بما انك ذكرتي سبب سمنتك وهو الفاست فود
فمعناته ان سبب سمنتك زياده في الوسط الحامضي في جسمك
وبسهوله بااذن الله راح تتخلصي من هالسمنه
وهو انك تبدأي بااكل الاكل اللي يرفع من قلوية جسمك
وبالتالي يقوم القلوي بالتخلص من الحمض اللي هي الدهون اللي تراكمت
في خلال الفتره اللي ذكرتيها
انصحك تقراي عن الاكل الحامضي والقلوي في قوقل
اسهل شي من القلويات الزيت زيتون والبقدونس عصير او مغلي وعصير الليمون بدون سكر
وبااذن الله بتلاحظين الفرق في خلال اسبوع
ومع الاستمرار بتلاحظي نزول وزنك اسبوع بعد اسبوع
وبهالشكل مااتوقع ان الوزن راح يرجع لك بسهوله

المشكلة الان ليست السمنه
خلاص سمنتي وانتهيتي!!

المشكلة الان لو سويتي رجيم ونقصتي كثير مثل اللي ينقصون بشهر عشرة كيلو واكثر هذا فيه مضرة كبيرة عليك
اولا التأثير على الصحة والبشرة
ثانيا الترهل وتصبحين سيدة في الستين وانتي لم تصلي للثلاثين
ثالثا وهو الاخطر والاقهر انه يرجع وزنك كما كان وزيادة منذ ان توقفي الرجيم بفتره بسيطه

طيب والحل !!!؟؟

الحل يا جميله انك تنقصي وزنك باعتدال بحيث ما يزيد النقص عن كيلوين في الاسبوع واقل يكون افضل
ثانيا ما تعتمدي على رجيم معين من اجل المعادن الغذائيه ولكن اعتمدي التخفيف بالاكل

انصحك باكل البيت مع تقليل الكميه الى الثلث
يعني الصباح حبة توست او ربع رغيف مع اي شي تحبيه مع كوب حليب
الغداء وهو الوجبه الرئيسيه (وبالامكان تكون بالليل اذا فيه عندك اجتماع عائلي) مغرفة رز مع مغرفة سلطه مع مغرفة خضار او ما يقوم مقام هالاشياء من النشويات والبروتين وغيره

العشاء ممكن علبة زبادي او كوب لبن او حبة توست اي شي تحبيه لكن شي صغير يرد الجوع فقط
وبين الوجبات بتجوعين اكيد لان الكميه قليلة جدا
فانا احذرك من الجوع اكثر من تحذيري اياك من الاكل
لان الجوع يخليك تهجمين على الاكل مثل المسعورة !!وهذا يحوس النظام كله
اذا كل ما جعتي بين الوجبات كلي اي شي
لكن اكل مفيد وقليل
مثلا حبة تفاح او حبة برتقال او اي حبة فاكهه والمرة الثانية اذا شعرتي بالجوع كلي حبة خيار او جزر او طماطم اي خضار تحبين

بامكانك في هالنظام تشربين شاي بسكر قليل جدا او قهوة
ولو حبيتي نسكافيه مع السكر خليها بدل حبة الخضار او الفاكهه
لكن اهم شي في النظام انك ما تاكلي الا لما تجوعي وانك تشربي ماء قبل كل أكله تاكلينها بعشر دقايق

واظمن لك انه ينقص وزنك بهدوء جدا وبدون ما يرجع وزنك وبدون ترهلات وخاصة الدهون المتراكمة لها شهور وشهور
بتلاحظين انها اول شي ينزل من وزنك

اقولك هالكلام من تجربتي ومن تطبيقي والحمد لله حتى الان ما زاد وزني مع اني حملت والغالب ان الحامل تبين الزياده في جسمها وليس الحمل فقط
لكني متبعه هالنظام في حياتي ومرتاحه جدا عليه

وبالتوفيق للجميع

الله يعينك حبيبتي

ما في احد يقسي عشان مصلحة احد

لو حابين مصلحتها جاوا لها بالارشاد والنصيحة ومد يد العون مو كذا تجريح واهانات

حبيبتي لما تنحفين اسحبي عليهم ولا يهمونك هالبشر

الله يخيلي لك زوجك بس

وشوفي

غلط انك تبدئين رياضه بجهاز مثل الاوربتراك

يحتاج تحمل وصبر .. ابدئي بسير مشي افضل

بسرعه تتعاودين عليه ولا تتكيسلين المشي عليه لانه ما يتعب بسرعه

وتقدرين تمشين عليه ساعه الا ربع بعد صلاة الفجر مباشرة

المشي يشد ويحرق .. وكل اللي عليك تخففين اكلك

او تشبعين نفسك من الخضار والسلطات اكثر شي .. مع شوية نشويات وشوية فاكهة

انظبطي شهر عالمشي اليومي والاكل قليل السعرات والدهون والاملاح وان شاء الله تلقين نتايج تسرك

ومشي الفجرية مرررة ممتااز

رايقة ومرتاحه راح تمشين وانتي مبسوطه

ويكون ولدك نايم في هالوقت

الله يوفقك حبيبتي يحقق لك مرادك

معاكي

الله يعينك يبغى منك شويه اراده والله يقويكي
وانا مع كلام الاخت مسكويه قللي اكلك وامشي في بيتك ربع ساعه متواصله
كل مره زيدي خمس دقايق
والله مريت بنفس الشيء من اخواتي والي قهرني انهم اصغر مني تخيلي الكلام كيف يجي
الحمد لله الحين يقولو ماشاء الله عليكي احسن من اول ومن تحت الضرس كمان واول بالفم المليان يالدبا