ربنا يشفيه و يعافيه و يقؤ عينك بيه و إن شاء الله هيبقى زى الفل متخافيش



حلوة الأكله ديه يا عروس ربنا يسهل و نجربها
و بالنسبة للمقالة بتاعه التربية الجنسية طبعا جزاكى الله خيرا عليها ما شاء الله تحفة و ربنا يقدرنا و نطبقها



معلش يا جميل طيب انا كمان عندى المشكلة ديه جدا فى الليفنج السجادة مش بتنضف خالص من روان و دايما بجيب فرشة سجاد تقريبا كل يوم و انضفها بس البقع مش بتروح و خصوصا بتاعت الأكل و ان شاء الله هاجرب خلطة خل الليمون و البريل لأنى مش بجيب الفيرى بس سؤال هل أزود عليهم ميه و لا ايه ؟؟؟

إيمان ................ جزاكى الله خيرا يا جميل و ربنا يدبرلك حالك فى الخير دايما يارب و ينولك خير الدنيا و الأخرة

ميرو ................ بصى شهاب ما شاء الله دلوقتى كبر و ممكن تشربية لبن بس مش فى الببرونة لأ فى الكوباية بتاعت البيبهات و هاتيها لو نها حلو و عليها رسومات و اشكال عشان يحبها و بعدين لو مش بيحب طعم اللبن ابقى حطيلة عليه اى حاجة مثلا عصير برتقال او فراولة او مانجة او حتى معلقة تانج او تمر مهروس
و لو مش عايز يبقى اعمليلة رز باللبن أو عاشورة او مهليبية او حتى كستر المهم ياكل حاجات فيها لبن
بس مش ينفع يرضع كده على طول من غير لن خارجى و خصوصا ان فى السن ده السنان بتتطلع و محتاج كالسيوم اكتر


بيليكان ................ انى بجد تحفةةةةةةةةةةةةةةةةةةةةةةةةةةةةةةةةةةةةة بجد حالةةةةةةةةةةةةةةةةةةةةة بس جميلة
و بكرر ربنا يعينك و يهدهملك و يباركلك فى أولاد و يديكى الصحة يارب و يصبرك
و يومياتك جملة ةو مليئة بالأحداث المثيرة و الملئية بشغب الأطفال ام


ام سوسو ............ ما شاء الله ربنا يزيك ايمان و يتملك صلاح الدنيا و الأخرة

و كل البنوتات هايا و رشا و لميا و ام البنات و مادو المختفية و نيرفانا و سها الأسكندرانية و شيمو و نيرفانا و معلش لو كنت نسيت حد بسلم عليكم كلكم

السلااام عليكم
ما شاء الله على النشاااط

انا الحمد لله ابتديت حملة التنظيييم وعايزة بجد اشكركو على الموضوع الرااائع ده
انا من زماان وانا بقرأ افكار التنظيم ووو المنتديات مليانه و نفسى ابتكر افكار للتنظيم او اطبق حتى من اللى قريته ...كنت دايمآ باكتفى بالترتيب العااادى اللى متعوده عليه

الحمد لله انه دلنى على الموضوع ده انا بجد اتحمست جدآ وابتديييييت

اول حاجه بالمطبخ
فرشت الدواليب المفارش المنقوشة اللى بتتباع بالمتر واعدت ترتيب الحاجه كلها وخصصت مكان للعلب اللى كانت متوزعه فى كل حتة اما درفة التوابل والبهارات حطيت فيها فل عشان احط العلب الكبيرة عليها والصغيرة قدام وفعلآ انا كنت بانسى حاجات كتييير مستخبية
اما التلااااجه
استفدت كتير من مسابقة الثلاجه ونظمتها وبرده فرشتها بالمفرش خلى شكلها حلو اخدت عهد على نفسى انى محطش ابدآآآ حلل فى التلاجه اى بواقى اكل احطها فى علبة
والخضار كله يتغسل ويتصفى فى مصفى كويس ويتحط فى الدرج

قريت الفكرة دى عشان تمتص ريحة التلاجه وتخلى ريحتها حلوة
حطيت فحم متكسر معاه قرنفل وقرفة فى تل وربطه ووزعته فى التلاجه

واول امبارح كانت عندى واحده بتنفض بس كااان يوم عذاااب خلصت الساعه 10 بالليل!!!! انا كان هاين عليا امشيها بدرى من غير ماتخلص بس قلت علقة تفوووت

الحمد لله البيت رايق وكل حاجه متنظمة فاضل بقى موضوع الاكل الى مجننى كل يوم افتح النت واقعد بالساعة عشان اطلع اكلة جديدة لأنى زهقت من الافكار اللى عندى
وعاجبانى اوى فكرة المنيو لكن عايزة افكااار

اسئلة عاديه وطبيعية إذا كنت طبيعي

لماذا عندما تكون بطارية (الريموت كونترول) ضعيفة نقوم بالضغط بقوة على الأزرار؟؟
يعني بنشحن البطارية!!؟؟

لماذا نخفض صوت المسجل أو (الراديو) في السيارة عندما نشعر بأننا دخلنا بالطريق الخطأ؟؟؟
يعني كدة هنعرف الطريق الصحيح!!؟؟

لماذا نقول هدية مجانية؟؟ وهل يوجد هدية غير مجانية!!؟؟

لماذا عندما نكون داخل المنزل والسماء تُمطر نتسائل: هل السماء تُمطر برة؟؟
يعني عمرها مطرت جوة مش برة!!؟؟

لماذا عندما نقرأ على الحائط 'احترس من الدهان!' لا نصدق بل نجرب ذلك بأصبعنا؟؟
يعني اللي دهن الحائط لازم يحلف!!؟؟

لماذا عندما توقف سيارتك في موقف خالي من السيارات يأتي واحد بعدك ويوقف سيارته بجانب سيارتك؟؟
يعني يسيب الموقف كله ويوقف جنبك!!؟؟

لماذا عندما يتأخر المصعد نضغط عدة مرات على الزر؟؟
يعني كدة هيستحي على دمه ويجي بسرعة!!؟؟

لماذا عندما تكون منتظراً المصعد ويأتي شخص آخر تجده يضغط الزر أيضاً لطلبه؟؟
يعني انت كيس جوافة!!؟؟

لماذا نفتح فمنا عندما نقوم بإطعام الطفل الصغير؟؟
يعني إحنا اللي بناكل واللا هو!!؟؟

لماذا نشعر دوماً بأننا بحاجة إلى 10 دقائق نوم إضافية كلما استيقظنا صباحاً؟؟

لماذا يكون الشخص الذي يشخر ليلاً أول من تغمض عينيه؟؟
يعني مش كفاية شخير وينام بدري!!؟؟

ليه لما تكون قاعد في مكان عام وتسمع رنة محمول على طول تطلع محمولك..؟؟
يعني مش عارف رنتك واللا أنت حضرتك مهم أوي عشان يرن (موبايلك) بين كل البشر دي!!؟؟

لماذا نشعر بالنعاس ونحن نُصلي.. ولكننا نستيقظ فجأة ونشعر بالنشاط فور انتهائنا من الصلاة ؟؟؟؟؟
مش قادر على شيطانك للدرجة دي ؟ ان كيد الشيطان كان ضعيفا – آية كريمة - سبحان الله وبحمده سبحان الله العظيم

لماذا نسهر الليل كل يوم من أجل مباراة في كرة قدم أو مشاهدة فيلم أو مجالسة صديق ولا نسهر بقراءة القرآن أو الصلاة؟
ما يستاهلوش ؟ واللا انت مستكتر على نفسك الجنة ؟ عليكم بقيام الليل فإنه دأب الصالحين قبلكم ، و هو قربة إلى ربكم ، و مكفرة للسيئات و منهاة عن الإثم – حديث شريف – صلى الله وسلم على الهادي

ليه بدأت تحس بالملل دلوقتي لما الكلام دخل في دين الاسلام ومش عايز تكمل ؟ لكن كنت مبسوط وانت بتقرا النكت ؟
الكلام لسة هيحلو أكتر

لماذا نستيقظ باكراً من أجل العمل ولا نستيقظ من أجل صلاة الفجر؟
ركعتي الفجر خير من الدنيا وما فيها – حديث شريف – صلى الله وسلم على الهادي

لماذا نخشى مراقبة الناس لنا ولا نخشى مراقبة الله؟
غافر الذنب وقابل التوب ... شديد العقاب – آية كريمة - سبحان الله وبحمده سبحان الله العظيم

لماذا نُنفق الأموال الكثيرة للمتع والرحلات مع أنها زائلة، ونبخل بالصدقات على الفقراء مع أنها باقية؟
أصل الفقرا ممثلين ومايستاهلوش ... اشتري بيها نفسك ... الصدقة تطفئ الخطيئة كما يطفئ الماء النار – حديث شريف – صلى الله وسلم على الهادي

لماذا يصعب علينا الكلام عن الله تعالى وأمور الدين... ويسهل علينا الكلام عن باقي الأشياء؟؟؟؟؟
اللي بيذكر ربنا مع ناس ربنا بيذكره في ملأ من الملائكة ... ولذكر الله أكبر – آية كريمة - سبحان الله وبحمده سبحان الله العظيم

لماذا نقول أننا نُحب الله ونحن نعصيه..؟؟ ونقول أننا نكره الشيطان ونحن مطيعين له ولجنده؟
ان المحب لمن يحب مطيع – بيت شعر ليس الا

لماذا نمسح الرسائل الإلكترونية التي تتحدث عن الأمور الدينية... ونقوم بإعادة إرسال الرسائل العادية؟؟؟
حاجة بسيطة تتقل ميزان حسناتك .... دي الحسنة بعشر أمثالها ... بس اتأكد الأول من صحة اللي بتبعته وأهو يبقى الثواب مضاعف ... استنفعت ونفعت

لماذا نُحب سماع الأغاني بسياراتنا...؟؟ ونكره سماع القرآن فيها.
القرآن نور للصدر وجلاء للهم والحزن

لماذا نرى أن المساجد أصبحت شبه مهجورة... وأن المقاهي والاستراحات والملاهي أصبحت عامرة؟؟؟
ده المسجد بيت الله ... وربنا بيكرم زواره فهو أكرم الأكرمين

لماذا لا نُحب من ينصحنا ويُريد لنا الجنة...!!؟؟ ونبتعد عنه ونُحب من يقودنا إلى المعاصي ونتقرب منه وإذا افتقدناه نبحث عنه؟؟؟
واصبر نفسك مع الذين يدعون ربهم بالغداة والعشي يريدون وجهه ولا تعد عيناك عنهم تريد زينة الحياة الدنيا ولا تطع من أغفلنا قلبه عن ذكرنا واتبع هواه وكان أمره فرطا – آية كريمة من سورة الكهف لو بتقراها كل جمعة هتعرف - سبحان الله وبحمده سبحان الله العظيم

لماذا نذكر عيوب الناس دائماً وننسى عيوبنا؟
قبل ما تقول حاجة وحشة على مسلم افتكر ان الغيبة عقابها عظيم وقبل ما تظن السوء في حد ... التمس لأخيك سبعين عذرا ... يمكن يوم تتحط مكانه ربنا يعافينا

لماذا نبكي من أغنية صد وهجر ولوعة ولا نبكي من آية جميلة تذكر بالله وخشية الله؟
مش بننصت للقرآن مع انه حوالينا في كل حتة والحمد لله ... واذا قرئ القرآن فاستمعوا له وانصتوا لعلكم ترحمون – آية كريمة - سبحان الله وبحمده سبحان الله العظيم
ولو مش فاهم ايه رأيك تبص في تفسير مبسط ؟

لماذا نغضب إذا انتُهكت حرماتنا ولو بكلمة..؟؟ ولا نغضب من انتهاكنا لحرمات الله...؟؟
ما انتقم رسول الله صلى الله عليه وسلم لنفسه قط إلا أن تنتهك حرمة من حرم الله – حديث شريف – صلى الله وسلم على الهادي

هل ستفكر فيما قرأت ملياً؟؟ هل ستحاول أن تغيّر حالك؟؟
يا رب يهدينا ويهديكم جميعا ويغفر لنا ويثبتنا

هل سترسل هذه الرسالة لأصدقائك؟؟؟
براحتك ... بس أهي حسنة ... يمكن تكبر وتكبر وتشفع لك يوم القيامة ... الدال على الخير كفاعله – حديث شريف – صلى الله وسلم على الهادي

لا تقل فلان يعمل وفلان يقول ... أنجُ بنفسك فمن المؤكد لو أن نفسك تتحدث لقالت أرجوك لا تلقيني في النار.

دلوقتي أول حاجة قول .. أستغفر الله العظيم ... من قلبك

وحاول تتأكد من كل حديث وآية في الرسالة دي
ده موقع للبحث في القرآن الكريم وآياته
http://qurancomplex .com/

وده موقع للبحث في الأحاديث الشريفة
http://dorar. net/hadith. php


وبيقولك درجة الحديث ان كان صحيح أو حسن أو ما شابه ولا كذب وافتراء على النبي صلى الله عليه وسلم والعياذ بالله ....

قال رسول الله صلى الله عليه وسلم : من كذب علي فليتبوأ مقعده من النار – صحيح البخاري

ولا تنس أن تُعيد إرسال هذه الرسالة فتكون كصدقة جارية لجميع أصدقائك، ليقوموا بالدعاء لك ... دعنا نستمر بالدعاء لبعضنا البعض واكتساب الحسنات

أحبتي ... أسيبكم مع كفارة المجلس وأذكار خفيفة

سبحانك اللهم وبحمدك أشهد ألا اله الا انت أستغفرك وأتوب اليك
والعصر * ان الانسان لفي خسر * الا الذين آمنوا وعملوا الصالحات وتواصوا بالحق وتواصوا بالصبر
سبحان الله وبحمده سبحان الله العظيم
لا إله إلا أنت سبحانك إني كنت من الظالمين
أستغفر الله الذي لا إله إلا هو الحي القيوم وأتوب إليه

إذا ضاقت بك الدنيا فلا تقل: يا رب عندي هم كبير...
ولكن قل: يا هم لي رب كبير

قل هذه الكلمات الحلوة
اللهم صلي على محمد وعلى آل محمد كما صليت على إبراهيم وعلى آل إبراهيم إنك حميد مجيد
وبارك على محمد وعلى آل محمد كما باركت على إبراهيم وعلى آل إبراهيم إنك حميد مجيد

اما بالنسبة ليومياتى

امبارح بعد ما روحت و كان الغدا سوتية و فراخ بانية و سلطة بطاطس و عيش قعدت شويه مع بنتى و لعبت معاها
و علقت الهدوم كلها و وضبت أوضة النوم و حطيت الحاجات اللى عايزة غسيل فى سبت الغسيل

و بعدبن دخلت غسلت المواعين و روقت المطبخ و كان بقالى يومين نفسى فى كيك يكون فيه فراولة مش يكون تقليدى و كانت مادو الله يطمنا عليها سالتنى عليه

و امبارح قعدت ادور كده و ابحث فى المنتدى و شفت كيكة كده عجبتنى توكلت على الله و خدت منها افكار و طبقتها و طلعت من فضل الله تحفة و بعد ما عملتها قعدت شوية مع زوحى و بنتى و دخلنا ننام

الأول هاكتبلك الطريقة اللى عملت بيها و حطلكم الرابط اللى خدت منه الفكرة

المقادير :
3 بيض - كوب سكر - ملعقة صغيرة فانيليا - ملعقة كبيرة بيكنج بودر - كوب الا ربع زيت + 3 معلقة كاكاو خام + ربع كيلو كريم شانيتية + حوالى نص كيلو فراولة + كوب او كوب و ربع دقيق

الطريقة :
نضرب البيض + السكر فى الخلاط ثم الفانيليا و الكاكاو ثم الزيت و نضيف حوالى 8 حباب فراولة ليهم ( بصراحة الفراولة مخاتش اى طعم زفارة للبيض )

و نصيف البيكنج بودر الى الدقيق ثم نضيف اليه الخليط السابق و نقلب و نحطة فى صينية حوالى 24 مدهونة و مرشوشة دقيق او كاكاو
و نحطها فى الفرن لمدة من 30 الى 40 دقيق

و بعدين حضرى الكريم شانية سواء بالميه الباردة او باللبن البارد و اضربية كويس لحد ما يتماسك و يتحط فى التلاجة عشان يجمد شوية

ده الصوص بتاعها و انا مقلتش المقادير بتعته فوق :
و بالنسبة للصوص على حمام ميه نص قالب شيكولاتة خام ندوبة كويس و فى الخلاط نضرب معلقتين كاكاو خام و ربع كوباية زيت و ربع او نص كوباية لبن و نضيفهم على الشيكولاتة السايحة و نقلب كويس

لما تطلع الكيك من الفرن سبية يبرد خالص و ممكن تدخليه التلاجة و بعدين طلعية و اقسمية تلات طبقات و غطى او طبقى بالكريم شانتية و قطع عليه قطع فراولة و تقلبيها فى مربى او تحطى عليها سكر عشان الفراولة بتبقى حادقة و بعدبن تحطى الطبقة التانية و تكررى الخطوة و بعدبن تحطى الطبقة التالتة و تغطى الكلبك كله بالكريم شانتية
و بعدين تحطى عليه صوص الشيكولاتة بس يكون دافى مش سخن و تجملية باى طريقة تحبيها
انا حطيت عليها فراولة على الحروف و رشيت فى النص فستق مطحون و بالهنا و الشفا

و الرابط اللى خدت منه الفكرة اهوه
http://forum.hawaaworld.com/showthread.php?t=1539542

لسة عاملة قريب لحمة باردة كانت تحفه

بعد ماتنغزى اللحمة بالثوم وتغرزيها بالسكينة تبليها بملح وفلفل ويكونو خشنين والافضل انك ترشيهم على الرخامة وتدحرجى اللحمة عليها
حطى معلقة سمنة فى طاسة وحمرى فيها اللحمة واتأكدى انها اتحمرت كويس من كل الجوانب
طلعيها ولفيها فى فويل كويس اوى وحطيها تتسلق فى ماية مغليها بحط فيها فلفل ولاورا وبصلة

لما بتستوى بقطعها واكون عاملة صوص زى صوص البيكاتا بالماشروم (باعمله فى نفس الطاسة اللى حمرت فيها اللحمة)واحطها فيه ويادوب تغلى غلوة واطفى بتبقى تحفة وطرية اوى
بالهنا والشفا