ام البنات
دى طريقه رانيا ربنا يمسيها بالخير
نص كيلو فول مدشوش يعني بيبقي متكسر و من غير القشره
ربع كيلو حمص
ننقعهم في مايه و الاحسن 6 ساعات
2 بصله كبيره
5 قصوص توم كباااار
ربطه من كل من بقدونس و شبت و كسبره و ممكن بصل اخضر
البهارات ملح و فلفل و كمون و كسبره ناشفه
كل ده بيتضرب في الكيتشن ماشيين مرتين لخد ما يبقي ناعم جداااااا
قسميه في اكياس في الفريزر
ووقت القلي ضيفي عليه بيكربونات الصوديوم و بيضه
بى انا عملتها ببصله واحده وزودت بل اخضر
ومرة عملتها بكرات وكسبره وبس وطلعت حلوة برده
المهم توازنى فى لون الاخضر بتاعها عشان الخضرة الكتير بتخليها تشرب زيت
ولو خضار قليل مش بتبقى حلوة
الكيكه اعتقد اللى بالكاكاو هتبقى احلى جربيها هتظبط ان شاء الله
عطر
قوليلى ايه اللى بحل فى الكيكه وانا اقول لك الغلط فين
انا بقالى 3 سنين بعمل كيكات غلط هههههه يعنى مفيش غلطه معملتهاش
فممكن افيدكم
شيماااااء
انا طبعت الوصفات بس لسه مقراتش عايزين اللى ينفز حاجه وتطلع حلوة يقول لينا بقى

طيب يامادو عاوزة طريقة كيك شكولاتة بصوص زى الجاتوة

مادو دول نصابين خدي بالك اوعي تجيبي منهم حاجة

ميرسي يا منمن متحرمش يا قمر انا بسلقه برده

مادو حمد الله على السلامه
جزاها الله خيرا رانيا على الرابط ال عن طريق هايا ونفسى رانيا تكون معانا
ام البنات طريقة البطاطس البيوريه تقشرى البطاطس وتلسقيها
وتصفيها من الماء وعليها ملح وفلفل وحليب وتضربيها فى البرسيسور
ولو ما فيش يبقى يدوى تنعميها خالص وبعدين تدهنى صينيه زيت وجزء من البطاطس
ولحمه مفرومه وباقى البطاطس وعلى الوش رشة بقسماط وعلى الفرن
وممكن تحشيها بدل اللحمه جبنه رومى مبشوره
صوص شكولاته سريع علبة قيمر ال هو قشطه مع سكر حسب الرغبه وملعقة اكل كاكاو
وتقلب جميعا على النار وتضيفيه على الكيك وممكن بدل الكاكاو نسكافيه
وطريقه اخرى كوب حليب وقطعة زبده صغيره وملعقة كاكاو وملعقة نشا
وكله على النار لحد ما تلف وتضاعفى المقدار على حسب حجم صينية الكيك
خلاص متصالحين
ميرو ما شاء الله عليكى اجمل ما فيكى كله فى السريع المريع
ربنا يبارك لك فى بنتك وابنك
البنجر هو مفروض نى افضل لنقص الحديد لكن انا لسه سلقاه لانى مليت منه نى
لكن بيجيب برده نتيجه سريعه وممتاز لنقص الحديد
وفى حاجه مهمه لو بتاخدى فيتامينات حديد ممنوع قبلها تكونى شربه حليب او زبادى
لان اى حاجه فيها كالسيوم وبعدها حديد ممنوع
سمعتها من دكتور وقرتها فى النت واى دتور يقول خدى الحبايه مع حليب عشان الم المعده
فا اتكدوا من صحة المعلومه دى
يالا سلام واحاول ارجع تانى

ام البنات.....الطعمية بتاعتى تختلف المرةدى عن بتاعت مادو ... انا حطيت المقدار كله حمص ... والحمص على فكرة مسلوق وعلشان تدى نفس قوام الطعمية ممكن نزود شوية مية "شوفتها فى برنامج اجنبى"....وانا كمان بضيف بيض وبيكنج بودر وباقى الطريقة زى بتاعة مادو
مادو ....انا كمان يا قمر الكبة بتاعتى مش بتنعم اوى خلى حد يشوف لنا حل احنا الاتنين