تبين الصدق انتم مكبرين موضوع
احتريه مقصر بالمقاضي يشك فيكم
خارمكم الطلعات
حارمكم الدراسه
طبعه رسمي !!!
هذي خلقته له حدود بالتعامل
مادامه ماضركم اعتبره اب رائع
ابوك فيه تعب نفسي من ضيم الزمن حضنوة
الله يخليه لكمم
بلاك ماشفتي الابوة

أختي في الله... عليج بالدعاء، أدعي من قلب صادق أن الله يرزقج تبرين بالوالد... كسر خاطري مسكين، يمكن قبل كان في شبابه وما كان مهتم بهالشي وايد، لكن احين يوم كبر، يبي يحس أنه في أحد يهتم فيه ويحبه وراح يفتقده لو صاده شي...

بس في نفس الوقت عارفة معاناتج وفاهمتها، عارفة أنه صعب، عارفة أنه غريب، عارفة أنج تلومينه، لكن الواحد لين كبر غير... يصير يبي أحد يهتم فيه ويداريه.... يكفي فقط يكفي أن بر الوالدين ذكر مع عبادة الله "وقضى ربك ألا تعبدوا إلا إياه وبالوالدين إحسانا" ...

كمحاولة للتقرب منه، حاولي تفتحين مواضيع سياسية، رياضة، أي موضوع عام، لكن حاولي ما تكونين معارضة لرأيه اذا كان من النوع الي ما يحب احد يخالفه، طبخي شي بيده وسأليه عن رايه، شاوريه قبل لا تشترين فستان أو اكسسوار أو أو... راويه الاشياء الي شريتيها بعد ما ترجعين من السوق... حاولي تتعاملين معاه مثل ما تتعاملين مع الوالده، وخلي في بالج هدف رضا الله عز وجل...

حبيبتي... هاذي بر الوالدين، متى ما راح الوالد خلاص، راح تحسين بتأنيب ضمير فظيع.... ادعي وتوكلي على الله وأخذي بالاسباب ورب العالمين راح يسهل عليج....

تعرفين انتي بنعمممة منتي مستشعرتها ...

اب جابكم ورباكم ..وموجود حولكم ..يمكن اخطا في تعاملخ ..قصر في صرفه ..بس نعمة انه حاس بخطاة وانه يحاول يصححه ..ويتقرب منكم ..وتقولين يمزح وكذا ..يختي تخيلي انه صاحبه لك غلطت واعتذرت وحاولت ترطب الاجواء ..وجاتك بالمصارح..وحاولت اكثر من مرة ..وانتي صادة بالله مايحن قلبك ..فما بالك بابو ..ابو عزوتك ..وعضيدك ..تتعاملين معاه بهالجفا ..اعتقد انه اعترف واقر انه في مشكله ومحاولته انه يصلحها تشفع له الف تقصير ..لا تقولين صعبه ..كل يوم قرري تبدين عادة جديدة معه ..مرة تصبحين وتضحكين له ..تاخذين كم يوم لين تنكسر الرهبه وتصير عادة ..بعدها سوي له شاي قهوة اي شي وادخلي عندة انتي واختك قهووة..امم خطوات صغيييرة بتقربكم ..خصوصا انه مبادر وودة بالقرب ..شي غريب بالاول ..بس صدقين زي الابو وحنانه مافيه ,,لا تحرمين نفسك من التمتع بعلاقه طبيعيه معاه طالما انه عايش بينكم ..الله يطول بعمرة ويخليه لكم ..ويمتعه بكم وبمحبتكم ولمتكم حوله ..ويمتعكم بحبه وحنانه يارب ..

حلو انو طلب منكم تتغيروا كلوا حاولوا في البداية بيكون صعب ولكن شوى شوى الأمور بتغير ومع الدعاء بتسيير

قصتك مع ابوك انتي ضحيه وابوك ضحيه
انتي قريبه من امك وامك تسب في ابوك وتشبعتي بها الامر
ومن كلامك ابوك ضعيف شخصيه امك كانت الرابط بينكم وهي قربتكم لها وبعدكم عن ابوكم
امكم زرعت في داخلكم كره الاب للاسف
انتي تبين تكونين ام....؟؟ تخيلي ولدك نافر ك ؟؟.......حطي نفسك مكان ابوك ؟

ابوك حي تشوفينه غيرك يتمنى لويرجع ابوه لدنيا ويجلس معه ساااعه وحده بس