السلام عليكم ورحمة الله وبركاته

ما شاء الله عليكم يومياتكم منظمه وكلها طاعات ربنا يبارك فيكم يارب

تخيلوا رووما كأنها كانت بتعند معايا نامت 4 الفجر اه والله المهم استنيت الفجر وصليت وعلي السرير عدل وقلت الاذكار ونمت

طبعا صحيت 1 الظهر لقيت جوزي صحي وما رضيش يصحيني صليت ودخلت المطبخ تبلت سمك كنت طلعته فك شويه قبل ماانام

وحضرت فطار خفيف وفطرنا وفطرت الكتاكيت ولادي وكملت صينية السمك بالبطاطس وعملت معاخا في الفرن بسبوسه بالمره

وعملت رز صياديه وسلطه وعملت اكل لرووما صدر فراخ مع بصل وفص توم وطماطم ورز وفي الاخر سبانخ .وسبت كله علي النار

والحمد لله احتسبت النيه ابتغاء مرضات الله وشغلت لساني وفكري بالصلاة علي سيدنا محمد شويه والاستغفار شويه

واتغدينا كان فبل المغرب بشويه قلت يا دوبك الحق اقرا سورة الكهف فجأه جوزي عملي شغلانه تركيب عتب وتظبيط حاجات في الشقه

وطبعا كان مشغلني الواد بليه روحي هاتي الجبس زز هاتي زراديه و..... الخ وللاسف مالحقتش اقرا.............

صليت المغرب ومسكت الشقه اوضه اوضه والحمد لله شقتي اوضتين وصاله تنضيف وتلميع علي السريع ودخلت الحمام غسلته

غسله تمام وكنت اخدت فكره من المنتدي حلوه اوي انك تجيبي علبه فاضيه بلاستيك بغطا تخرميها مثلا خرمين او تلاته وتمليها

جيل التنضيف وتحطيها في السيفون طبعا ريحه وتعقيم تحفه وفجأه سمعت صوت بره طلعت لقيت جوزي بيكنس الشقه رأفة بحالي

ربنا يكرمه ويديله الصحه بعد كده طلعت اللبس الصيفي وشيلت الشتوي وفرزت اللبس الي هيروح الصدقه والله مش رياء بس انا قلت

كل حاجه مش بنلبسها كتير وكل حاجه صغرت علي الولاد حتي جوزي كنت لما اسأله عن قميص والقاه متردد كنت بحطه في الشنطه

واقوله عيب عليك انت بتدي الحاجه دي لربنا انت مستخصرها والحمد لله اتعشينا وحميت يوسو ورووما ونيمتهم وخلاااااااااااااص


سبحانك اللهم ربنا وبحمدك استغفرك واتوب اليك

السلام عليكم ورحمة **** وبركاتة
ما شاء **** عيكم كلكم ربنا يبارك فى ايامكم انا عندى كام سؤال عن التنظيم فى البيت ومعلش استحملونى فوط العيال اللى بيمسحو بيها ايديهم بتجطوها فيييييييييين وازاى يعنى فى الحمام ولا فى الاوضة ومحطوطة على اية بالظبط وكمان بتدخلو الحمام مع العيل لغاية سن كام بالظبط يعنى انا لغاية دلوقتى ادخل الحمام مع العيال اشطفهم واظبط لهم المية علشان ماتبقاش سخنة اوى وهما يغسلو ايديهم بس غسيل الاسنان انا اللى باعملة هما لو سبتهم بيغرقة الدنيا مبة وهدومهم مية بالذات البنت عندى 4 سنين ولو اولادك بيحبو يعملو لوح كبيرة واشكال بتحطى الحاجات دى بطريقة منطمة ازاى ويا بنات حد عندة وصفة انى ابقى منطمة على طول ازاى فية بنات ما شاء **** ايديهم على طول شغالة بتنظم بلا وعى ولا قصد .يعنىطول ماهى معدية ولا قاعدة تنظم الحاجة حتى لو صغيرة كان معايا واحدة صحبتى فى الشغل طول ماهى قاعدة على المكتب ماتحبش شكل القلم موعوج حتى لازم ترتبة وتنظمة ايديها شغالة لوحدها نفسى ابقى كدة ومش عارفة ازاى لو حد يعرف يا ريت يقولى
وبالنسبة لموضوع التحدى اةةةةةةةةةةةة انا مش قدة الموضوع عندى صعب شوية حياتى ونفسى لازمهم ترتيبات كتير قبل التحدى دة ادعووووولى

السلام عليكم

ازيكم جميعا؟

تقريبا مش كتير اللي يعرفونى بس انا تقريبا برضو عارفه اغلبكم من متابعتى وان كانت غير منتظمة وفي صمت

والحمد لله استفدت منكم كتييييييير وكان نفسي اشارككم من زمان مع وجود الروح الاخوية الحلوة ما بينكم ويارب تقبولونى معاكم

يمكن لعل وعسى الواحد ينتظم مش بس في المشاركة لا كمان في التغيير لان كتير اوى بحس بفتور

وياريت كبدايه تقبلو منى الكتاب ده

هوا حلو وهيعرفك عالانماط الشخصية ليكى ولكل من حولك

http://www.saaid.net/book/open.php?cat=98&book=4987


اه معلش نسيت اعرفكم بيا
انا اسمى هبه وربنا رزقنى ب عمر عنده 10 شهور ومطلع عينى نوم بالنهار وسهر طول الليل
ربنا يهديه

ابشري اخيتي امرك

السلام عليكم جميعا يار ب اشفي جميع مرضي المسلمين ده اولا لان سبحان الله تقريبا كل واحده فيتا عندها حد مريض
ايمان مدخلتيش تاني تطمنينا علي بودي علي فكره كنت بسمع دايما ان الولاد اشقيا وفعلا لما الاستاذ يوسف شرفنا اكتشفت ان روان وديه بنتي الاولي ملاك بالنسبه له
يا جماعه ربنا يخليكوا كلكوا ادعوالي ما كونش حامل لحسن هاموت من الرعب علي فكره انا اسمي رشا للي مش عارف انا هاقوم اطبخ دلوقتي لاني بصراحه صحيت اتابع الجديد في الملف لاني مش بتابع كويس الجمعه لان جوزي بيكون محتكر الكومبيوتر لكن الحمد لله امبارح ظبطنا الجهاز القديم علشان روان تلعب عليه وجبنا اختراع كده يخلينا نستعمل النت برضه علي الجهاز التاني بدون اسلاك وياريت تدعولي
بالنسبه لكتابك شهيده انا قريته قبل كده بس شايفه انه مش كل الناس تقدري تحددي شخصيتهم بسهوله فيه ناس بتكون واضحه وناس الخليط عندهم بين الشخصيات بيكون جامد ولو تحبي انت او اي حد يقرا الكتاب نتناقش فيه