انصحك انك ماتكثرين العلاجات والخلطات عشان ماتملين بس عندي بعض النصائح لك:

مثلا الشعر : نصيحه اذا شعرك دهني لاتستخدمين الزيوت لان شعرك بينعدم
جربي تخلطين ورق الجرجير مع شوي مويه فللبلندر وحطيه على شعرك ساعتين مثلا وانتي تشتغلين 3 مرات فالاسبوع
ويفضل لو تحطين عليه فوطه دافيه عشان تمتصه الفروه
+
مرتين فالاسبوع االبيض مره رهيب


بالنسبه الشعر واللمعه استخدمي من لوريال شامبو لونه اخضر يعطيك فوليم
وكمان لاطراف شعرك استخدمي من لوريال حماما الزيت اللي بريحة الفراوله لونه وردي مرررره رهيب(يعني مو كل شئ زيوت واشياء طبيعيه عشان تلحقين ولعلمك الشامبو اهم شئئئ)

الرموش: زيت الخروع

الوجه: الماسكات اللي اقتبستيها كلها حلوه بس اختاري لك واحد سهل ومقاديره متوفره دايم عشان ماتطفشين واستمري عليه


الجسم: الرجيم .الرجيم... الرجيم
لامفر منه مع رياضة المشي كل يوم نص ساعه وزيديها حسب القدره بس اهم شئ االتزاااااام

الشفايف:
بالنسبه للنعومه استخدمي لك مرطب شفايف كويس من الصيدليه وخليه قريب منك كل شوي حطي منه

واللون انصحك من بينيفت بزي الصبغه وتلقينها في ذا بودي شوب مثل الروج لكنها مافيها لمعه ولاتروح بمجرد متحطين اصبعك على شفايفك
حطي منها كل شوي مره حلوه ورهيبه وتصلح كل يوم وتبين شفايفك ورديهههه



وبالنسبه لجسم كلههههه اذا تبغي نعومه جربي هالطريقه وماراح تندمي:
اشتري لك كيسه كبيره سكر او ملح خشن وعبيها فعلبه وحطيها فحمامكو
كل يوم اذا بغيتي تتحممي
اول شئ رطبي جسمك بالمويه الحاره او الدافيه مره بعدين ادهني جسمك كلللللله من الابط الى المنطقه الحساسه الى اصابع اقدامك ببيبي اويل او زيت اللوز المر بعدين جيبي الشكر او الملح وحطيه على جسمك كله ودلكيه بحركه دائره خاصه الارداف
ودلكي مدة 5 دقايق بعدين اغسلي جسمك بالماء ولتستخدي رغوات جسم معطره لان دكتورتي مره قالت لي انها هي اللي تسبب الاسمرار وحتى الكريمات المعطره
بعدين اطلعي من الحمام ونعيما مقدما

وعلى فكره الحمام المغربي رهييب لو تستخدميه مره او مرتين بالسبوع

ياعمري انتي وياعمري يالحريم بس..


شوفي بما انك متزوجه ياحبيلك دوري ابسط الخلطات والي ماتطول وتبهذل وتحتاج اغراض ووقت وحوسه دوري اشياء بسيطه يوميه فعاله "خلطه شسالفه صعبه وتبهذل"



انا بقولك اشياء سريعه كذا

للابط جربي مزيل العرق حق ماركه ويليس ويدمر لونه ابيض وهو عباره عن كريم وسعره 55 فتاك طبي يبيض ورائع لمنع الريحه..

حافظي في كل مرة تدخلين فيها الحمام تسوين صنفره وفيه مليون صنفره حلوة منها حقت لوريال الخضراء للجسم او وحده تسوينها بالبيت سكر وزيت زيتون ولوز وتفركين جسمك الي مرطب بس تكونين منشفته بفوطه ماتحطين الصنفره عالموية الفكر بشكل دائري ولدمه خمص دقايق واكثر والله تطلعين بملعه ونوعمه ماتقدرين تتركين رجلك من الوناسه طبعا المتابعه تخلي النتايج احلى واحلى


اشتري مجموعه يوميه اما جاهزة او انتي تشترين كريم وتونيك وصابون على كيفك بس شي زين وموثوق



استخدمي خل التفاح عالمناطق المتششقه والمترهله والي تبين تنحفينها حطيه وخليه ينشف وتطير ريحته وفي مواضيع عن خل التفاح اتبعي الطريقه اهم شي حطيه اول مايطلع زوجك عشان يرجع والريحه طايره او انتي مصرفتها بتسبح او غيره


اما اشتركي بنادي رياضي او سوي عمليات شد او اتبعي نظام غذائي عند ناس مختصين يعني سوي تدبيره قويه لجسمك اذا هو خربان


كريمات كريمات كريمات وصنفرات قسم تخلي الجسم لمااااااعي

خاصه زيت اللوز المر هذا نص النعومه والللمعان


اما الشعر اذا دهني يختي روحي طبيبي اكشفي لا يكون فيه التهاب في جلده الشعر ترى اختي طلع لها كذا وقلل شعرها بشكل مب طبيعي والحمدلله الحين عالجت

اذا مافيه شي ا لحمدلله اشتري "شامبو طبي + بلسم طبي " روحي ا لصيدليه ودوري انسب الانواع لك لا تاخذين صانصيلك ولا بانتين وهالخرابيييييط

فيه كريم حمام زيت انا استخدمه كبلسم خيالي خيالي لشركه riviver يونس

خلطه للشعر : مقادير متساويه خروع - لوز حلو - زيت زيتون ونص المقدار نشا



اتمى اكون افدتك


بس يختي شي من غير متابعه ترى ماااايسوى


ايه نصيحه اخيره

اشتري يتامينات تاكلينها بشكل يومي
للصحه والجمال..

اما عني فاكل حبه يوميا من اروع فيتامين للمراه وهو
multivita for woman
غالي ب220
بس يقعد 3 شهور..

وسلامتك

مشكورات على الرد .. بس عندي كم سؤال ..


هتاف:
مثلا الشعر : نصيحه اذا شعرك دهني لاتستخدمين الزيوت لان شعرك بينعدم
جربي تخلطين ورق الجرجير مع شوي مويه فللبلندر وحطيه على شعرك ساعتين مثلا وانتي تشتغلين 3 مرات فالاسبوع
ويفضل لو تحطين عليه فوطه دافيه عشان تمتصه الفروه


طيب انا شعري دهني مااحط زيوت ابد!!!!
طيب وش احط علشان يزين ؟؟ ويطول ويكثر؟؟؟؟؟؟؟؟

واوراق الجرجير هي عادي الجرججير اللي ناكله ؟؟ وش اسوي به اطحنه ولا شلون ؟؟
مويه فللبلندر <<< وش تصير مويه عاديه ولا لا ؟؟

ومزيلات العرق الطبيات اللي قلتوا عنها مالها ضرر؟؟

فيه مزيل عرق ناسيه اسمه والله بس يمنع ريحة الحرق ولها ريحه حلوة بس بعد فتره سمعت انه يجيب مرض السرطان لانه يمنع العرق ..


ابي شي يطلع مويه العرق بس بدون ريحه يعني ماببي شي يسدد مسامي!!!


وبالنسبه لشعري والرياضه والتنظيم الغذائي فانا ناويه ان شاءالله بس انا في غربه الحين ولا اقدر ولا ودي اروح لاهلي وانا دبه واحوم الكبد ودي باللي يشوفني يقول وش مزينه ذي في نفسها !!!


وطيب طريقه تعطير الجسم بعد الحمام وشلون ؟؟
وش البودره الزينه ؟؟
يالله علمونا

وعلى فكره كثير خلطاتا انا كاتبتها ماعندي مقاديرها ولا راح القاها في هالغربه ..
فبدو لي شي سهل .. وانتظم عليه
يالله انتظر ردودكم

جبت خلطه ثانيه من المنتدى لتفتيح الركب والاكواع :

وهي عباره عن :

_فازلين
_فكس
_كريم جليسرين

_زيت زيتون
_عصير ليمون


تاخذون ملعقه كبيره من الفازلين والفكس والجلسرين وملعقتين الى 3 ملاعق زيت زيتون +عصير نص ليمونه كبيره

طبعا تخلطونهم كلهم بعلبه نظيفه وفاضيه وتحطين منه كل ليله قبل لاتنامين على ركبج وتنامين فيه
طبعا انا احطه قبل لاانام واذا قعدت صراحه مااغسله مااغسله الا اذا دخلت اتسبح

جربوه وعلموني النتيجه صدقوني بتطلع النتيجه من 3 او 4 يوووم

الله يجزاتس بماتحبين
اللهم امين