تسلمين فيروز خلطتا حلوة برجع لها علشان اسجلها ان شاءالله ..

انا حاليا سويت لي جدول بسيط ..

بديت يومين وخربت يومين لكن برجع له ان شاءالله ..

من ضمنه حطيت اني اشرب 8 كاسات ماء يوميا .. بس اقصى حد شربته 6 كاسات ..
ومنه اشرب كاس مويه دافيه على الريق عشان الكرش ..

وفيه اشياء ثانيه للبشره والجسم والشعر ..

ووعد مني اذا التزمت بالجدول ولقيت نتايج احط لكم الجدول ان شاءالله بس خلوني اشوف هل فعلا جت نتايج او لا..

وننتظر مزيد من مشااركاتكم

انا كمان سويت لي جدول خاص :27:

جمعت كل الخلطات المعقوله واللي احس انه لها نتيجه

وعارفه الان بدا الدوام والكرف :D

يوميا العنايه اليوميه (( غسول وكريمات ........))
يوم الاربعاء والخميس (( الخلطات والحوسات .........))

ما شاء الله... يا عيني على الحريم ياعيني

بصراحة

يستحق التميز


موضوع مرتب متكامل وفيه بدائل لكل شيء

الله يجزيك الخير

بالنسبة لي

الوجـــــــــــــــــــــــــــــــه

أغسل وجهي بمطحون الترمس أو الحمص المطحون بصراحة روعة

ينظف ويبيض وصار لي سنه ماشية عليه مع إن بشرتي دهنية بس الحمدلله

ودعت الدهون والحبوب


العـــــــــــــين

أستخدم خلطة زيت الخروع مع عسل للرموش

أو

زيت اللوز مع العسل

النتيجة : رووووعة

للهالات السوداء أستخدم البطاطا المبشورة أو الخيار المبشور

والحمدلله السواد خف بدرجة كبببببيره بعد معاناه الكل كان يقولي أن تحت عيوني أسسسسسسسسود مب أسود بس


الجســـــــــــــــــــــــــــم

استخدمت خلطة الطحينية ..... وبصراحة أنصحكم فيها ريحة حلوة

+ بياض ونعومة

وأحياناً أستخدم الحنة المعجونة بزيت الزيتون للبياض ... أتم فيها ساعة إذا قدرت

الحمام المغربي أسويه كل أسبوع مرة بالخميس


الركـــــــــب والأكواع

مواظبة على اليمون والملح حقهم وحق الجسم ككله......بس قبلها أدهن جسمي

بزيت الزيتون لمدة ربع ساعة

الأظـافــــــــــــــــــــــــــــــــر

الليمون دايماً دايماً .....

الشعـــــــــــــــــــــــــــــــــــر

استخدمت خلطة الثوم + زيت براشوت + زيت أملا + زيت لوز + زيت خروع

مرة بالأسبوع لمدة 7 أسابيع والحمدلله إن شعري نبت من الأمام ...كنت صلعاء


الحين مريحتنه من الثوم وبرجع بعد شهر لأن الثوم يستخدم كمضاد حيوي مثل ما قرات

وحالياً

أستخدم خلطة زيوت في زجاجة + حلبة + حبة البركة



أخذ حبة زيت كبد الحوت مرة باليوم

مممممممممممم


شو بعد ؟؟؟؟

الشفـــــــــــــــــــايف

ذوبت شمع عسل وخلطت معاه شوية فازلين وقطرات ليمون

وأستعمله دايماً بالليل مثل المرطب ....بس بصراحة رووووعة

يعطي لون وردي للشفايف



وبس

up

الله يعطي العافية للجميع بس ابي اعرف متى يمديكم تحطون هذا كلة وين عيالكم ورجالكم انا بس ادخل اقضي حاجتي وانتم بكرامة ويصجني حمودي اجل شلون لو بقعد بالساعات عموما الله يهنيكم ويعيني :(