الحقي على عمرك ،،،،،،،، دام الامر جاء من عنده تقبلي كلامه اجلسي مع ابوك وونسيه اذكري ان اخوانك ماحد نافعك وخلي شي في بالك انك ماراح تقدرين النعمه الي انتي عايشته الااذا توفى ابوك بعد طول عمر في طاعه الله ان شاء الله.........في ذي الساعه حبي الارض الي اندفن فيها
اكتب هذا الكلام لاني فقدت ابي العزيز الله يرحمه ويغمد روحه الجنه

ياقلبي الله يفرج همك

معليش باكون قاسية بردي شووي ..
البلا مو منكم .. البلا من امكم الي كانت تحرشكم عليه وتقسي قلوبكم على أبوكم ..
مافي زوجين ما تجي بينهم مشاكل وتوصل بينهم للشيطان الرجيم لكن الأم الي تخاف ع عيالها وما تبغى تسبب الأذى لقلوبهم ولبراءتهم ولعالمهم الطفولي ما تجلس تسب وتشتم وتتسخط ع ابوهم قدامهم ؟؟ عشان تكسب محبتهم وتعاطفهم وهذا حال كثييييييييييييير ناس اعرفهم .. لدرجة تحرش اولادها ع اهل زوجها وتربيهم ع الكره والحقد من الصغر يكبرون وهم يكرهون وما يدرون وش السالفة ومشاعرهم ملخبطة ..
بصراحة حزنت ع أبووك كثييير أكره موقف عندي لما أشوف أب يترجى أولاده يسولفون معه بالذات بنته .. يحن عليها ويحبها ويبيها قريبة منه دايما ..
أنا أبوي لما اجلس اسبوع ما اتصل عليه يزعل ويعاتبني كثير والله أحزن واحس بادخل النار ع اني ما اتصلت فيه .. والله يخليه لي والله علاقتي فيه علاقة صداقة أكثر من انها أب وبنته .. لأن أمي كانت دايما تكبره بعيونا و تهااوشنا لو زعلنا منه مهما كان بينهم ..

نصيحتي لك حسني علاقتك فيه ترى ربي قرن محبته بمحبة الوالدين .. بكرة لو صار فيه شي بتندموون أشد الندم حب الأب ما يتعووض والله لا مرضت وانا عند زوجي أجلس أبكي أبي أبوي مهما كان زوجي طيب وحنون وواقف معي مو مثل قلب أبوي ولا حنانه

رائي مثل رائي الأخت Pittsburgh


نصيحة لك يا صاحبة الموضوع انت واخونك الحقوا نفسكم وبروا ابوك قبل لا تحصدوا اللي قاعدين تزرعونه
ابوكي ما أشوف في عيب ولا أشوف انه اب ظالم بس هذه شخصيته انسان صارم وتعامله رسمي مع عياله ويحط حواجز لكن شكله انتبه الآن وحاب يعدل الوضع

ياشيخه هذا ابوك وش هالموضوع اللي كاتبته الله يهديك يجي يبكي ويقول تغيروا وانتم يعني مسوين فيها كبرتوا ودبرتوا
حتى لو كان يسلخ جلدك مع ان ماتوقع عمره ضربكم اهم شي انه تاب ويبي عياله يسولفون معه
الماضي هذا تحاسبين عليه ولدك زوجك صديقتك مو ابوك وامك اللي جابوك للدنيا
لاتحسبيني جايه اتفلسف ع راسك بس لمجرد الرد
لا ابوي اقسى من ابوك ونفسه تماما بالاضافه لانه يضرب اذا عصب وعمري ماتذكرت امي الله يرحمها سبته قدامنا والله
مرات الواحد يطفش واختي تقول اوف منه ان امي ماتكلمها وتغضب عليها وتقول حتى لو انا سبيته لااسمع وحده او واحد فيكم يتكلم عليه انتم عياله
والله كبرنا وتوظفنا وجبنا عيال تعالي الحين شوفيه اللي مايحب يدلع ولايجيب ولايتناقش صار يلاحق عيالنا ويلاعبهم
ويفقدهم اللهم لك الحمد اللهم لك الحمد اللهم لك الحمد اني ماعمري غلطت بحقه وزعلته زمان لانه تغير ومابيه يذكر شي
من عياله سيء بحقه وكله بفضل الله ثم الغاليه الله يرحمها
انا ماحبيت اكتب هالكلام لكن موضوعك كان جدا مستفز وخاصه تقولي احاول اتغير والقى اخواني مثلي واعرف ان الغلطان مو احنا لا كل واحد فيكم يفكر كذا اجل من اللي يبدا بالتغيير دامك كتبتي الموضوع انتي ابدي عشان اخوانك يمشون وراك
انسي كل شي انسي ابوك يستاهل صفحه جديده يستاهل ياشيخه كتاب جديد مو صفحه
روحي بوسي راسه اغصبي نفسك ادري مو متعوده فاجئيه والله الدنيا ماتسوا