قرصان جيراني فيها سر ؟؟؟؟؟؟؟؟؟؟؟؟؟؟؟؟يا أهل الرياض وشو ؟!!!!

السلام عليكم
شوفي ياالشهد أبقولك طريقتي............
أول شيء أقطع بصل وخضارقطع صغيره وأحمس البصل بسمن أو زبده أو زيت بعدين أقطع طماطم وأحطه على البصل و أحط بهاروأحط ماجي وأتركه يتسبك شوي بعدين أحط الخضاروأضع عليه مويه وأتركه لين ينضج
بعدين أقطع بصل كميه لابأس بها وأحمسه مع سمنه لين يشقر شوي بعدين أضيف له ملعقه صغيره ليمون أسود مطحون ونصف فنجان سكر ورشة بهار وأحركه شوي بعدين أطفي النار
الحين المرق جاهز والبصل كذلك... أجيب صينية بايركس وأكون مقطعه القرصان قطع صغيره بس موصغيره بالحيل يعني يميل للوسط بعدين أضع على الصينيه طبقة قرصان بعدين طبقه من المرق بعدين طبقه من البصل وهكذا لين تنتهي الكميه وتكون أخرطبقه هي طبقة البصل.......
بعدين أغلفه بقصدير وأضعه بالفرن وأشغل النار من الأسفل وأتركه تقريبا لين أشوف أنه بدأ ينشف من تحت الصينيه
بعدين أشيل القصدير وأحمره من فوق شيء بسيط وبعدين أقدمه
وصحه وعافيه مقدماًَ

ممكن أعرف شنو القرصان ؟
قصدك اللي نسويهم مثل القطايف؟؟؟؟
تكفين يا اخت جهينه ردي علي لان ودي أجرب طريقتك باين عليها روعه .............:24:

وعليكم السلام مشكوره جهينه وراح اجرب طريقتك
واستغربت من وجود السكر فيها


لكن وشو البهار اللي تحطينه فيها ممكن اعرف خلطتك وشي وبعدين وش نوع السمن اللي تستخدمينه ؟؟؟؟؟؟؟؟

وشكرا لك


والباقين وينهم


ولا ما تزينون قرصان





خلاص زعلت منكم وكنت نا ويه اكتب كيكه خياليه لكم بس شكلي باهون !!!!!!!!

السلام عليكم
ياهلا فيك يانووووو نورة وووووال
القرصان سلمك الله هو خبز رقاق
وياهلا فيكِ

ياهلا بخالة آرام
السكر يعطي لذاذه أكثر
والبهارات أشتريها جاهزه
ونوع السمن صراحه ماأتقيد بنوع واحد ولكن غالباًَ ماأستخدم سمن فارم
وياهلا فيكِ