فناجين الدجاج لاتفوتكم يا بناااااات

:angry::angry:نقلت لكم هالطبخة لانها ما تاخد اكثر من ساعة وتنفع وقت الزنقات

بس الاهم يكون عندك

قطع دجاج خالي من العضم (حسب الكمية اللي بتسويها)
بالتحديد صدرين دجاج تكفي لعمل 10 فناجين او اكثر شوي

+حبة بصل و فص ثوم +ملعقة عصير ليمونة

تحط كل هالمكونات بالفرامة اللي تستخدم للبصل

وبعدين تحطينها في صينية العجن وتضيفين عليها ملح و فلفل اسود وشوي بهارات مشكلة

وتضيفين لها بازلاء حبوب اما تكون مثلجة او المعلبة و شرائح جزر تبشرينها ببشارة الجبن و قطع صغيرة من الزيتون الاسود

وتخلطينهم زين

وبعدها تجيبين فناجيل القهوة وتحطين فيها هالخليط بس تحاولين تتركين تجويف بالنص عشان الحشوة ....
وتحطينها في حمام مائي << بالفناجيل
يعني تحطين الفناجين في القدر الي فوق وتكون في القدر الي تحت موية طبعا

وتخليهم حوالي من 35 الى 40 دقيقة

وما تخافون ترى الدجاج ما يلصق بالفنجان بمجرد ما يتماسك يتحول بسهولة

نجي الحين للحشوة

ناخد حبة بطاطس و شوي بازلاء حبوب ونسلقهم بموية تقدروا تسلقوهم بقدر الموية السفلية << تضربين عصفورين بحجر واحد << للعجازات مثلي


و بعد ما تستوي البطاطس قطعيها مربعات واخلطيها بالبازلاء معاهم ملعقة مايونيز وملعقتين فيلادلفيا
وشوي ملح وفلفل اسود حسب الرغبة

بعد ما تستوي الفناجين
تحشينها بالحشو

وتزينيها بجبنة موزاريللا من فوق
وادخليها الفرن وتقدم فورا

وبالهناء والشفاء