قصة ولادتي الأولى .....مفاجآة ...لم أتوقعها ..وتجربة لم أكن أعرف عنها ..

السلام عليكم ورحمة الله وبركاته

اممممممممممممممم

تحمست أكتب لكم قصة ولادتي الاولى لابني البكر ...قبل 3 سنوات وشهرين تقريبا ...
طبعا أنا كنت حامل في الشهر السادس وكان باقي لي تقريبا أسبوعين وأكون خلصت السابع ...

يعني كنت 6 شهور ونصف ...


في يوم عادي مثل باقي الأيام ..دقيت ع حماتي أبغى منها طريقة " الديبازة " وكلمت كمان أمي ...أخذت من الاثنين الطريقة ...قلت أسويها لزوجي لأنو يحبها ...

بالضبط كان يوم السبت 20 -10 -1427هـ..

بس خلصت مكالمات ...قمت رحت المطبخ ...

كانت الساعة 10 وربع - 10 ونص


حسيت الله يكرمكم بمويه تنزل وقفت مكاني ...تسمرت لحظة !!!!

طالعت تحت ...مويه الله يكرمكم مع شوية دم !!!!

أنا لسه ما أعرف ايش هي الولادة بالضبط ...ولا كنت متخيلة إني ممكن أولد بدري مرررة !!!!!


صدمة

مسحت الأرض ...
دقيت ع زوجي ما رد ...

رحت اتروشت وصليت العشاء

- شكلو ما كنت أدري إنو من تبدا الولادة يعتبر نفاس فما علي صلاة - ...


قلت في نفسي مين عارف اخرج من البيت أرجع له ولا لأ ...

لحظات خوف غريبة ....


رجع دق زوجي ايش تبغي ؟؟؟

قلت ارجع بسرعة - لأنو كان توه طالع -

- ليش ؟؟؟

- قلت : أبغى أروح المستشفى ...

- ايش سار ؟؟؟

- مدري في شي جالس ينزل ...

قفل وبسرررررعة رجع ...

قال لا تقولي مويه - أفهم مني عارف إنو المويه معناتو ولادة -

قلت : مويه ودم !!!!!

قال : البسي العباية ...


يعني سبحان الله كل شي جا بدري ...ما انتظر مننا التخطيط له ...

رحنا المدينة الطبية أقرب شي لنا ...

دخلنا طوارئ الولادة ...

جلس زوجي ينتظر برا ...

تأخرت نص ساعة ...

وهو مسكين مو عارف ايش عندي ...وليش تأخرت ....

خرجت ...

- هاه ايش قالوا ؟؟؟

-قلت :







































" ولادة "

انصدم ..كنت أراجع في مركز صحي داك الوقت ..وع أساس نكلم واحد يجيب لنا واسطة وأولد في المدينة الطبية

وأنا لسه مرررة بدري ..حتى ما دخلت التاسع ...

سبحان الله

زوجي ضاقت فيه الأرض ...فين يويدني دحين ...
طفل في السابع لازم حضانة ...
أية مستشفى مضمون ...؟؟
طيب وفلوس الحضانة ؟؟؟؟
كم راح يجلس في الحضانة ؟؟؟

أسئلة لها أول ما لها آخر ...
درات في راس المسكين زوجي ...

كنا ديك الأيام ما عندنا تأمين ...والراتب طيب بس برضو مستحيل راح يكفي طفل في حضانة
لمدة شهرين ع الأقل ..

وأنا جالسة أحكيه اللي سار ...

جات الدكتورة قالت لي ايش في .؟؟؟
قلت : في مويه نزلت ...
قالت أشوف..
نمت ع السرير ..
جابت حقهم دا جهاز الكشف الحديد

- مقرف أكرهه -

دخلته وخرجته ...رمته ...

دخلت يدها أحسن ..

دخلت يدها كلها !!!!!

قالت : ولادة ...الرحم مفتوح مدري 3 -4 سم

قالت لازم أشعة ...جا أخصائي الأشعة ...
حط الأشعة ع البطن وأنا طبعا مغطية وجهي

قال : البيبي طيب ...

المهم أدوني إبرة عشان رئة الطفل ..قالوا لازم بعد 12 ساعة تآخذي وحدة تانية
وكتبوا لي ورقة ..

وقالوا : ما عندنا حضانات ...

مدري صدقتهم ...بس الحقيقة الله يعلمها ...

رحت البيت ..زوجي جلس يكلم أصحابه يسأل عن مستشفى طيبة يوديني لها في نص الليل

وأنا أسوي لي شنطة للمستشفى ...

والنونو الجديد كنت لسه من اسبوعين بس عرفت إنو ولد ..

وما لحقت حتى أجهز له أي شي جديد ...

شربت عصير ...

ريحت شوي ..

جلست أقرأ في كتيب ورد الولادة وأمسح ع بطني ...

وأستغفر ...

أرسلت لأختي الكبيرة وأعز صديقاتي رسالة فيها

" ادعي لي أنا بأولد "

جلست أختي تبكي وتدعي لي ...

ما كنت حابة أقول لأمي




- خلاص نزلت الدموع وأنا أتذكر ديك اللحظات -

شوية يزيد الألم ..بدات أتأوه ...

آي ...آي ...الم قوي في الظهر ...


قال زوجي قومي ..قمت ووهو ماسكني ... كانت الساعة تقريبا وحدة وشي ..


نزلت في الأصنصير ...

حط مخدة ورا ظهري ...

رجع الكرسي ع ورا ...

ما أتذكر شي وانا في السيارة ...

غير إننا وصلنا بسرعة ...


إلى


" مستشفى الملك خالد الجامعي "


المكان اللي قرره زوجي للولادة كأول خيار لنا ..

نزلت من السيارة ع الطورائ

قال لهم : ولادة ...

بسرعة فتحوا الباب ...

دخلت ..أديت زوجي كل الأغراض اللي معاي ...

الجوال ...كيتب ورد الولادة ...


مين عارف راح أشوفه مرة تانية أو لأ


دخلت بالملف حقي حق متابعة الحمل





خلتني الممرضة انام ع السرير

سألت الأسئلة المعتادة المعروفة لكم ...

كشفت علي ...


وقالت شوية الدكتورة تجي ...

المهم ديك اللحظات ...

جلست أدعي وأقرأ ع نفسي الآيات وأمسح ع بطني ...

وأحس بمويه تنزل كأني أبغى الحمام ...

وكنت أروح الحمام ...

وأرجع ...













المهم عدا الوقت ...

سارت الساعة 2 تقريبا ....

زوجي برا يخلص الأوراق ...


وجلس ينتظر ...

هم ما قالوا له بعد ما خلص الأوراق أي شي



وأنا بدأ الألم الحقيقي ...

لسه ما كنت أعرف عن التنفس العميق ...

شوية أقولها ما أقدر خلاص ما أقدر ...

جو الممرضات وكان تعامهم طيب معاي ...

في نفس السرير غطوني ...

وطلعوني لغرفة الولادة ...


فجأة لقيت نفسي في غرفة الولادة

فيها كم ممرضة ودكتورتين

قالوا غيري اللبس ...

غيرت ...


حطوا الجهاز اللي يقيس نبض الجنين ع البطن ...

وأنا أقول ما أبغى ...

ماني قادرة ...

آآآآآآآآآآآآآآآآآآآآآآآه يا ظهري ...

احتاروا الدكتورات ...

جهاز الأشعة مو مبين فين الجنين ووضعه بالضبط هو راسه تحت أو لأ


عن طريق الكشف الداخلي عرفوا إنو الراس تحت ...


ولمن يجي الألم ...الحق ما كنت أقدر أتحمله ...

كنت أصرررررررررررررررخ

لن يروح أجلس أستغفر وأدعي ...

الممرضات كانوا يحطوا لي حق التنفس اللي فيه زي البنج ...

وأنا يا حرااااااااااااااااااااااااااااااام


جد أقطع القلب ...

أبكي بكااااااااااااااااااااااااا

وأقول يا رب محد حاس في وفي وضعي غيرك ...


أقولهم أنا أبغى أموت ...

- يقولوا لي : لا ما رح تموتي ...انتي راح تولدي دحين !!!!

أبغى أهرب منهم داك الوقت ...

شويه أحس الدنيا مدري كيف أوصف ...

فتحوا رجولي تمام ...وحطوا كل رجل في مكانها ......

جلست الدكتورة الأولى تطالع في وتقولي قولي :

اللهم لا سهل إلا ما جعلته سهلا ..وانا أردد وراها ...

والثانية عند رجلي تقول الراس قريب دفي ...دفي ...

وشوية


ينتهي العذاب


صدق رسول الله صلى الله عليه وسلم :

" والمرأة تموت بجمع شهيد "

أي وقت الولادة ...


ارتحت مررررررررررررررررررررررة

وقف الألم ...

ايش سار ؟؟؟؟؟؟؟؟؟؟؟؟؟؟؟؟؟؟؟

أطالع ألقى خرجوا مني طفل صغيرررررررررررررررر جدا

لونه أزرق ...

ما سمعت صوت منه ...

ولا صرخ صرخة وحدة !!!!!!!!!!!!!!!

الدكتورة تقول لي : مبرووووك ولد ...

انا : الله يبارك فيكي


هم جري فيه ع الحضانة ...........

وأنا في رااااااااااااااااااااااحة من هم وشبح الولادة السريعة المفاجأة


خيطتني الدكتورة

والحمد لله بس شقت شق صغيرر جدا

والممرضة خرجت البواقي والمشيمة ...بهدوء ورقان معاي ...

أقول للممرضة ....
- متزوجة ؟؟؟

- لأ

- ليش مافيه زواج ؟؟؟كم عمرك ؟؟

- كل يوم أشوف كدا تبغي أتزوج

خخخخخخخخخخخخخخخخخخخخ

يا ااااااه ع الروقان اللي في ما شاء الله علي بس ...

ريحت ع سرير الولادة ...

قلت لها أبغى مويه ..جابت لي مويه ...

ولدت بالضبط الساعة 3 و20 دقيقة صباحا ...

- في نفس الوقت أمي حبيبة قلبي ما تدري عني ....جالسة تدعي لي في نص الليل إن الله ييسر لي أمري -


قالت لي الممرضة بعدما ريحت مدري كم من الوقت نص ساعة او أكتر ...

تعالي الحمام ...

حطتي ع الكرسي ..ودخلتي الحمام

الله يجزاها خير متعاونة وهادية

دخلت الحمام وخلصت ...

خرجت لقيت وحدة توها داخلة نفس الغرفة اللي خرجت منها

قلت : يا رب إنك تسهل عليها ...


جلست ع الكرسي ..ومعاي الكيس حقي اللي فيه ملابسي ...

وغطتني بالعباية وع الغرفة حقت الحريم اللي ولدوا


وصلت الغرفة ...نزلت ..جابوا لي لبس تاني ...

جد سبحان الله كل الممرضات كانوا رااائعات معاي

كانت معاي وحدة ممرضة من جنوب أفريقيا

روووووووووووووووووووعة قليلة فيها




نمت وأنا في قمة السعادة ومو متخيلة إني خلصت وولدت !!!!

والحمد لله قدام غيري ...تعبتر ولادة سهلة ميسرة من عند الله ..

شوي جا زوجي ....

أخيرا قالوا له ..حرمتك ولدت ..والولد في الحضانة

جا يا حرااااااااااااااام

شافني الحمد لله عالسلامة ...كيفك دحين

وانا جد فرحانة ...والابتسامة طول في عرض

الحمد لله ...

وأحكيه سار .... وسار ....

قال : أقول أنا سمعت صوت وحدة تصرخ ...

قلت : مستحيل حرمتي ....

خخخخخخخخخخخخخخخخخخخخخ

بعذره ما قد سمعني أصرخ كدا






وللحديث بقية عن قصة ولدي الصغير في الحضانة