؤولية العيال و مذاكرتهم


لكن احاول امشي


لكن ما جربت رياضة اشد او اقوى من المشي


و خايفة اللي هوة اشتري جهاز و اشتغل عليه يوم و يومين و بس اركنه يغبر


المشي ارخص ... اقل جهد ع الركب

سمينه؟ مو واثقه بنفسها
نحيفه؟ مو واثقه بنفسها
جسمها موحلو؟ مو واثقه بنفسها
الخ ..
لازم الانسان يتصالح مع ذاته
واذا كان سمين او نحيف يحول هالشي لتحدي وليس لفشل واستسلام وضعف وقله شخصيه
لان السمنه والنحف مو عيب

والله انا تجيني فكرة
الى متى
مين الي يبي يخليني بهالحالة دبية سمينه الملابس ماتليق علي ولاشي
لازم اتحمس
اتذكر الملابس واتذكر اذا اجتمعت بالعزايم كيف الكل جسمة حلو
وانا صايرة كني بطة مع اني اشتري ملابس تجنن بس البسها تصير مخيسة
لاازم انتبه لنفسي خلاص ابي اكون مرة حلوة
بس اوصل الستين جمالي يزيييد
احتاج الستين
انا استحق الافضل

وعليكم السلام ورحمة الله وبركاته
واي ذكرتيني شئ عقدني وما تهنيت من يومها وصرت اخلي احلى شئ لغيري واخذ دائما الشئ الكريه او المو مرغوب فيه والسبب اني سمينه
وكنت في نفسي احس اني سمينة ما استاهل الحلو والمميز :(
كنت سمينة من الابتدائية وخالتي عندها جاكيت حق خالي هو بنفس عمري
عجبني قلت اجربه شدته بقوة حزت قلبي وقالت لاتوسعينه
من يومها وانا مو حابة نفسي واكره النحيفات ..مو حسد بس بسبب كلام خالتي حسيت النحيفات ما يحبونا
وشفت مرة وحدة سمييييينة بتجلس جنب وحدة نحييييفة بالباص والنحيفة عملت حركه بايدها من وراء السمينة كانها تقول يااع
وهذا زاد من احساسي
وكنت لما اجلس مع بنات اهلي اتعجب النحيفات يسولفون معاي احس انه فيه شئ خطأ
لما انخطبت وحدة قالت لخطيبي اني من النوع الي ما انحف فمن القهر عملت رجيم نقصت خمسين كيلو تقريبا بس ما حبيت روحي وانا نحيفة :)




ههه الحمد لله على كل حال ...

غريب( شفته ) شكلك ماتعودتي على شكلك 😜
,
( نجمه )من جد والله نفس الكلام ، انا كنت عصا ماشاء الله👌 واحاسب ع الكيلو لو زاد نزلته☝ ، يوم الله انعم علي واهتديت و وسعت ملابسي شوي قلت عادي الملابس تخبي كيلو كيلوين مايضر 😂😂وادردع ولااحاسب اخر همي يوم زدت ٥ كيلو جد بدى الشكل يصير عليه كلام احاول اكبح نفسي بس الفرامل خربت 😑😅
توني بس بهالشهرين احس انتهت حالة السعار عندي 😴
اول كأني مو شايفه نعمه !!
شريت لي اخر مره كثير موديلات وكلها واسع ومفضفض وتجنن ماشاء الله ولاشي منها طالع حلو علي 😅👎 كل واحد البسه يقولي انحفي انحفي انحفي 😊
(سحر ) صدقتي ، بس كل وحده تحت او فوق المثالي بخمسه كيلو جسمها علوم😜
و النحافه الزايده غير السمنه الزايده النحيفه تلبس وتكشخ وشكلها محترم👌 انا اشوف السمنه تعطي الهيئه رثاثه وتفضح الواحده انها عايشه حياتها اكل وتسدح😂😂 !
بالعكس النحيفه حتى لو عاطله مايجيك انطباع عنها انها ماتسوي شي😧 ! والصدق ازينهم المثالي وتحته كيلو اثنين احتياط ههههههههه😇✌❤
السمنه عيب لانها مذمومه شرعا ومنهي عن الاسراف بالاكل بالكتاب والسنه ، والعرب قديما والغرب حاليا كلٍ يذمها
والنحف الزايد مو تمام للمتزوجه لان ماراح تحمل😴
والناس نختلف ترى فيه من شوية ملي يزينها في لا
وفيه من زود النحف يحليها وفيه لا !! سبحان الله ، كل وحده ابخص بنفسها 😜👌
( هبه سالم ) ياقلبي زين ماسويتي ،انا اشوف مرضى السلياك يتفنون تفنن باشكال الكيك والكريمات بحكم انهم ماياكلون قمح وحليب شعورهم بالحرمان سبحان الله له دور ، فحلو ماشاء الله انك عرفتي تتعاملين مع موضوعك نفسيا❤❤✌