عسولة:

هلا حبيبتي ، يا قلبي عليك و الله حزنتيني فعلا من شاف مصيبة غيره هانت عليه مصيبته ،، صدقيني انه الفترة اللي قاعدة أمر فيها من أصعب الفترات في حياتي و ان سميتها فترة تنمية علاقة قوية مع أبناءي ، و الله انه تجين لحظات و أقول وش الله حادني على كذا بس كل ما طالعتهم قلت هذولا أمانة عندي و ربي بيسألني عنهم و بيتعلقون في رقبتي يوم القيامة ، أنتي مريت في طفولتك بمرحلة صعبة و عرفتي زين قد أيش هي أثرت عليك ، يهون عليك انه عيالك يمرون بمثل ما مريتي و بعد كذا عيالهم و يقولون أهلنا علمونا كذا...

لازم توقفين هالتسلسل قبل ماتتحسفين ، و بالعكس عيالك مهوب كبار أصغر من عيالي ما تتصورين فرحتهم لما أقول لهم كلمة حلوة حتى أن أسلوب بنتي تغير بالمرة صحيح أنه ولدي متعبني بس النتيجة اللي طلعت بها مع بنتي مرة مشجعة ...

و مادام أبوهم معك لا تضيعيين هالفرصة و صدقيني سلوكياتهم تكونت في سنين و يمكن تحتاج لسنين أكثر علشان تتغير مهوب يوم أو ليلة و نقول تعبنا ، في البداية أتفقي انتي و أبوهمبحيث انك تركزين على البنت وهو يركز على الولد ، و بعدين كل حاجة بالتدريج ، وشوي شوي مو مرة وحدة ، يعني مثلا مع بنتك شوفي وش السلوكيات المرفوضة و أمسكيها سلوك وراء الثاني ، يعني ركز على سلوك معين وحاول تدرسينه زين و تدور الحلول المناسبة للقضاء عليها ، و أحرصي دايما أنه تكون تلك الحلول بشكل غير مباشر و هكذا ، حاول تقرين كثير في فنون التربية ، أنا بصراحة جمعت ملف كامل من مواضييع طرحوها البنات هنا في المنتدى الله يجزاهم كل خير و فادتني كثير ، و نفس الشيء خلي زوجك يسوي مع الولد ..

و من الحين بقولك بتتعبين كثير بس تراك أحسن مني ، يعني أنا حامل و ولادتي قربت يعني النفسية في الباي باي ، و ما عندي شغالة يعني شغل البيت كله على رأسي ، الحمدلله على كل حال...

النقطة المهمة اللي حبيت انبهك لها أهتمامك ببنتك الصغيرة دون أخواتها ممكن يخلق غيرة كبيرة منهم حتى لو ما وضحوا و بالتالي ممكن يكرهونها ، و ممكن تتجنبين هذا بأشراكهم معك في مسئوليتها خاصة بنتك ، وحاول انك لما مثلا تدلعينها أو تبوسينها أو تلعبينها أنك تقولين يووووه كنت أسويك كذا و انتي صغيرة كنت تضحكين علشان تعرف انه حتى هي كان لها نصيب من حنانك لما كانت صغيرة...

لا تضيعين الوقت أبدأ من الحين و لا تقولين حاولت بس ما فيه فايدة ، بس بالاول انتم لازم تتغيرون لانه عيالنا من وين يتعلمون يعني ، كل تصرفاتهم نابعة من تصرفاتنا ...

و تذكري:
تراهم أمانة عندنا فلا تفرطين فيها ...

و يارب يعينا جميعا و يسمعنا الاخبار الحلوة عنك و عن عيالك قادر يا كريم .... و عليك بالدعاء في دبر كل صلاة بأنه يهديهم و يسخرهم لكم و يسخركم لهم....


أم لين:

هلا و الله ، تسلمين ياقلبي على النصحية الحلوة و راح أطبقها أن شاء الله ،، بس اليوم ما أدري وش فيه علي ، كله ما يبغى الا أبوه و يجلس معه و انا مطنشني و لا يسمع مني ، و كل شوي أنا أحب أبوي و بس أو أنا ما أبغى الا أبوي ، مع انه أبوه هو اللي كان مخانقه و متهاوش معه و انا ما سويت له حاجة ، و خليته و نشوف بكرة وش بيكون رأيه بعد لانه أمس كان يقول أنا ما أبغى الا أمي و بس و انتي أحلى أم في الدنيا ،.. ( مو قلت لكم مزاجي ) الله يهديه أنا قررت اني أطنشه و ما أكلمه و أخلي أبوه هو اللي يسوي له كل حاجة من مذاكرة وعلاجه و غيره و فعلا بديت اليوم ، و نشوف أخرتها معه بكرة ....


الله يعين ، أدعو لي بنات و الله أحس اني تعبانة بالمرة ، بس أتوقع من الحمل و ان شاء الله لما أولد بتتسهل ، بس أدعو لي ييسر ولادتي و تعدي على خير....

عيون سعد

ما قصرتي والله ابصراحه كلامج فرحني وايد وحسيت ان فيه احد يشجعني او على الاقل يحاااااول يفهمني ويفهم مشكلتي مع اعيالي صرت اخاف اشتكي لاحد لا يضحكون عليي ويقولون اني مهمله او قاسيه ولا حتى مو قد المسؤليه.. بعد كل هالعمر.. من جذيه قررت احل مشكلتي بنفسي وان شاء الله باذن الله تنحل وتتغير المعامله واتمنلى اتمنى اتمنىىىىىىىىى ما يجي العيد الا واحنا عايله ثاااااااااااااانيه.. نصير فعلا عايله مو بس كلام.. نحب بعض ونسولف مع بعض ونضحك ونتمازح ووووووووو اشياء كثيييييييير ه ودي اسويها معاهم يا ربي يحقق لي امنياتي يا رب وانا راح اخذ بنصايحج يا عيون سعد وربي يوفقني ان شاء الله وانتي بعد ان شاء الله نسمع عنج اخبار طيبه يا رب.
مشكووووووره يا ام سعد وان شاء الله اتابع موضوعج للنهايه :)
وربي ييسر لج ويسهل عليج الولاده ويهونها ان شاء الله.

مرحبا عيون سعد
والله اعجبتيني الله لايضرك إمرأه عاقله, رزينه, مربيه,
تعجبيني دائما في طرحك

احب اساعدك بطرق للعقاب ,,,,,,,,,,,,,,شرانيه ,,,,,,,,,,,

ممكن تخصصين ركن بالبيت وتسمينه مكان العقاب او الحرمان

واذا اخطى احد يعاقب بالتزام الركن لوقت انتي تحددينه يعني خمس دقايق اوعشر واذا خلص الوقت لازم يتاسف ويصحح خطأه وطبعا تبينين له سبب العقاب
وممكن بدل الركن تحطين كرسي او قطعه زوليه

او تخلينه يجلس بغرفته ولايطلع الا بعد وقت بس طبعا مو بالساعات لا دقايق

اتمنى اني افدتك

جزاك الله خيررررررررر

اختي انصحج تسبحين و تستغفرين وخاصة بعد الصلاة وعلمي اعيالج على ها الشيء اشتري لهم سبحات وعطيهم صدقيني بيحبون ها الشي وايد
وانتي اقري كل يوم سورة البقرة بتتغيرين 360 درجة

وبتتغير حياتج وحياتهم وبتكون من اروع ما يكون

جربي ما بتخسرين شيء

بس لا تنسوني من صالح دعائكم