معجزة – عودة صلاح الدين

مصطفى الجزار

ملتقى رابطة الواحة الثقافية


في القرآن ربّك قال للناس: "ادعوني"
علشان هوا كريم وبيِدّي
وف رمضان الناس بتصلّي
تملا الجامع في التراويح
وإْمامهم يدعي ويعيّط
واللي وراه بيقولوا: "آمين"
عارفين كانوا بيدعوا بإيه؟
كانوا كل صلاه بيقولوا:
يا الله
رجّع لينا صلاح الدين...
يا الله
دا احنا بشوق مستنيّين
يا الله
لو جالنا هنقوم واقفين
يا الله
نمشى وراه ونكون طايعين
يا الله
و نحرّر أرض فلسطين
يا الله
بس ييجيلْنا صلاح الدين
يا الله...
*******
ربك دايماً..
ربّ قلوب
بيحبّ العبد اللي بيطلب
وامّا لقى الملايين بيقولوا
رجّع لينا صلاح الدين
سبحانُه.. حقّق رغبتهم
ولقينا الأرض بتنشقّ...!!!
قُدرة ربّك
مين هيكدّب ويقول: "لأ"؟!
ولقينا فارس من نور
وحصانه بيجري ويْدُور
وف إيده السيف المتعافي
استعجِبنا...!!!
وسألناه: "انت اسمك إيه؟!"
قال بالفُصحى:
أنا يا قومِ صلاحُ الدينْ
قد أحياني اللهُ القادرُ
حين دعوتم
أنْ يبعثَني اللهُ إليكم
ها أنا ذا
قد جئتُ إليكم
لكنْ نُبّئتُ بأخبارٍ عنكم سيّئةٍ للغاية
كيف رضيتم أن يُنتهَك الأقصى فيكم؟!
كيف سمحتم للأعداءِ بهذا الأمر؟!
كيف تركتم بيتَ المقدس؟!
كيف قَبِلْتُم عَيْشَ الذلّةِ بينَ الناسْ؟!
إنى مِتُّ وأرضُ القدسِ مُطهّرةٌ من كل خبيث
وتركتُ الأقصى من زمنٍ.. منصوراً.. مرفوعَ الراسْ
فتنازلتم أنتم عنه... للأنجاسْ!!
لكن.... لا بأسَ... فقد عُدْتُ
وسنُرجِعُ جيشَ الإسلام
جيشٌ سوف يقودُ العالَم
أنتم.. جُنده..
هيا قوموا...
سوف نحاربُ.. حتى الموتْ
هل مِن أحدٍ يُبدي رأياً فيما قُلت؟"
*******
كل الناس كانت ف ذهول
م اللي بيحصل
واحد فيهم
اتقدّم لصلاح الدين
قال: "اسمحلي
إنت صلاح الدين وانا عارف
لكن آسف...
ما اقدرش أحارب ويّاك
أحسن أنا على وِشّ جواز
عايز اشوفلي يومين ف الدنيا
أبقى عريس..
أفرح واتمتّع و أهِيص
لكن حرب؟!!!
سلامُو عليكم... أنا مش فاضي"
*******
واحد تاني
قال: "اسمحلي يا عَمّ صلاح
إني ما اروحش الحرب معاك
عندي عيال عايز اربّيهُم
وانا غلبان
باقْطَع من جسمي وبادّيهُم
لو رُحت معاك -افرض يعنى-
مين هيأكّلهم مِن بَعدي؟
مين -لو رُحت معاك- يراعيهُم؟
أنا عارف.. ربنا موجود
هوا اللي بيرزُق... مش إحنا
بس انا خايف
والبَرَكه ف باقي الرجاله
هُمّا يسدّوا بدالي هناك
وانا هادعيلكُم كل صلاه"
*******
واحد تالت
قال: "انا تاجِر
عندي المصنع والدكّان
ومشاغِل أشكال والوان
أبقى عبيط لو سِبت مصالحي وْجيت ويّاك
لكن هابقى معاكو بقلبي
*******
واحد رابع...
واحد خامس...
سادس...
سابع...
عاشر...
ألف...
كل الناس قالوا: "آسْفين
رُوح وحدك يا صلاح الدين
أحسن إحنا مش فاضيين
لا لجيشك ولا لفلسطين
إيه يعنى أقصانا سجين؟
ما هو في السجن بَقَالُه سْنين
لو بالحرب هنُنصُر دِين...
يِبقى خلاص ما احناش عايزين
إحنا هنقعد منتظرين
وهندعيلَك بالملايين:
يا الله
إِبْعِد عنا صلاح الدين
يا الله
إحنا بحالنا كده راضيين..

يا الله...
*******
بعد ما قالوا كل كلامهم
بَصّ صلاح الدين بعينيه
مالقاش ولا واحد حواليه
يعمل إيه؟
الأرض انشقّت من تاني
علشان تاخدُه
مارضيش ينزل تحت الأرض
عايز يعمل حاجه ف بالُه
فوق "الأرض"
غَيَّر لِبْسُه
ولِبِس زيّ شباب القُدس
نفْس الشكل ونفْس اللون
كان متغاظ
من كل الناس اللي سابوه
جَمّع غِيظُه.. تحت هْدُومُه
ودخل وسط كلاب الأرض.. وفجَّر نفْسُه...
علشان يفضل
زي ما هوا... صلاح الدين
لكن ساب في القدس رساله
بيقول فيها
إنه حزين
علشان جيشُه ما كانش معاه
"جيش حِطّين"
و بيطلُب من كل الناس
اللي بيدْعُوا كل صلاه
لو طلبوه تاني ينصرهُم
لما يقولوا: "يا الله..
رجَّع لينا صلاح الدين"
لازم يدعوا كمان و يقولوا:
يا الله
عايزين جيشُه يكون ويّاه
علشان إحنا مش فاضيين
مش هَنْسِيب المال والجاه
مش هنسيب الدنيا الحلوه وْنِمشي وراه
يا الله...
مش عايزينُه ييجي لوحْدُه
لازم جِيشُه يكون ويّاه
لازم جِيشُه...
يكون...
ويّاه...

:44:

السلام عليكم ورحمة الله وبركاته
بسلم على الجميع ايمان منوره معانا انا بحط الطماطم فى حلة الضغط ومايه بسيط وتغلى غلوه بسيطه وبعد ما تبرد
اقشرها واضربها فى الخلاط وعلى الفريزر
دموع التائبه حطى فى البخاخ بريل وماء وملح ليمون وبيكربونا للسجاد والجدران وللاطباق نفس الخلطه وضيفى ملح
ام مريم انا عامله سكينه للحوم والدجاج وسكينه للخضار وسكينه لتقطيع البصلل وكمان القطاعه الشقوق ال فيها
بتكون خطر بستعمل صينيه استانلس بقلبها على ظهرها واقطع عليها خضار ولحوم
وانتبهى للكلور مش صحى ويجب عدم لمسه لليد نهائى يعنى خليه فى رشاش او علبة شامبو
بحيث ترشى بدون لمس اليد وجربى الخلطه ال فوق ملح الليمون والملح العادى والبيكربونات كلها معقمات طبيعيه
مرمر جديده معانا ربنا يكملك على خير وكل حوامل التجمع
ام عبد الرحمن يومياتك هايله انا حاسه انى شايفه الاحداث ربنا يعينك ويبارك فيهم
ميرو طول مانتى بترضعى حا يكون ده حالك انا بفطم سنه وشهرين لانى بكون تعبت وبيكونو منعين الاكل نهائى
لكن بعد الفطام لازم بيجوع وياكل
عطر بالنسبه للاسئله الجنسيه للطفل الولد بتكون الام لغاية تالته ابتدائى بتوجه ويتكلم معاها
بعد كده لازم الاب لان الولد بيخجل يحكى لامه فلازم يكون للاب دور ولازم تجاوبى لا مفر
ام البنات جزاك الله خيرا مقاله رائعه
بالنسبه لقيام الليل ممكن فى البدايه خليه بعد صلاة العشا كتعويد للنفس عليه
وبعدين خليه قبل ما تنامى بنصف ساعه خوفا من انك تأجلى لقبل الفجر بساعه
الشيطان مع التعب نفوت الخير العظيم فخليها قبل النوم ثم الشفع والوتر
وربنا يتقبل منا جميعا

روشانا قلبتى المواجع
قريت فى الجريده مقاله بتبشر المسلمين ان النصر قادم ان شاء الله وحال اهل غزه يشبه حال
المسلمين فى غزوة الخندق وربنا نصرهم وان شاء الله النصر قادم
واكبر دليل على قدون النصر ان المقاومه الفلسطينيه بقلة اسلحتها
وبدائية الاسلحه امام تجهيزات الجيش الاسرائيلى لكنهم صامدون ومستمرين فى المقاومه لان الله معهم
وفى نفس الصفحه مقاله اخرى للشعب الفلسطينى لازم تخضعوا لاسرائيل وتقبلو
حل السلام لان هل يعقل انكم حا تنتصروا على اليهود حكاية انتصاركو على اليهود دى فى الاساطير والاحلام
فرافة بالاطفال والنساء اقبلو حل السلام
وللاسف واقعيا الناس مقسومه جزئين جزء مع الراى الاول ومجتهده فى الدعاء
وبتزرع فى اطفالها حب الشهاده وحب المسجد الاقصى وهو مجهود بسيط بحيث اننا
نكون عملنا ما فى مقدورنا
والنصف الآخر كفايه بقى حرب هما فاكرين نفسهم حا يقدروا على اليهود

يا رب يا عروس ان شاء الله نصر الله قادم اجلا او عاجلا

لكن كل اللى انا متاكده منه انى مش مع الرأى التانى ابدا الرضخ للسلام المزعوم مش حل للمشكلة ابدا ومش هايبطلوا


امبارح شوفت حلقة لمحمد حسان على قناة الناس بيقول اليهود نقضوا العهد مع ربنا يبقى احنا متخيليين انهم هايصدقوا بعهدهم ووعدهم مع بشر ضعاف زينا مش هايحصل وشوفوا تاريخهم الاسود امتى صدقوا فى كلمة ولا اوفوا بعهد

وقال كمان انهم بيكرروا اللى عمله التتار زمان ولو المسلمين ما اتحدوش ووقفولهم هايعملوا فينا زى ما عمل التتار زمان ويتسلوا علينا بلد ورا التانية
و حكى عن التتار انهم قتلوا مرة مليون واحد فى 40 يوم

وقال احنا ماشيين فى الاتجاه ده


اللهم انصر الاسلام والمسلمين اللهم اعز الاسلام والمسلمين
اللهم عليك باليهود الملاعين اللهم ارنا فيهم عجائب قدرتك

بس انا بدعى ربنا وانا مكسوفة من حالنا وحال المسلمين اوى اوىىىىىىى :44: