miro :

صحيح يا بنات انا عندي مشكله فظيعه مع الرضاعة صدري متبهدل وملتهب ومش قادرة خالص وتقريبا اللبن مبقاش مكفي شيكو فكل نص ساعة يصحى عايز يرضع لدرجة اني عيطت امبارح من الوجع اعمل ايه مش راضي ياكل قبل ما ينام علشان يشبع ولازم ينام على صدري وماسك في رقبتي كاني هطير تعبت بجد ويادوب اتعدل علشان اقوم يفتح عينه ويعيط الظاهر انه مش مامنلي وحاسس اني هطفش منهم قريب بجد مش عارفة اعمل ايه ومحدش يقولي افطميه لانه لسه سنة وشهر وقلبي مش جايبني وكمان مبيشربش لبن تاني ابدا ولا بيحب الببرونة (ويحبها ليه مهو في البديل المعزة الخصوصي اللي ابوه جبهاله) قفلتهالكوا بس مستنيه بصيص امل منكو او اي فكرة تريحني

صحيح يا بنات انا عندي مشكله فظيعه مع الرضاعة صدري متبهدل وملتهب ومش قادرة خالص وتقريبا اللبن...

سها الاسكندرانية :

السلام عليكم ورحمة الله وبركاته أزيكم يا أحلى بنات عاملين ايه أن شاء الله تكونوا فى أحسن حال .بسم الله ماشاء الله الملف فيه معلومات جميلة ومتنوعة جزاها الله كل الخير كل من كتبت وأعطت معلومة تفيد بها اخواتها فى الله. أقولكم عملت أيه فى الايام اللى فاتت (أل يعنى حد سأل عليا) الحمد لله لؤلؤ وعمور أنتهوا من أمتحانتهم يوم الاثنين (فى أولى أبتدائى):39: وطبعا كنت مشغولة بمذاكرتهم لحد ماانتهوا قلت فى نفسى خلاص يابنتى أنتهيت من مذكرتهم أنتبهى بقى للبنتين الكبار والبيت رحت داخلة طوالى على المطبخ علشان أحضر الغداء عملت سمك مقلى ورز صيادية وبعد الغداء أخذت راحة بسيطة من وقفة المطبخ. طبعا معروف شكل المطبخ بعد تجهيز وجبة سمك (من الالف للياء) قلت لنفسى يابنت الحلال مافيش فايدة وراكى وراكى تنظيفه استعنت بالله وغسلت كوم المواعين اللى فى الحوض وغسلت الحوض وخليته يبرق وفى نفس الوقت نظفت البوتجاز . تصدقوا يابنات نفسيتى أرتفعت بعد مانظفت مع أنى كنت جاية من شغلى تعبانة ومرهقة . _قبل ما أنسى أنابنظف البوتجاز والحيطان والابواب بمحلول النوشادر ده أنا بأعتبره قاهر الدهون والاوساخ (ندوب ملعقة أكل نشادر فى كوب ماء ونقلبه كويس ونضعه فى زجاجة ) وأستخدميه . _enn بما أنك عايشة فى بورسعيد وانا أعرف البورسعيدية زى الاسكندرانية فى عمايل السمك وحبهم للسمك ممكن تقولى لينا شوية أكلات بورسعيدية ولى طلب ممكن طريقة كشك الجمبرى والملوخية بالجمبرى . _عرفنا البيض المدحرج طريقته ازاى ممكن ياام مريوم العسل تقولى لينا طريقة البذنجان المدحرج. سبنش فلور ممكن تقولى طريقة سلطة الكابوريا والسمك الفيليه فى الفرن _بنات عايزة أعرف ازاى أستعمل ملح الليمون ( طريقة تحضيره) شكرا لكن مقدما . النهارده أخدت أجازة من الشغل ( حأكمل المطبخ وحاعمل أكل ليومين ناوية باذن الله أعمل قلقاس وملوخية ولحمة محمرة _حخلى اللحمة بتاعة بكره فى شوربتها علشان بكره أعملها بالثومة وطريقتها سهلة دق الثوم مع الفلفل الاسود بدون ملح علشان اللحمة هنا مسلوقة ونشوح التوم فى شوية زيت لحد مايبتدى يلون وبعدين أضيف علية قطع اللحم المسلوق)وساعات لما يفضل عندى قطع لحم من من وجبة غدا باعمله بالثوم أو نشوح بصل وبعدين أضيف عليه شوية ثوم وبعدين نضيف اللحمة عليهاونقلب كويس ونضيف شوية ماء ونتركهاتستوى شوية أنا بحب أحط لها شوية زعتر زى التقلية الصعيدى _سلام كبير لأختنا الفاضلة بيلكون أنا متبعاكى ومواضيعك الجميلة أهلا وسهلا ومرحبا بيكى _عطر أنا ساكنة فى الحضرة الجديدة . -أختنا أيمان فينك . أنا كلمت كتير معلش أستحملونى وعندى كلام أكتر بس أترككم فى رعاية الله وامنه وأروح على مطبخى سلام:27:

السلام عليكم ورحمة الله وبركاته أزيكم يا أحلى بنات عاملين ايه أن شاء الله تكونوا فى أحسن حال...