السلام عليكم ورحمة الله
بنات كيفكم يارب تمام
قصة هذي البنت جدا محممممممسه قعدت تقرأ سورة البقره في 40 يوم وحياتها جدا تغيرت بشكل سريـــــــع وللأحسن والأحسن
وفي موضوعها كاتبه كل مستجداتها ويومياتها اللي صارت معاها في 40 يوم
فعلا يا بنات والله الخير جاها من كل جهه بفضل الله ثم بفضل سورة البقره ... :2thmup:
وصارت عايشه حياتها بشكل راائع بعد ما كانت تواجه صعوبات وعراقيل
فقلت ليه ما انزل الموضوع لبنات حواء أحمسهم وأخذ اجر كل من تحمست واشتغلت على نفسها وعاشت حياتها ؟ ! :7_5_127:
راح تستمتعوا لأنكم حتحسوها روايه ممتعه وماراح تملوا ابدا
مثل ما انا ما مليت واستفدت
وللحقوق :
هذي القصه من موقع نسائي اماراتي مشهور
والبنت اسمها زوووز1
وان شاء الله تفهموا اللهجه الإماراتيه
اليكم الموضوع ( بدون زياده أو نقصان ) :
يومياتي في قراءة سورة البقره
السلام عليكم ورحمة الله وبركــــــــــاته
ربيعتي خبرتني عن موضوع خطبتها وكيف انها حاسة انها غير متوفقة في الزواج ابدا مع انها لا ينقصها شي ابدا والحمدلله.. جمال وحسب واهل طيبين وشهادة ووظيفة وفلوس.. كل شي عندها والحمدلله وماشاء الله...
ولكــــــــــــــــــــــــــــن
محد يبى يتزوجها.. ويوم يتقدمون.. خلاص يختفون ولا يرجعون!!
كسرت خاطري والله.. حسيت اني بصيح عليها لاني من نفس حالتها للاسف..
سبحان الله والحمدلله.. اللهم لا اعتراض.. وانا لا اشكو الهم واعرف ان الزواج قسمة ونصيب وان شاء الله يكون نصيبي زين
المهم.. كانت وايد زعلانة وحزنت وقالت.. انا متأكدة ان فيني شي وحد مسوي لي سحر.. واهلها يبون يودونها عند المطوع.. الخ
سبحان الله اتذكرت اني قريت موضوع كم وحدة من الاخوات ان تيسرت امورها يوم قرت سورة البقرة..فلا اراديا قلت لها ليش ماتقرين سورة البقرة؟؟
واذا تبين .. حتى انا ببدأ معاج
وثاني يوم حصلت وحدة مطرشة لي ايميل بقصة وحدة وتجربتها في قراءة سورة البقرة وجان اسوي لها فور وورد وقالت يبالي ابدأ.. وانا نفس الشي قلت بدال ما اروح عند المطاوعة والله اعلم اذا صدق مطاوعة.. بقرأ السورة لمدة 40 يوم
الحين قررت اني احط يومياتي باللي يصير معاي.. وبشو حسيت بعد ما قريت السورة
صراحة بديت ليلة الخميس.. كنت تعبانة لان شكلي بزكم.. بس بديت والحمدلله..
وقريت سورة البقرة.. ونمت.. حلمت اني اكل قطايف بالقشطة (حتى وانا راقدة ابا اكل..لول).. وحسيت بطعم القشطة,, وقلت في خاطري ياليتها كانت قطايف الجبنة (لاني احب قطايف الجبنة..لول)
ويوم قمت.. الحمدلله.. ما زكمت صح اني كنت بين البين بس ما طحت مريضة (الحمدلله)
ليلة الجمعة..حلمت ان امي فارشة سفرة عند الباب (امي تحب النور او الاضاءة الخارجية.. ماتحب الليتات واللمبات اللي داخل البيت.. ويوم كنا في بيتنا الجديم كانت تفتح باب الميلس على مصراعيه عشان يدخل النور ونتغدى قريب الباب).. المهم..امي فرشت السفرة عند الباب وجمعت اليهال (عيال الفريج) عشان ياكلون معانا.. وييت انا وقلت اهووو شو ها مافي مكان هني.. خلاص انا باكل هناك في الميلس..
ويلست واختي العودة مجابلتني (للعلم اختي الكبيرة حــامل) وخالتي يالسة على يميني (للعلم خالتي عايشة في دولة ثانية) وشفت عمري اكل بيتزا وشي ثاني..بس ما اذكر شو هو!!! (فجعانة بس همي الاكل..لول)
ليلة السبت
رقدت والحمدلله نفسيتي كانت وايد هادية ومرتاحة .. (يالله ما احلى الراحة النفسية)
وحلمت بواحد في دوامي.. شعره كان مموج (مع انه في الطبيعة.. شعره سيدة) وحضني (يعي) وكنت مستانسة (ما صدقت حصلت حضن..لول) وقمت من الرقاد مستغربة بس هادية
ولين الحين يومي حلو ومافي اي مشاكل الحمدلله
اليوم رابع يوم.. برد البيت وبقرأ السورة وباجر ان شاءالله يكتب لكم اذا حلمت بشي او صار شي معين معاي
بنات.. اللي حابة تبدأ معاي ومع ربيعتي وتحط لنا يوميا شو حست واذا حلمت بشي واذا شي صار معاها عشان نتشارك.. حياها اللـــــــــــــــــــه..
ومكنم نستفيد.. ولا تنسوني في الدعاء..
واشكر..كل وحدة من الاخوات اللي دعت لي في الحج عن ظهر الغيب... والله يجزيها الخير ويدخلها الجنة لانها ما نستني..
ملاحظة: انا كل يوم بتم اعدل في الموضوع وبضيف شو صار معي يعني كل يوم بتحصلون سطر او سطرين زيادة في الموضوع..
رابع يوم:
رديت البيت ويلست مع اهلي ومع بنت اختي العبها
ويلست لين الساعة 9:50.. عقب رحت غرفتي واتوضيت وصليت.. قريت سورة البقرة كالعادة..
بــــــــــــــــــــــــــس
والله حسيت انها طويـــــــــــــــــــــــــلة علي واني ما اقدر اكملها.. كنت في لحظة بوقف وبالفعل وقفت.. ياني رقاد وحسيت اني خملانة وابا ارقد (الله يلعن الشيطان) ونزلت المصحف.. واول ما نزلت ايدي حسيت بالذنب وحسيت اني لازم ابدا من اول وجديد وال4 ايام بيروحن بدون فايدة غير اجر القراءة (الله يتقبل مني).. واطالع الساعة اشوفها قربت من ال11 وانا لا زم ارقد وباجر دوام.. اوفف يا ربي شو ها..عقب قلت الله يلعنك يالشيطان تحاول توقفني عن القراية بس من يقول الزووز1 بتوقف.. دام بديت والله ما اوقف (خصوصا ان طبعي عنيد.. وبعاند وبكمل)
وما بيغلبني شيطان مطرود من الجنة
وكملت.. وبديت اخربط شوي في الايات وارد اعيدهن وبديت ابطي في ايات ثانية بس اقراهن صح واكمل يعني ما خليت الشيطان يغلبني (والله فديتني..فنانة انـــــا لول)
والحمدلله اول ما خلصت.. حمدت ربي اني ما اتكاسلت ولا وقفت وسالت ربي يثبتي على دينه ويرضيني ما كتبه لي وما نسيت خواتي اللي طرشوا اسمائهن من الدعاء الحمدلله..(لاني كاتبتنهن في ورقة..خخخ)
ورقدت.. حلمت اني كنت مسافرة وكنت يالسة اصور ناس اعرفهم بس ما ادري منو هم يعني ما اذكر ويوهم.. ورحنا منطقة تعتبر واااايد راقية (طبعا في الحلم) وكان في واحد اعرفه ساكن هناك (هذا الشخص في الحقيقة يبى يخطبني بس متردد..ليش! والله اهله يبونه ياخذ وحدة منهم...مالت... ان شاء الله ياخذني عشان ينقهرون...لول.. امزح امزح)
يارب اذا هالانسان اللي في بالي فيه خير لي في ديني ومعاشي وعاقبة امري وريال صالح بيعيشني في سعادة.. يارب اكتبه في نصيبي واذا ماكان زين وانسان فاسد.. يارب ابعده عني وعوضني خيرا بانسان احسن واخير منه.. (اخواتي..لا تنسوني من الدعاء)
المهم ..تميت ماسكة هالكاميرا واصور الناس حتى احيد الكاميرا ما كانت نفس الكاميرات اللي الطبيعة.. كانت مثل البيب ما البناء الطويل يعني انا كنت ماسكة بيب واصور!!
خامس يوم
قمت الصبح والنفسية حلوة ورحت الدوام.. ويتني علوم حلوة في الدوام ان مديري وايد مستانس علي ووايد يمدحني ومستانس على شغلي (مع انه قبل كان يكرهني ويبى يطلعني من قسمه).. الحمدلله طبعا هذا من فضل ربي ومجهودي لاني حاولت بكل الطرق اني اوصل للمستوى اللي يباه
العصر رحت الجمعية واشتريت اغراض للبيت واتاكدت انها مش منتجات دانمركية (يعلهم الخسارة ويعلهم بازمة مالية ونفسية وجسدية) ورديت البيت ويلست مع اهلي سوالف وعقب اطالع الساعة عشان مايستوي بي مثل ما استوى البارحة.. ما ابا اييني رقاد واتكاسل.. بس سبحان الله بنت اختي ما طاعت ترقد وكل تصيح لين شليتها انا وتميت احاول اسكتها واهزها لين ايها رقاد واهتز مخي من كثر ما اهزها..لول (الله يحفظها) ورقدت وكان الوقت 10:10 الليل..
طرت للغرفة وصليت وقريت السورة بس والله انها كا نت خفيفة هالمرة علي..مع اني اتأخرت في القراءة بس الحمدلله اني كملتها ونمت مرتاحة.. بس اذكر شو حلمت
لين الحين..نفسيتي مرتاااااحة الحمدلله واحس اني مستانسة وهاااادية
anan1919 @anan1919
محررة برونزية
قصة وحده قرأت سورة البقره خلال 40 يوم تعالوا شوفوا كيف حياتها تغيرت وصارت للأحسن
25
27K
يلزم عليك تسجيل الدخول أولًا لكتابة تعليق.
anan1919
•
اكمل ان شاء الله لو شفت تفاعل ههههههههههههه امزح لكن الان انا مشغوله بس افضى راح انزل الباقي ان شاء الله تعجبكم وأعطوني رأيكم تحمستوا ؟؟؟؟
انا ماعندي فلوووس ابغا اصير غننيه ادعولي ربي يرزقني رزق واسع من فضله ربي يسعدكمانا ماعندي فلوووس ابغا اصير غننيه ادعولي ربي يرزقني رزق واسع من فضله ربي يسعدكم
ماشاءالله
الله يجزاك خير صاحبة القصه
وأنت يا صاحبة الموضوع الله يجزاك خير
الله يجزاك خير صاحبة القصه
وأنت يا صاحبة الموضوع الله يجزاك خير
الصفحة الأخيرة
تعرفون شو حصلت؟
نزلوا لي بعد كم يوم كم الراتب.. البونس مالي ] يعني ياني رزق وخير..هذا من اول يوم قريت فيه السورة.. الحمدلله بدون اي مذلة عند اي حد .. اللهم لك الحمد
اليوم ال6
بعد ما قريت السورة..
حلمت اني في عزيمة..وشفت اطايب الطعام جدامي..وحطيت لي مشاوي وعيش وكلت وكنت حلوة وايد في الحلم (مع اني في الطبيعة عادية.. لاحلوة ولا خسفة.. الحمدلله اتشاهد) وكان شعري مفتوح ومتسشور وااايد حلو.. وكنت رشيقة وايد ودلوعة..(مع ان مايخصني في الدلع..لول)
ورحت حطيت لي سويت مثل كريم بروليه اعتقد..
قمت مستانسة ..الحمدلله مع ان الدورة بتيني يعني المفروض نفسيتي زفت.. بس سبحان الله نفسيتي حلوة..
رحت الدوام وكل شي مر على خير.. ايامي صارت تمر بهدوء وسكينة.. ما فيها مشاكل..
استويت انسانة هادية.. اتخذ قرارات سليمة..الكل مبسوط مني.. الكل يمدحني.. انام مرتاحة..يومي يمر وما احس بالملل.. صرت ارقد واحلم احلام حلوة.. الخير ينزل من كل صوب علي.. اللهم لك الحمد.. يارب هذا كله من فضلك علي..اللهم اعني على طاعتك
اليوم ال7
رحت الدوام واتيسرت علي اشياء وايدة.. وحلصت اشياء اباهن
وايد انشغلت.. وكنت تعبااااانة لاني خلصت وايد مشاوير..
رديت البيت وسويت بيتزا للعشا.. وكانت لذيييييذة بشهادة اهل البيت.. (طبقت طريقة واحد ماليزي شفته على قناة الجزيرة..على برنامج كانوا اييبونه في رمضان اسمه رمضان.. ومدينة
المهم الريال .. هو دكتور بس بعد الدوام يساعد حرمته في مطعمها.. قال معظم الناس يحبون اكلي ودايما يرجعون لمطعمنا.. قال انا دايما وانا اطبخ استغفر ربي واسبح وكبر.. عشان جي اكلي يطلع حلو.. قمت انا سويت نفس الطريقة.. وانا ساكتة وأعجن.. استغفر الله.. والحمد لله.. الله اكبر ونفس الشي لما سويت الحشوة) وطلعت الاكلة وااايد مضبوطة ولذيذة..جربوا الطريقة يابنات حق اهلكم.. وياعرايس حق المعرس ويا متزوجات حق بو الشباب.. ويا امهات حق شباب المستقبل لول
وبعد هالاكلة الحلوة... كنت خلاص منتهية.. منهكة.. تعبااااانة
واتكاسلت اني اقرى السورة.. واااايد اتكاسلت,, وقفت اكثر من مرة..
عصبت
كملت..
وقفت.. ليش احسها طويلة علي..
فيني رقاااااد.. اذا صكيت عيني برقد.. الرقاد ذابحني
قلت والله ما اوقف..بقوم اصلي عشان اتنشط.. صليت وانا اتثاوب..
رديت كملت السورة.. وكل شوي اعد كم صفحة باقية لي
وبما انه لا يوجد مستحيل عند زووز1... جان اكمل السورة للنهاية
الحمدلله اني ما ضعفت ولا خليت الشيطان يغلبني.. (صراحة فديتني لول)
بس ما حلمت باي شي يوم رقدت..
الحمدلله.. راضية.. ونفسيتي وايد هادية.. الدورة بعدها ما نزلت واتأخرت علي بس مش زعلانة.. طاح عندنا مطر ودعيت ودعيت والله يستجيب.. أحس ان في شي حلو بيستوي بس ما اعرف هو (جان زين لو يخطبي اللي في بالي..لووول..)
ودعواتكم لي يا بنات ان الله يثبتني على قراءة سورة البقر طول العمر
ملاحظة: اخواتي عالية.. ريم.. منيرة..سارة..ام سالم..أمل.. منال..نوال.. فاخرة..عليا.. سعيدةما نسيت ولا وحدة فيكن من الدعاء والله يفرج همكن ويسر اموركن ويبعد عيال الحرام عنكن ويحقق كل اللي في بالكم عاجلا غير اجل.. اللهم امين
اللي بعدها ما بدت.. نصيحة ابدي وحسي بشعوري.. تسد الراحة النفسية..يالله كم تسوى
السلام عليكم..
انا انقطعت كم يوم عن منتدانا الحبيب ولكن لم انقطع عن قراة سورة البقرة وان شاء الله ربي يوفقني واواظب على قرائتها بعد التجربة اللي عشتها وبعد السكون والهدوء النفسي اللي جربتهم..
قبل اذا كانت نيتي اني اتوفق وانول الشي اللي اباه واحصل الزوج الصالح والذرية.. والصحة.. والاشياء الباقية اللي تعتبر دنيوية (بس بعدني اباهن..لول)
بعد ما قريت مشاركات الاخوات اللي بدن معاي واللي كانوا من قبل باديات واللي حطن تجاربهن.. صدق من قلبي اقولها بارك الله فيكم جميعا وبالاخص الاخت الطيبة wolves_grl (الله يجزيها الجنة يارب) اكثر وحدة متحمسة واتشجع الواحد انه ما يوقف.. الله يبارك لج ويرزقج كل الخير وكل ما تتمناه نفسج..
مشاركاتكم خلتني اتشجع اكثر وتغيرت نيتي.. اذا قبل ابا شي صغير (دنيوي) فألحين اطمع للشي الاكبر.. اطمع في الجنة واطلب حسن الخاتمة (خصوصا انه كثر الموت المفاجئ في هذي الفترة)
انزين خلاص بلا فلسفة.. خبرينا شو صار معاج من جديد
مستجدات اليوم 8 – 14
تمر علي الايام بسررررررعة ولا احس فيها.. صار ما عندي وقت للرياضة.. كل وقت رايح في الدوام والبيت وحشرة اليهال خصوصا ان اختي الكبيرة عندنا هالفترة لانهم يصلحون بيتها.. فعيالها (الوحوش) يالسين عندنا وهي حامل وتعبانة (الله ييسر ولادتها ان شاءالله).. بس من يقول زووز1 تبدى شي وتتكاسل عنه (والله زين اني استعمل عنادي في شي ايجابي ونافع وما استعمله في شي غبي وسخيف... عشان يوم اقولكم اني انا عجيييبة..لول)
تبون الصراحة ما صارت اشياء مستجدة معاي بس كانت نفسيتي شوي داون لان الحلوة بعدها ما شرفت.. وانا اتعب يوم تتأخر علي واتم متضايقة لين تنزل.. المهم واظبت على قراءة سورة البقرة وتمر ايامي حلوة وهادية.. ما حلمت اي كوابيس ولا حلمت احلام مخيفة او ذات معنى شر.. والحمدلله اني ما نسيت اي من الاخوات اللي طرشوا لي اسمائهم (مب لاني حافظة الاسماء.. لا.. لاني كاتبة اسم كل وحدة وشو تتمنى... شفتوا كيف انا عجييييبة
ظربتني ضييييقة خايسة.. وكم مرة صحت في غرفتي (مب في الحمام, لاني عرفت من فترة بسيطة ان الجن يتجمع في الحمام وانتوا بكرامة ويدخل في الانسان في لحظات ضعفه.. مثل البكاء.. العصبية..الزعل..ألخ) واللي قاهرني اني ما اعرف شو سببها..
في اليوم رحت الدوام وكل شي مر حلو والحمدلله المدير اللي كان يكرهني صار يحبني ويعتمد علي في اشغال صعبة..ويثق فيني (مالت عليه.. انا ما احبه..لول)
وكنت بعدني متضايقة ورديت البيت ويلست ساكتة ومش طايقة اسمع شي بس غاصبة عمري اني اسمع سوالف امي.. وبطني مقطعني.. وايد يعورني.. قلت بشل اليهال وبنسوي رياضة في الفريج.. وكل واحد منهم لابس زنوبة سنعة..لول.. ونزلنا في الشارع وتمينا نمشي ولفينا في الفريج واسمع سوالف اليهال..لول.. صدق اليهال ما عندهم سالفة.. الاستاذ قال والابلة سوت.. وصديقي سلوم.. وصديقتي هني بيتها.. واشتريت اللعبة الفلانية.. شو هااااااااااااا..بس انطبوا.. امشوا وانتوا ساكتين.. سكتوا دقيقة بالضبط وردوا على نفس السالفة واونه الحين بينكتون.. خالو خالو..نمله دقت الباب وما دخلت ليش؟ ما اعرف ليش؟؟ ايديها محناية!!! هاهاهاهاها.. شو يخصه؟؟..لازم اضحك!!!
وردينا البيت بعد مشي ساعة.. ونزلت الحلوة.. اخييييييييرااااااااا فرجت..الحمدلله..اخيرا نزلت... وعقب عرفت ليش متضايقة وليش صحت لانها بعدها مانزلت ومتأخرة كالعااااادة.. (ترى انا من صغري والحلوة مش منتظمة معاي يعني عادي متاخرة 10 ايام او6 ايام ومرة وصلت انها متاخرة 20 يوم.. عاادي) ولهذا السبب انا مخزنة في موبايلي اليوم اللي نزلت فيه الحلوة عشان كل اشهر اشوف كم يوم قدمت او اخرت..وشو اكتشفت هالمرة.. ما بتصدقون.. الحلوة متأخرة بس يوم!!!!! هذا شي مش عادي.. سبحان الله
وقريت السورة من الكمبيوتر.. (ترى انا مجهزة عمري.. شارية سي دي للمواقف الصعبة عشان اقرى من الكمبيوتر لاني مرات اشك في النت من كثر ما اسمع بلاوي واغلاط كتابية ..الخ..فاشتريت السي دي بعشر دراهم من توفاليو في المارينا مول وهاذي صورته.. وااااايد حلو السي دي فيه 3 لغات وفيه تفسير القران والتلاوة والتجويد)
يوميات 15-19
يوم عادي وهادي والنفسية احلى بوايد والحمدلله مبتسمة.. المساء اختي يت البيت وحبستني تحت وانا ما اعرف شو السالفة ويوم خلصت.. رحت غرفتي وحصلت مفاجأة.. تلفزيون جديــــــــــــــد.. يااااا سلام هدية لي ]... تعبت نفسيتها من تلفزيوني القديم مع اني كنت احبه وكمل عندي 9 سنوات..لووول .. شفتوا الخير اللي ياني وانا محبوسة تحت..لوول (بس باقي الريل.. لو حد يحطه في صندوق وايبه لي هدية وايد بستانس..خخخخخ) الله يرزقني الريال اللي في بالي بالحلال عاجلا غير اجل ويسخر لي اهله يارب.. ادعوا لي يابنات
طبعا انا شو اسوي.. كل يوم انظم وقتي.. واشوف شو بسوي اليوم.. اذا وراي مشاوير اخلصها.. اقرى السورة من وقت (لاني حاطة نسخة من السي دي في البيت ونسخة في الدوام...صدقتوا اني عجيبة)
وما حلمت اي شي يذكر.. بس وصلتني علوم من بعيد ان اهل الريال شو بدوا يلينون وشوي بدوا يرضون.. والله اعلم ويارب تكون الاخبار صحيحة وبصراحة انا سويت عمري عادي ومش مهتمة وااايد.. ياسلامي عليج يا زووز1 ياثقييييلة
ويتني فترة بديت اثقل في القراءة بس والله احس بالذنب.. في شي ناقص ولازم اسويه سبحان الله هذي السورة عظيمة عظيمة.. ياربي كيف انا ما كنت اعرف مدى عظم هذي السورة وكيف انا كنت جاهلة عنها وما بديتها من زمان وهي قدام عيوني وانا ما اعرف..بس الحمدلله اني عرفت وبديت وما غلبني الشيطان وانا اللي غلبته وكملت قرائها..الحمدلله .. والله يا بنات اني وايد فرحانة .. وايد مرتاحة.. شعور لا يوصف..هدوووء وسكينة ..الحمدلله اني ولدت مسلمة قي بيت مسلم ويشهد ان لا اله الا الله وان محمد رسول الله.. واذا جاء اجلي.. يارب احسن خاتمتي.. وانا ساجدة لك باكية من خشيتك .. امييين
اللي بعدها مابدت.. نصيحة لك يا اختي الفاضلة.. تعففي من سؤال الناس.. وابدي في قراءة سورة البقرة وبتشوفي كيف الله بيرزقج من حيث لا تحتسبين.. فجاة بينزل الخير عليج.. فجاة بينفتح على باب من نور وامل.. والله العظيم نحن محظوظين ونحن ما ندري.. عندنا كتاب الله اللي فيه الكثير ونحن ما نعرف...
تعرفون اني استويت ما اسمع اغاني ابدا في السيارة.. وحتى قنوات الاغاني عقيتهن ورى في تلفزيوني الجديد (خلوني اخق شوي..لول) صرت ما اطيق الاغاني.. نادرا.. والله حتى نادرا ما تستوي.. سبحان الله شوفي هالشي ياني من بعد ما بديت قراءة سورة البقرة.. وهذا شي حلو اني تركت سماع الاغاني..
انا وايد طولت عليكم.. وقلت اشياء وايدة.. لا تحرموني من مشاركاتكم الطيبة لانها تشجعني على الاستمرار واذا انا غافلة عن شي معين.. مشاركاتكم هي اللي تنبهني
ملاحظة: ما نسيت اي من الاخوات اللي طرشوا لي اسمائهن على الخاص.. واللي بتبدى.. لا تؤجلي عمل اليوم الى الغد.. اليوم نحن عايشين وبكرة يمكن نكون تحت التراب وقد تكون هذي السورة سبب لدخولج الجنة..