كمان عندك حق بس انا مثلا بسيب المفروشات الشيك و الديكور الشيك لمنزلي في مصر بس و الحمد لله بحاول استعمل كل حاجة لأن داء التخزين داه فعلا بعد شويه حيبقي مرض من دون اي استفادة

السلام عليكم ورحمة الله وبركاته
كل البنات سلامى للجميع
مادو الغيبه طولت طمنينا عليكى
عطر وشيمو مش كفايه مادو انتو فين
أم البنات جزاك الله خيرا على كل ما كتبتى ومشكلة الصداع انا ربنا يهونه عليا ويشفى الجميع وربنا يطمنك على اختك
واخوكى ويشفى جميع مرضانا ومرضى المسلمين
بيليكان حمد الله على السلامه منتظرين يومياتك
بوتا جيبى الموكيت وقصيه نفس مقاس السجاده وهاتى خيط قطن سميك وابره كبيره
وخيطيه بايدك فى ظهر السجاده حا يحافظ عليها ويثبتها فى الارض ويعطيها سمك اعلى
فيميل افضل طريقه للبانيه هاتى كيس وحطى فيه البقسماط مع دقيق وخرجى الفراخ من التتبيله
على الكيس ورجى كويس جدا حا تحافظى على ايدك وفى نفس الوقت الفراخ بيثبت عليها البقسماط اكثر
وبتكون زى الجاهزه وميزة الدقيق بيحافظ على ثبات الخلطه لان البقسماط لوحده بيقع
بالنسبه لشفط روائح القلى اولا لازم فتح الشباك والشفاط وبعدين تحطى فحمه على
البوتاجاز لكن بدون ما تشعليها بتمتص روائح القلى
وكمان بعد ما تنتهى من القلى لوعند حله قديمه حطى فيها ماء وكمفرت وسيبيها تغلى غلى النار
وريحة البيت كله بتكون رائعه
طريقة كريم الشعر المنزلى
مقادير متساويه من زيت الجرجير وخروع وصبار ولوز مر وزيت زيتون وقطعة شمع عسل بحجم عين الجمل
وبيكون عند العطار
نضع ماء فى وعاء وعليه وعاء آخر وعند غليان الماء نضع الزيت واحد تلو الاخر ثم قطعة الشمع
ونقلب جيدا ثم ينقل فى علبه فورا
لعلاج قشرة الشعر عصير الجرجير يعصر فى الخلاط ويضاف لاى زيت ويدلك به الشعر
طريقة عمل شامبو منزلى مغلى ميراميه وبابونج ثم نضع فى الماء المغلى صابونه بزيت الزيتون لكن مبشوره
مثل صابون الغار او نابلسى
ويقلب حتى يذوب الصابون تماما ويعبى فى علبة شامبو
وكنا قلنا فى الملف السابق عن بلسم للشعر طبيعى بعد غسل الشعر
ملعقة زيت وملعقة عسل وملعقة كريم شعر يوضع عشر دقائق ثم يشطف
رونى جزاك الله خيرا سيره عطره وجو ايمانى جميل
ام سوسو يومياتك ماشاء الله جميله
انا اعرف ان العراقيات مشهورين ما شاء الله بجمال الشعر فلو عندك وصفات طبيعيه ياريت تقولى لنا عليها

لكل الى رد على سؤالى
انا مبسوطه انكم اديتونى وجه نظر اخرى من الموضوع كانت غايبه عنى
فعلا
فيه مثال وقفت عنده
سلفتى مع انشغال زوجها وبتعاتبه قالها بصى فلانه جوزها مسافر على طول قالتله لا تقارنى بها دى دخله على الاربعين سنه لكن انا لسه صغيره 24 سنه وانها اصغر واحده فينا وبتعتبره ميزه فيها
فكرت هو احنا بنقيس كبر الانسان بسنه ولا باءيه طب فيه ناس مش بيبان عليها خالص سنها وفيه ناس تشوفيها تديها اكتر من سنها بكتير ويا ترى دا راجع لايه اعتقد الموضوع داخل فيه حاجه اسمها العمر البيلوجى وكان د عادل عبد العال اتكلم عنها ان سنى مثلا دلوقتى 30 لكن عمرى البيلوجى مثلا 40 سنه طب ليه
الى انا فاكراه ان بيفرق والى بيقلل السن هو ممارسه الرياضه باءنتظام النوم كيفيه تعامل الانسان مع المشاكل الطعام الصحى بناء علاقات قويه كونى ايجابيه اجعلعى ذهنك نشطا
ولو حابين تفاصيل اكتر ممكن كل يوم اقول نركز على حاجه لان الموضوع طويل
الشاهد والى استفدته من كلامكم اننا ممكن يفضل قلبنا شباب وتفكيرنا هو الى بيكبر واهدافنا بتبقى واضحه اكتر ومركزين وناضجين واننا منضيعش وقت فى اشياء لا تستحق زى المنازعات مثلا
دعوه
صغرى عمرك البيلوجى ووثقى علاقتك اكثر بالله
عايزين نعيش صلاتى ونسكى ومحيايا ومماتى لله رب العالمين
طيب ايه هيا بقا اهدافنا الواضحه جدا والمغربله على غربال سن الثلاثين
بانسبه لى دينيا عاوزه احفظ القرءان علشان اخده معايا القبر انيس لى
معلش لو الافكار مش مترتبه
وعلى شويتين الفلسفه دول اصل الحاله المزاجيه كانت طالبه كده هههه
واكيد ايمان هتظبط الموضوع
وماما زوزو كمان هتدينا الخلاصه والزبد اسال الله العظيم ان يفك كربها وكربى
امين


عذرا على الاطاله ولى معكم حديث اخر
السلام عليكم

لمسه بسيطه تقلب الزوج الغاضب الى زوج عاشق..
الكي يا أختي إيجابيات كثيرة تتحقق بالتزام الزوجة الصمت عند غضب الزوج
فسماعك لكلمات لا تسرك من قبل الزوج ..ليست نهاية العالم...
ولكنها حالة تعتري الزوج قد يكون فيها محقا وقد لا يكون كذلك فالزوجة الذكية
..هي التي تستطيع تحويل الغضب الى رضى لمسة هادئة ألا وهي ...


لا تنفعلي عند غضب الزوج ..ستجدين مايسرك ...




اللمسة الأولى :-
كوني مثل الزجاجه النقيه امام اشعه الشمس الحاره
تنفذ من خلالك ولا تنعكس . ؛؛ لتحرق غيرك بل كالقوارير التي
اذا ما ارسلت اليها اشعه الشمس ..ازدادت جمالا وسرقت القلب
بنحناءاتها وتثنيها
كما علمنا الله سبحانه وتعالى ...
كما قال الله تعالى :-
(وَالْكَاظِمِينَ الْغَيْظَ ) 134 آل عمران


اللمسة الثانية :-
. مدح الغاضب والثناء عليه !!! ينهي على الغضب تماما.
مدح الغاضب والثناء عليه يقضي على الغضب . ويولي الغضب هاربا منه
بل يحوله الى رضى كامل
حاولي ان تفاجئي الزوج عند الغضب بكلمات المدح قبل ان تتفوهي باي
كلمه اخرى


مثال على ذلك :-
(اذا نادى عليكِ وهوفي قمة الغضب وذلك يوضح في نبرات صوته
؟؟؟؟..قولي له.::::---
نعم قلبي ....نعم عمري ...
نعم حبي .. تؤمر على شيء !!!! ستقطفين ثمرتها ياذن الله تعالى
في نفس اللحظة ..وستصبحين من المحسنين عند الله ...



كما قال الله تعالى :-
(وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ )
(134) آل عمران




أتعلمين عزيزتي في هذه الكلمات الطيبة أنقذت نفسك من النار


كما قال صلى الله عليه وسلم :-
(اتقوا النار ولو بشق تمرة ، فمن لم يجد فبكلمة طيبة ) متفق عليه ..


اللمسة الثالثة :-
إياك ياغاليتي والتباطئ ..
ايها الزوجـه .. اطفئي غضب الزوج بسرعة التجاوب . فإنه
كالنارالملتهبة تلتهم كل ما
امامها . تخلصي مما وقعت من الخطأ في الحال امام الزوج وان رافقه
اعتراف بالخطأ فهو افضل . واياك ان تعترضي عليه بانه هو السبب في
وقوعك
بالخطأ أو انه يتعمد بالبحث عن اخطائك
تسابقي الى التخلص من المغضبات ، وسترين إبتسامه باديه على محياه
ولكنه يحاول
يخفيها ومسارعتك في ازالة غضبه ؛؛ستمكنك من قيادته وتربع على عرش
قلبه وهذا هو المطلوب !!!


اللمسة الرابعة :-


قلبي عليــك ..
اظهري حرصك الصادق على مصلحته عند الاعتذار فستصبحين المستشاره
الاولى له ..
اذا اعترض الزوج على تصرف بدر منك فحاولي تقنعيه ان هذا التصرف
فيه منفعه له فعددي له منافع يشعر ان قلبك عليه .. لا
تحديا ولا ذله وابدي له بإمكانيه التراجع مع حرصك ان لا يطلب
منك التراجع من أجل تلك المنافع .لكي لا يشعر انه تحدي له .
بهذا أنت الرابحة أيتها الزوجة الغالية ربحت رضى الله ورسوله


كما قال رسول الله عليه وسلم :-
(عن أبي هريرة رضي الله عنه قال : يارسول الله ! أي النساء خير ؟
قال : ( التي تسره إذا نظر ، وتطيعه إذا أمر ولاتخالفه في نفسها ولامالها بما يكره ) رواه الحاكم



اللمسة الخامسة :-
مواقفه الغاضبه
..بيني لزوجك ان السبب الذي أغضبه هو محق فيه لتشاطريه همومه ..
ولتجعليه يطرح
عن كاهله اغلب مافي نفسه من ضيق . فستهدأ نفسه بسرعة !!!..


اللمسة السادسة :-
الحب لا يحتمل التحدي ..
عدم احراج الزوج لحظة غضبه هي وحدها ؛؛مكسب كبير؛؛ كم يشعر ان
قلبك كبير وان
العلاقه... ليست تحدي إنما موده خاصه!!!.. اذا وجدت له مخرجا من
الحرج الذي وقع فيه
لحظه غضبه فقلبه فسيرتاح إليك ويعمل على ان يقدم الكثير لك ولكن
بدون ان يشعرك
أنه يشكرانقاذك له حفاظا على عزة نفسه .




اللمسة السابعة :-
. دعوة صادقه لحظة غضبه تفتح كل ابواب الرحمة وتخمد الغضب .
إبتهلي الى الله تعالى لحظة غضب الزوج . فقلب الزوج بين اصبعين
من اصابع الرحمن يقلبه كيف يشاء .
وافتقري الى ارحم الراحمين بقلب مملوء بالرجاء لاخماد غضبه فان
رحمته وسعت كل شي ..
أما قال ربنا جلت عظمته


قال الله تعالى :
( أَمَّنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ)

السلام عليكم ورحمه الله وبركاته
سها انا معاكم في الذكر ان شاء الله
عايزه اسأل البنات اللي في الرياض ؟ايه احسن الاجهزه اللي ممكن اشتريها من هنا احسن يعني من مصر في الاسعار وفي الجوده كمان ,وازاي بتودوها مصر يعني بتنزلوها معاكم ولا بتشحنوها لو بتشحنوها ممكن تقولولي علي اسم مكتب الشحن لأني شحنت شنطه مصر وراحت متبهدله ومفتوحه والحاجات اللي فيها متوسخه وفي حاجات ناقصه,
وسلامي لكل البنات واحده واحده