بالنسبة للاعمال اليومية

غسيل التواليت والحوض

توضيب السرير وتهوية حجرة النوم وافراغ باسكت الزبالة وكنس الغرفة

توضيب الصالة وفتح الشبابيك وكنس الارض وافراغ الباسكت

توضيب المجلس وتهويتة وكنس السجادة وتلميع كل قطع الاثاث فى غرفة النوم والصالة والمجلس على السريع

تجهيز الغداء وغسل الصحون وتنضيف المطبخ ومسح الارضية وبالنسبة للمطبخ دة بتكرر معايا لانى طول منا بطبخ بغسل اى طبق او

اى معلقة استخدمها وبكدة ميتكومش عندى صحون غير اللى هناكل فيها وبس لان زى ماماما بتقول ايدى علطول فى الحوض وبجد دة

مريحنى والحمدلله

وبجد كل الحاجات دى بخلاف المطبخ مبياخدش توضيب نص ساعة اوساعة بالكتير وبكدة اول مبنتى بتصحى من النوم ميكنش ورايا اى حاجة

على فكرة طول منا بشتغل مداومة على الاستغفار والحمدلله

أهلا وسهلا بكم جميعا

انا معكم لا تنسوني

ام مريم
ما شاء الله عليك كنت بكتب شوية من اللي قلتيهم في حفظ الذاكرة
من كتاب صحيح الطب النبوي انتبهو صحيح
عشان فيه بعض الاحاديث الضعيفة

مدام وائل

لييييييييييية بس لييييية
احنا لسة بنحتفل بعيد الميلاد
هاااااااا تعرفي انه بدعة في الاسلام

والله انا لما كملت 21 سنة حسيت نفسي كبييييييييررة وقعدت اتحسر على عمري
الله المستعان
من بعد عمر 20 وانا مش عايزة احسب كم عمري خايفة الاقي نفسي كبيرة
الا وحدة تقولي كم عمرك والله سكت وقعدت احسب هههههههه:hahaha:
لقيت عمري 21 قلت ياااه الواحد كبر كده
حاجةمش بايدي
وربنا يوفقنا ويوفقكم
وعلى فكرة ما شاء الله معلوماتكم جميلة ومنتقية الحمد لله

اللي ناوية اعمله في يومياتي اليوم

تنظيف المطبخ تنظيف شامل من الالف لليااااااااااااااء
والصالة >>سهلة شويه
وغسل الحمام
وتجهيز الفطار لان زوجي صايم
واقعد احفظ شوية

هبة
والله معرف الاحاديث ضعيفة ولا لا انا نقلت المعلومات دى من موضوع تانى

بس هدور واتأكد

بخصوص السن

انتى لما وصلتى 21 بدأتى تقلقى امال لما توصلى 30 هتعملى ااية؟؟؟؟؟؟؟؟


اهم حاجة العمر دة ميعديش على فاشوش يعنى

(اعمل لدنياك كأنك تعيش ابدا واعمل لآخرتك كأنك تموت غدا)

وبعدين ياسيتى انتى لسة صغيرة اهم حاجة متضيعيش ولا ثانية من الباقى (العمر الطويل ليكى ياااااااااااااارب) الا وانتى محتسباها لوجة الله

وبالمناسبة انتى بتحفظى اية دلوقت لانى كنت بفكر اراجع اللى انا حفظاة وبعدين فكرت ابدأ بسورة البقرة يعنى يمكن نشجع بعض

ماشاء الله عليكم ولاحول ولا قوة الا بالله اللهم إجعلنا ممن يسمعون القول فيتبعون أحسنه
والسلام عليكم ورحمة الله وبركاته،،،

السلام عليكم ورحمة الله وبركاته

اهلا يا ام مريم معانا يومياتك جميلة ما شاء الله بس انا مش فاهمة مين المقصود بالعسل انتي ولا مريومة عايزة توضيح لو سمحتي :D:hahaha:

يومياتي
الجمعة
طبقت الغسيل وعلقت كمية هدوم مش طبيعية وروئت البيت على السريع وعملت فخدة ديك رومي مع رز بالخلطة والحمد لله اول مرة يتزبط معايا كل مرة بيكون مش مستوي اوي وببئى مش عارفة السبب المرة دي زودت نص كباية ماية بالغلط بس اتزبط وسلطة وشوربة لسان عصفور وبطاطس محمرة متكلتش للاسف (سؤال اعتراضي البطاطس المحمرة ليها اي حل لما تبرد يتعمل بيها عشان بستحرم ارميها وببئى مش عارفة اعمل ايه)

السبت
نضفت البيت كويس وطلعت البطاطين والسجاد والمطبخ والحمام مع الست اللي بتجيلي وعملت مكرونة بالجبنة وانا بجمع الاوانص والكبد بتاعة الفراخ كل كام فرخة على بعض واسلقها نص سلقة وبعدين اشوحها في زيت مع بصلة مبشورة وتومة وطماطماية وفلفلة رومي كأنها شاورما يعني واسيبها تستوي وبعملها يا اما في العشا سندوتشات يا اما جنب المكرونة كدة وسلطة وبطاطس

وبعدين نزلت ادور على لبس تنكري للست كوكي عشان عندها حفلة في المدرسة ودخت على كل محلات لعب الاطفال مش لقيت حاجة مناسبة يا اما ديزني غالي اوي 170 ج كتير اوي على يوم يا ما حاجات رخيصة اوي وسيئة جدا مش لاقية حاجة وسط فاضل محلين تلاتة كدة هنزل ابص فيهم دعواتكم الاقي حاجة معقولة