قصة حياتي باختصار ....

السلام عليكم
بنات ، بدخل بالموضوع علطول قبل لا ابدا تراني اغلي عالم حواء ومجرد ماادخله احس بالراحة النفسية
فتكفون لا تغيرون هذي الصورة اللي عندي وشاركوني بموضوعي ...
حياتي هي باختصار ...
انا من وانا صغيرة وانا على نياتي ماني زي ناس جيلي دواهي

كثير انخدعت وكثير ناس اتخذوني مبراده للشر اللي عندهم وكثير ناس تمهزوا بي
وتعرضت للاساءات كلها القولية من الاخرين بالذات اهلي وانا الى الان ماادري وش السبب
لكن ارجع السبب لاني طيبة واتنازل ومااخذ حقي ...
امي من صغري ماتطيقني دايم تسوي مقارانات بيني وبين اخواني يعني بمعاير مو بنصح او كلام
لا تحرقني بكلامها ...
لبس مااعرف البس ولا اعرف انسق اللبس الا لمادخلت الجامعة باخر سنة
طول حياتي ماكنت ذكية اجتماعيا او ذاتيا دايم ضد نفسي سبحان الله
ودايم الناس ضدي طول عمري اللي راح مالي صديقات ولا لي خوات او اخوان مقربين كل الناس لهم احباب واصدقاء الا انا توي بالجامعة لقيت لي صديقة وماادري تستمر صداقتنا او لا وان راحت افلست مابقى لي احد
يعني باختصار انا فاشلة الان على المستوى الديني والاسري والاجتماعي والدراسي والماضي والحاضر
عندي كم سؤال
شي طبيعي انا الواحد بسن الثانوي وتحت يكون طيب وعلى نياته ويتعرض للاساءة من الناس بالسب وا يرد عليهم واحيانا يحسن الظن بهم ويعذرهم وهو بالعمر هذا ؟
اذا الواحد بطفولته كان بالصفات هذي هل معناه ماله مستقبل وان قدراته محدودة ؟
بنات دايم احس اني محتاجة احد بسبب اني من طفولتي محد حسسني انه معي او قريب مني دايم الناس تسخر مني ومبتعدة عني وش الحل ؟ شلون يروح الشعور هذا عني كل يوم ادعي مدري متى تستجاب ؟
احس اني ندمانه ماضيي اللي راح كله ماكنت ذكية كنت ضد نفسي خسارة وش اسوي الحين وش اعمل
هل يتعوض الانسان اذا احسن بمستقبله ولا خلاص في اشياء انهدمت بالنفسية ماترجع ؟
احس راح اقعد طول عمري اأنب ضميري تعبت


بنات اذا الواحد تقي يكفيه علشان يصير احسن الناس ؟ وهل فعلا اذا ربي اعتبره احسن الناس الناس يعتبرونه كيذا ؟


شكرا .