قصة زواج بدووووووووووووووووري

...وجه بن فهرة بنت
حلوة مو حيل بس عينها في عيني ماطاعت تنزل عينها لا وتناظر فينيي وبعدين بدت
تتمقل فيني من فوق لتحت وشوي وتقول لي بالله لف يمين شوي -تبي تناظر ظهري – وش
ذي البنت لحظة شباب من المفروض اللي يناظر الثاني وشوي والبنت تطقها ضحكة قال
خالد وش فيه قالت لا بس نسى يشيل رقم المغسله من الشماغ وتخر هي واخوها ضحك
وانا ابتسم يعني اني ظريف المهم مرت دقيقة ..دقيقتين ابي البنت تدخل ابد
ولاكنها تحس وفجأة قالت لي هاه شفت كل شي تاكدت ان البضاعه سليمة...قلت نعم وش
هي بضاعته قالت انا يا دوك قلت ايه لاحلوة قمر ماشاء الله عليس قالت اجل خلاص
وش تنتظر ارجع للمجلس قمت على وجهي ورجعت – مالاحظتوا ان البنت ملسونه بس ولو
نتحمل وش ورانا- وارجع الا والشياب طايحين على قدوع (القدوع =عنقود تمر)وقهوة
جلست جنب ابوي كاني في رابع ابتدائي مؤدب وساكت وتمت الخطبة على خير....وبعد
يومين وانا توني بانزل علشان مواعد ربعي بنروح نشوف مباراة المنتخب في مقهى
(على فكرة يلعن ابو التشفير واللي ابتكره ) والا مرت اخوي تناديني قالت لي
بــدر تليفون لك قلت لها من ..قالت بنت ...واطمر على غرفتي أوف وش ذا البنت اللي بايعتها
لو تدري امي تعلقني بالمروحه ثانيا خلاص صار عندي خط خاص
ليه تدق على رقم البيت المهم حولت الصوت لناعم وقلت لها مرحبا والا واحدة ترد
ياهووة مابغيت ترد ...قلت عفوا من معي ....قالت ايه يحق لك من كثر البنات اكيد
بتضيع وزي العادة انا درديخ قلت اكيد هيفاء لا منى لاسوسن ولا هي تقول بس بس
انا ياحسرة خطيبتك خلود ولا تجمدت وحسيت اني غبي غبي غبي وبديت ارقع قلت اكيد
خلود يعني من اصلا انا حبيت افلفلك شوي ولا انا ماعمري رفعت السماعة على انثى
الا امي وخالاتي قالت ايه طيب صدقتك ...قالت هاه ياعمري وش عندك قالت ابد حبيت
اتكلم معك اتعرف على عقليتك واشوف عريس المستقبل قلت هلا وغلا ومسهلتين وافك
الازارير أي والله بلا منتخب بلا هم خل اللي شفرها يشبع بها واجلس اسولف معها
حوالي ساعه وانا امدح واشلخ لها اني شاب مستقيم وعلى نياتي ولا خلق الله لي زي
وهي كانها اقتنعت ....ومرت ايام الخطوبه وانا كل يوم في نفس الوقت انتظرها تدق
وهي ولاكنها مهتمه الى ان جا موعد كتب الكتاب وكتب الكتاب وصارت زوجتي شرعا بس
بقا اسبوع على حفل الزفاف الا وتدق خلود مرة ثانيه بس هالمرة في العصر ابد
وانا امدحها واقول لها يام سعود وش اخبارك يام سعود ردت علي ...سعود؟؟؟؟ يوووه
اسم قديم الناس طاحوا في فارس ,حاتم ,حسام وانت توك سعود ...المهم ماعلينا وش
رايك تمرني اليوم بعد العشا ونطلع نتعشا ؟؟؟ والله قوية المهم هي قالت ولا
ماقالت قلت ابشري يابعد كل من قام وقعد هوا ..وما امداهم يصلون العشا الا وانا
مرتز عند باب بيتهم ومعي ورد(فالنتينوا غرب الرياض ) واطق الجرس ويفتح اخوها
الصغير مساعد واقابله بابتسامه كبر خشتي ويقوول يووه هو انت الى الحييين ماخلصت
كل يوم جاي كل يوم جاي وانا اقول له يابو نسب وحشتني (مساعدعمره 10 سنين) واطلع
له مارس وجالكسي من مخباتي وكت كات من جيبي بس كوده يسكت ) قال لي وش تبي
..هاااه قلت له ابد باسلم على خالتي امك يعني (وووع مابقى الا اسلم عليها عجوز
راسها كلها حنة وبراطمها ديرمان ...وريحتها مقطنة ..بس لاجل عين تكرم مدينه) رح
قلها بــدر رجل خلود عند الباب قال لي رجل ولا يد وانا اللي قمت اضحك طبعا
هي بايخه بس لازم تجامل انسبائك واقول له ظريف ابو نسب والله ويدخل مساعد وهو
يصارخ يمّه يمّه الولد اللي بياخذ اختي عند الباب وشوي وادخل قالت لي خالتي
يا هلا برجل بنتي وبدت ترطن تراك يا بــدر بمثابة ولدي والله يعلم لولا
معزتك ولا ماكنت باقبل احط بنتي عندك- ايه هين قبلتي الله يخليه خالي ابو صالح
ولا من زين بنتك أصلا- وترا بنتي غالية عندي وهي..وهي وتطقها بكوة وانا امسح
دميعاتها بشماغي وتمش خشمها بكم ثوبي وانا اتحمل لاجل عيون خلود....وشوي واقول
لها يا خالتي طلبتك قالت ابشر قلت لها ودي اخذ خلود ونروح نتعشى ونرجع وان بغيتي
خذنا مساعد معنا قالت وشو وتقوم ظفايرها كانهم انتلين قلت وش فيك ياخالتي قالت
ابد ابشر بس كذا اصبر انادي لك خلود ...وشووي الا واسمع خالي ابو صالح وهو جاي
مسرع وهو يقول

هههههههههههههههههه
لسى ما قريتها بعد ما اقرئها برد هههههههه<<<<<<< طيب ليش الضحك مدري حاسه إنها حلوه

:24:

وشووي الا واسمع خالي ابو صالح وهو جاي
مسرع وهو يقول وين هو هالداشر مابقى الا ياخذ بناتنا ويدشر بهم ومعه ذيك العجرا
ومعه ولده صالح (على فكرة مطوع) ...وانا من شفت الوضع كذا واعط وتطيح نظارتي
الشمسيه وانسى نعالي لانه من الصعب ان تنجلد قبل عرسك باسبوع ويصير لك تشوهات
في وجهك....و من الروعه صرت الف في الشوارع بالسيارة ساعتين وارجع البيت الا
الوالد يناديني وهو في الصالة والنور مطفي واجي له بشويش الا وهو مزهب لي
الزبيرية (الزبيرية = نعال فيرساتشي) وطننن على وجهي ثم ينط علي ويقول لي يالهيس
انت وش سويت وانا اقول لحظة نتفاهم بس نحل المشكله ودي وكفخني بس على خفيف ثم
يتصل على بيت ابو صالح ويقول له هلاا ابو صالح عقلت لك الولد وادبته ولاعاد
يتعودها ذا الهابق الهابق يعنيني انا... واقول له اسئلهم عن نظارتي الشمسيه
ويقولون لابوي ماطاح عندنا شي وانا متاكد بس قلت يالله كله فدا خلود....المهم
مشى الاسبوع وجا العرس ...وأشوف مساعدوووة كاشخ بنظارتي الشمسية هالمجرم الصغير
بس يالله العوض من الله شريت لي واحده ثانية ...بس أنا متشوق يدخلوني عند
الحريم أكثر من شوقي للعرس نفسه لان أخر مرة دخلت عند الحريم في عرس كان يوم
كنت في سادس ابتدائي...و يدخلني ابوها ومعه كل إخوانها والتفت الا الشباب من
وراي يطلطلون على الحريم قلت لنفسي واش معنى أنا وأقوم اطلطل وما امدى خلوودتي
تمسكني الا تقبصني من يدي يعني اعقل المهم ونجلس على الكوشة ويازينها من جلسة
كاشف كل الصالة بس الغريب أن المدام كانت مؤدبة وهادية ذيك الليلة
وشوي وتنغزني خلود على خفيف وادربي
راسي يمها مو بيكلم زوجته قلت: هلا حياتي قالت
لي:مو يالله قلت لها يالله ايش ..قالت نمشي للبيت خلاص بنقعد هنا الى متى ولا
جازت لك الجلسة هنا وقزقزة الحريّم قلت يالله ومشينا سوا ووصلنا بيتنا العامر
طبعا انا باسكن مع اهلي واطمر مسرع لها بافتح الباب لها يعني اراعي كونها بتصير
خجوله ولا والله ماعندك احد البنت كانها داخله سوق انطلقت لفت البيت لف ونروح
لجناحنا وما امداني اقول زي الافلام برجلك اليمين ياعروسة الا الغاليه دخلت
ورمت الطرحة على جنب وجلست وانا بالبشت تقول واحد يراجع في الاحوال المدنية
محيوس وحالتي حاله وادخل العشاء اللي وصيت اخوي عليه الا وتصكني المدام بسؤال
عالطاير ما عندك مناديل ....ابي امسح المكياج وانا كن الهم كله
انزاح عني قلت ايه مناديل قولي كذا من أول لحظة أجيب لك واخم لها 3 علب مناديل
وتضحك وتقول لي بالله شغل الدش ولا راشد الماجد في الكويت ...ويوم جت الساعة 12 وقت الأخبار في كل المحطات قالت
بالله سكر التلفزيون بدت البياخة وأنا صرت أقدم لها لقمات منوعه من الكباب
والبطاطس والروبيان قالت لي وش دعوى بدووووري موفر الكابوريا لروحك ليه
) قلت لا والله تبين كابوريا قالت لي لا خلها لك بالله حياتي سكر
النور نبي ننام......المهم ثاني يوم الصباح قمت من النوم واتلفت يمين ويسار مالقيتها
يتبع
من ايميلي

اقول شكل القصة ماعجبتكم ؟؟؟؟؟؟؟؟؟؟؟؟؟؟؟؟

الا عجبتن ههههههههههههههههههههههههههههههه