زوجه مصريه
كلامك صح ميه الميه
انا دايما بحس ان لازم يكون لي حاجه خاصه بيا استمتع بيها شيء ليا انا بس وده ميعترضتش مع حبي لزوجي واولادي النما انا انسان وليا هوايات ونشاطات المفروض اني امارسها مش بس افضل دايره في ساقيه طول النهار مابين الواولاد والبيت والمطبخ ومذاكره وبس لا انا لازم يكون ليا وقت خاص بيا
الاجانب بيعملو كده انا مرة واحده امريككيه اعرفها سابت اولادها مع ابوهم وجت رحله لمصر تتفسح كسائحه يعني
تخيلو اولادها عمرهم كام؟ 3 سنين وسنه ونص
انتو ممكن تقولو ازاي طاوعها قلبها تسيب اولادها وتتفسح انا بقول بقي حاجه تانيه ازاي جوزها قعد بعيالها لحد مهي تتفسح وتيجي
انا مش بقول نعمل زيها بالضبط بس انا قصدي ان لازم نخلي اجوازنا واولادنا يفهمو اننا بني ادميين ولينا حياتنا الخاصه
ليه اغلب الستات في العالم العربي كئيبات ونفسيتهم وحشه؟ لان مفهوم خصوصيه المراه والام والزوجه مش عندهم دي مفروش متعيش لنفسها تعيش لاولادها وبيتها بس
انا ضد المفهوم ده
طيب ازاي يعني نعمل ايه
لازم مهما كنتي مشغوله او امراه عامله او عندك طفل صغير مسئوليات تدي لنفسك عالاقل ساعه خاصه بيكي ترخي اعصابك وتعملي شيء خاص بيكي انتي تقري كتاب او تمارسي هوايه معينه ايا كانت تزوري صاحبتك تروحي النادي تروحي المسجد او تقعدي عالنت مثلا تتكلمي مع صديقاتك او تتطلعي علي اي معلومه ليكي اشتياق تعرفيها
لازم تفصلي شويه عن الجو المشحون ومن بدايه زواجك كده تعودي جوزك علي الحكايه دي علشان الراجل لما بيتعود علي شيء بيفتكر انه من حقه ولو اتعود ان وقتك مالكيش فيه نصيب وان كله ملكه وملك بيته يبقي صعب ترجعي في كلامك ولو رجعتي يبقي انتي وحشه وانانيه وبتفكري في نفسك
رغيت كتير ايه رايكو

صباح الخير يا ليمو
صباح الخير يا نايس ونورتينا
بالنسبة لموضوع الاخرى
موقف حصل لناس قريبة منى يخص الزواج التانى...ولما الموضوع بيحصل لحد قريب طبيعى اننا نفكر فيه ، بس مش شرط بشكل سلبى ..وعروس قالت ما يكفى فى النقطة دى
انا من زمان الموضوع شاغل تفكيرى من الوجهة الشرعية....التفكر فريضة محدش يظلمنى
كنت بتفكيرى المحدود دايما افكر...ليه التعدد جائز شرعا؟
طيب مشاعر الزوجة..العشرة...كل الكلام اللى اتكون منه وجداننا ونفسياتنا كشعب مصرى تحديدا من الافلام والمسلسلات اللى دايما بتصور الزوج لما يتجوز انه خاين للعشرة وعديم الوفاء وعينه زايغة
بى اس: اجابة لسؤال متوقعة واحدة تسأله: لا.. انا لو زوجى اتجوزز مش هاقعد معاه..لسبب،،، هاقوله اللى اداك الحق فى زواج تانى وتالت ورابع ادانى معاه والحمد لله الحق فى طلب الطلاق ولو للضرر النفسى..والسيدة فاطمة سبقتنا كلنا ..وده فايل خليه شوية على جنب عشان مليان حاجات مش وقتها...خلصت البى اس
سبحان الله ..برضه سنوات الزواج..ومعاصرة حالات كتير حواليا..عرفت منها ان قمة الرحمة والعدل من ربنا سبحانه وتعالى هى فى التعدد للرجل..بصرف النظر ده عجبنى او لا...جه على هوانا كزوجات او لا
خالق الشئ هو الأعلم بطبيعته....سبحان الله..من الزاوية دى...عظمة الخالق وحكمته بتتجلى جدا فى الامر ده..مفيش راجل ملاك لان دى طبيعته..ربنا خلقه بالقدرة دى على الاعجاب وتبادل المشاعر مع اكتر من واحدة.. سيدنا على بن ابى طالب قال...لو تم لرجل ان تزوج كل نساء الدنيا الا واحدة لاشتهاها!!!!!
تانى كونى اقر بفهمى لطبيعة الرجل مش معناها انى اقبل بيه...لا يكلف الله نفسا الا وسعها
انا بقول الكلام ده عشان اقفل الفايل اللى زعل ناس كتير
اللى لسه بابحث فيه بقى موقف الزوجة...ربنا سبحانه وتعالى اسمه "العدل" طيب ايه حكمته فى التعدد بالنسبة للزوجة؟؟؟...ده اللى شاغلنى ولسه بادور عشان افهم..وده لانى انا اللى عقلى لا يتسع لعلمه ..سبحانه وتعالى
دوشتكم
يلا راجعة اكيد تانى ان شاء الله
وسلامى لكل البنات حتى اللى كلامى هيكون بالنسبة لهم"................................"
اسعد الله ايامكم مع ازواجكم بطاعته

صحيح نسيت
ايمان ما شاء الله عليكى ام فوق العادة فى اللى بتعمليه مع بودى
وعنيه كلها براءة برضه؟؟؟؟انا شايفاها حاجة تانية هههههههههه ربنا يحفظه ويقر عينك بيه انتى وباباه
وعلى فكرة الكتب القماش موجودة فى جمعيات الرعاية المتكاملة وبيعلموا بيها الاولاد فى البريسكول
كانت بنت اختى فى الجمعية اللى فى محافظتى واتعلمت عليها قبل المدرسة ..أنا معرفش اماكنها فين فى القاهرة.بس اعتقد ليها فروع فى المحافظات اسألى عليها

اهلا يا زوجه مصريه

المشكله ان الزوج هو اللى فاهمه انى هو وبس
يعنى اقصد انه سى السيد
فى اى مشكله تخصه ولا حتى زوجين اخرين يقولك يتجوز عليه وهو فاكر انى الواحده لما تعامل حماتها بالحسنى يبقى هو السبب
ليه
طيب انا لو مش بحترم نفسى مش ها حتلرم حد
يعنى انى هو اللى مخلنى كده بلا بالعكس عمرو مايجى انه مفروض عليكى

لما هو بيقول اتجوز انا بقوله مش هقعد ايه اللى يجبرنى على كده لما انت عارف حقك انا كما اعرف ادور على حقى

انا بضايق كل مايسمع مشكله بين زوجين يقولك يادبها ويتجوز عليها

موضوع الزواج ده موضوع شائك
اغلب الرجاله عاوزة تتجوز تاني
انا بقول طيب لو انت بتفكر بالطريقه دي عمرك مهتشبع ابدا
لا واحده ولا اتنين ولا عشره هيكفوك
وبعدين هوا التنوع في الجنس سوري يعني سبب كافي انه يتزوج مرة واتنين وتلاته؟
انا رايي ان الزواج يبقي هدفه اقامه اسره وليس شهوه الا بقي لو الزوجه الاولي مقصره او عندها مشكله صحيه
لكن تبقي البنت زي الفل وساعات كمان يقصر هوا معاها وكمان عاوز يتجوز دي تبقي خيبه وويبه
بصراحه الرجاله اليومين دولا بيفكرو بانانيه فظيعه
انا بقول لزوجي ماشي انت حقك تتزوج بس لو انت بتحبني صحيح اتنازل عن الحق ده
زي منا ليا حقوق كتير اتنازلت عنها خاصه في اول الزواج يا ما الواحد صبر
الشيخ الشعراوي الله يرحمه قال مرة لو الواحده عارفه انها لما تقف جنب جوزها وتطفح الكوته بمجرد ميقب علي وش الدنيا هيتجوز عليها عمرها مكانت دبقت ولا حوشت هيا بتتعب لمين ؟ علشان عيالها وتجوزهم مثلا لما يكبرو؟ ولا علشان تجوز جوزها؟
مكانت عاشت حياتها بقي بالطول والعرض واستفادت من الفلوس بدل متحرم نفسها علشان تعمل لعيالها قرش وبعدين هوا يروح يتجوز
انا بقول لزوجي
يعني انا اصبر معاك واتعب واتغرب واتحرم وبعدين لما ربنا يكرمنا بقي ونستقر تتجوز؟ وتيجي واحده تشاركني كل شيء عالجاهز ؟ وتتساوي راسها براسي في تعبي وصبري ويبقي لها نفس حقوقي وتسيبني نص الاسبوع وتروح عندها وابات لوحدي ده صح؟ ولا ايه نفسي افهم؟